Македонија
Мијалков: Безбедносната состојба е стабилна и во моментов нема некој нов посериозен ризик
Во ексклузивно интервју за дневниот весник „Дневник“ го директорот на УБК, Сашо Мијалков, вели дека последните насилни инциденти, како оние во автобусите на ЈСП, се „сигнал дека треба многу повеќе да работиме со младите, но и јасно ни кажуваат дека меѓуетничката доверба изминативе 20-ина години не се градела на доволно добра основа, односно изостанувало доволно посветен однос од сите општествени и политички фактори“.
Мијалков смета дека е лошо тоа што овие инциденти, поради контекстот, добиваат посериозно и поинакво значење и испраќаат негативна слика за земјава, а таа порака стигнува и до потенцијалните инвеститори и до нашите партнери од меѓународната заедница, па потоа ни требаат двојно повеќе напори за да ја објасниме ситуацијата и да дојдеме до посакуваната позиција.
Запрашан за состојбата во МВР и УБК, Мијалов вели дека таа во моментов, е во подобра кондиција од кога било.
„МВР и УБК се во подобра кондиција од кога било. Како во однос на опремноста така и во однос на персоналните капацитети. Организациската поставеност и методологија на работење, дисциплината и субординацијата. Тоа што го затекнавме во 2006 година беше во најмала рака срам и вџашувачко. Никаков систем на кариера, застарена организациска поставеност, централизираност и оддалеченост од граѓаните. Како некој намерно да сакал да ги девалвира службите, а преку нив да ја влоши и позицијата на земјава. На ниво на цело МВР имаше помалку 500 компјутери, а се уште се возеа автомобили „застава 101“ и „голф2“. Во овие седум години целосно го обновивме возниот парк, набавивме 4 хеликоптери, реновиравме полициски станици, го имплементиравме проектот „Безбеден град“, воведовме 24 часовен видео надзор на сите гранични премини, го инсталиравме ТЕТРА- системот, инвестиравме милион евра во крим- технички лабаратории и реализиравме уште многу проекти и реформи во системот. Разликата е повеќе од очигледна. Во времето на нашите претходници исчезнуваше кокаин од депото, а ние ја имавме рекордната заплена во регионот и редовно партиципираме во меѓународни акции. Тие не смееа да помислат ниту да влезат во Чаир, а премиер и министер преговараа со кондовската група што ја држеше цела земја во заложништво шест месеци. Сега нејзините членови се во затвор, а ние реализиравме акции како „Планинска бура“. Тие не гледаа криминал ниту во „Бачило“, ниту помислуваа да се справат, на пример, со Франкфуртската мафија или со кочанското подземје и слично, а не пак, да расчистат со урбаната и тутунската мафија. Граѓаните ја препознаа оваа разлика и ја поддржаа. Враќање назад нема“, изјавил Мијалков.
Мијалков и со одговор по обвинувањата од опозицијата дека во земјата има селективна правда, велејќи дека се треба да се базира на докази.
„Доколку опозицијата ги базираше своите обвинувања на докази, верувам дека барем еднаш ќе ги презентираше. По нивната логика, сите се невини, дури и ако судот врз основа на доказите пресуди поинаку. За опозицијата, криминал во Македонија никогаш не постоел. Тоа што бевме на дното на листата на „Транспаренси“ е само тенденциозност кон тогашната власт. Граѓаните може да се жалат дека платиле, а не добиле стан, но за нив афери како „Фиком“, не постојат, обвинетите од „Машинопромет“ ги прогласија за невини, а не објаснија како стока книжена со вредност нула и отуѓена за уништување на отпад се продава во продавници по регуларна цена. Ако прашате кај опозицијата и осудениот претходен градоначалник на општина Аеродром од редовите на владеачката партија, како и актуелни партиски функционери од власта се селективна правда. Да, ние правиме селекција, но селекцијата на оние што го почитуваат законот и на оние што работат спротивно на законите и се богатат на грбот на граѓаните. За нив немаме и нема да имаме милост без разлика на политичката припадност. Опозицијата прави селекција во зависност од тоа дали е некој нивни член или симпатизер. Ако некој нив ги тужи за клевета тогаш тоа е обид за притисок и за замолчување. Кога тие тужат медиуми тогаш се работи за барање правда. Лицемерство и недоследност“, вели Мијалков./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Град Скопје: Заклучокот за приватните превозници е изгласан без кворум, нема да поддржиме акт со елементи на кривично дело
Градоначалничката Данела Арсовска одбива да изврши измени во одлуката за исплата на надоместокот за изминат километар на приватните превозници.
Град Скопје го обвинува претседателот на Советот, Трајко Славески дека дејствувал спротивно на Законот и Деловникот на Град Скопје, донел заклучок без кворум, не им дозволил на претставниците на градската аднимистрација стручно да се произнесат, а дополнително упатил и закани кон вработените.
„Спротивно на член 87 од Деловникот на Советот на Град Скопје, без кворум односно неопходното мнозинство за работа од 23 советници, без соодветно од страна на стручните служби да биде утврден бројот на советници присутни во салата и бројот на гласови, своеволно изјавивте дека заклучок е донесен и притоа повикавте вработените во градската администрација и Градоначалникот да постапуваат иако стручните служби на Град Скопје и сите останати советници во Советот укажуваа на неправилностите во водењето на седницата и немањето кворум за одлучување“, велат од Град Скопје во дописот до Славески.
Од тука нагласуваат дека ваквиот Заклучок кој произлегува од Иницијативата за отпочнување постапка за покачување на цената на услугата која ја добиваат приватните превозници, гласан без кворум не може да се смета за донесен.
„Стручните служби во градската администрација и градоначалникот во ниту еден момент и на никој начин нема да бидат соучесници во вашето грубо прекршување на Статутот, Деловникот и незаконското постапување“, наведе Град Скопје, додавајќи дека покачување на цената по километар се врши врз основа на критериуми, а не по нечија желба. Како критериуми, меѓудругото, ги наведуваат трошоците за гориво, бруто плата на возачи, трошоци за резервни делови, регистрација, технички преглед.
„Секој поинаков предлог и донесување акт е спротивно на позитивните законски прописи и подзаконски акти, а доколку реалната цена добиена согласно горенаведените критериуми е пониска од онаа која вие сте ја договориле без соодветна анализа и факти, истото ќе предизвика штета на Буџетот на Град Скопје и прибавување противправна имотна корист на други лица“, се вели во дописот до Славески.
Според Град Скопје, тој сакал свесно да ги задолжи градоначалникот и секторите да изготват и поднесат незаконски акт кој може да го оштети Буџетот, односно да преземат дејствија со елементи на кривично дело.
Допис од Град Скопје до Трајко Славески (1)
Претседателот на Советот на Град Скопје, Трајко Славески претходно објави дека дека по налог на градоначалничката Данела Арсовска, администрацијата го опструира и отворено покажува дека се противи на решавање на проблемот со приватните превозници.
„Иако како претседател на Советот замолив Секторот за поддршка на Совет, кој е дел од градската администрација, да го подготви заклучокот за потпис и проследување до градоначалникот Арсовска во рок од половина час по завршување на седницата, тоа не е направено ниту по час и половина од посочениот рок“, вели Славески.
Тој тврди дека во моментот на гласањето некаде околу една минута, ја молел службата да ги изброи гласовите, а советниците стоеле и тоа може да се види од снимката. Рече дека советниците имале забрана да ги бројат гласовите, а тоа може многу лесно да се провери.
Совет на град Скопје по петчасовна расправа на итна вонредна седница со мнозинство гласови донесе заклучок со кој се задолжува градоначалникот Арсовска во најкус можен рок, по можност во текот на денешниот ден, 29 ноември 2024 година, да предложи измени и дополни на одлуката за… pic.twitter.com/lkz973lFmx
— Trajko Slaveski (@TSlaveski) November 29, 2024
„Не остана ништо друго, туку јас самиот да избројам. Во меѓувреме нели советниците од СДСМ кажаа дека нема да прават кворум, ќе го растурат кворумот не успеаа во тоа, може и тоа да се провери да се изброи, така што донесена е одлуката“, рече Славески.
Македонија
Славески ја обвини Арсовска и нејзината администрација за опструкции за решавање на проблемот со приватните превозници
Претседателот на Советот на Град Скопје, Трајко Славески вели дека по налог на градоначалничката Данела Арсовска, администрацијата го опструира и отворено покажува дека се противи на решавање на проблемот со приватните превозници.
„Иако како претседател на Советот замолив Секторот за поддршка на Совет, кој е дел од градската администрација, да го подготви заклучокот за потпис и проследување до градоначалникот Арсовска во рок од половина час по завршување на седницата, тоа не е направено ниту по час и половина од посочениот рок“, вели Славески.
Претходно, советот на град Скопје по петчасовна расправа на итна вонредна седница со мнозинство гласови донесе заклучок со кој се задолжува градоначалничката Арсовска во најкус можен рок, по можност во текот на денешниот ден, 29 ноември 2024 година, да предложи измени и дополни на одлуката за исплата на приватните превозници, со конкретни насоки, рече Славески.
Нагласи дека останува да го чека потпис актот во неговата канцеларија во Советот на град Скопје.
Македонија
Левица: Иако имале информации за дестабилизација властите тотално потфрлија
Властите имаа цели 5 месеца да ја превенираат ,најавуваната од Мицкоски дестабилизација, а тотално потфрлија, велат од политичката партија Левица.
Од тука ги оценија како скандалозни изјавите на премиерот Христијан Мицкоски и министерот за внатрешни работи, Панче Тошкоски, коишто при вчерашниот тотален хаос, беззаконие и безредие при прославата на албанското знаме, упатија честитки и задоволство од наводното професионално, соодветно, навремено и државничко постапување на полицијата.
„Денешните изјави на министерот Панче Тошковски и премиерот Христијан Мицкоски дека при синоќешните нереди полицијата постапила професионално, соодветно, навремено и државнички, се врв на цинизмот и навреда за македонскиот народ! Како може да се нарече професионално тоа што полицијата не презеде никаква акција додека вооружени лица во центарот на градот пукаа со огнени оружја?! Како може да биде државнички кога полицијата немо стоеше додека македонските национални симболи беа газени, палени, понижувани, демонстративно уништувани?! Омраза се ширеше неконтролирано, без никакви обиди за спречување на ескалацијата“, велат од Левица.
Од тука додаваат дека вчера низ улиците на македонските градови, македонските граѓани беа оставени сами на себе – загрозена им беше безбедноста, се блокираа улици, се промовираше насилство и омраза, а полицијата беше само декор и одби да постапи согласно своите должности и надлежности за превенција и зачувување на јавниот ред и мир.
„Оттука, им укажуваме на Мицкоски и Тошковски дека нивната сервилност кон коалициониот партнер ВРЕДИ, коишто беа организатори на повеќе провокаторни настани ширум државата, е она што ќе го прелее трпението на македонските граѓани. Според информациите, коишто ги изнесоа медиумите, биле пријавени повеќе од 750 инциденти, но приведени се само осум лица“, велат од Левица.
Додаваат дека македонскиот народ и Левица бараат неселективна правда, достоинство, безбедна држава, а не влада која толерира хаос и ја потценува интелегенцијата на граѓаните на сметка на коалициониот мир.
Град Скопје: Заклучокот за приватните превозници е изгласан без кворум, нема да поддржиме акт со елементи на кривично дело
Градоначалничката Данела Арсовска одбива да изврши измени во одлуката за исплата на надоместокот за изминат километар на приватните превозници. Град...
Славески ја обвини Арсовска и нејзината администрација за опструкции за решавање на проблемот со приватните превозници
Претседателот на Советот на Град Скопје, Трајко Славески вели дека по налог на градоначалничката Данела Арсовска, администрацијата го опструира и отворено...
Се бара притвор за три лица за уништувањето на македонското знаме
Обвинителството поднесе предлог за притвор за три лица за уништувањето на македонското знаме синоќа во централното градско подрачје. Од тука...
Две млади лица загинаа во тешка сообраќајна несреќа кај Дебарца
Тешка сообраќајна несреќа се случила утрово во атарот на селото Ботун, во општина Дебарца, пришто животот го загубија момче и...
За вчерашните инциденти со македонското знаме уапсени четири лица, изјави Тошковски
Во текот на вечерта се уапсени осум лица, од кои четири за предизвикување верска и национална омраза, извести министерот за...
„Влен“: Масовната прослава ги поттикна дестабилизаторите, најостро го осудуваме палењето знамиња
„По досега невидената прослава на 28 ноември, додека албанската песна и оро одекнуваа низ целата земја, очигледно оваа празнична атмосфера...
Алијансата за Албанците: Извршителите на овие грди дела не му направиле чест ниту на знамето ниту на својот народ
„Сите знамиња на народите во светот заслужуваат почит. Остро го осудуваме сквернавењето на државното знаме и палењето на албанското знаме,...
ДУИ: Го осудуваме индивидуалниот чин на палење на државното знаме како реакција на несоодветната интервенција на полицијата
„Демократската унија за интеграција остро ја осудува полициската интервенција без преседан за време на прославата на Денот на албанското знаме,...
За сквернавењето на македонското знаме е известен јавниот обвинител: се преземаат дејства за расчистување на настанот
Во текот на вчерашниот ден додека се славеше Денот на албанското знаме на две места е снимено сквернавење на македонското...
„Вчерашниот чин на кинење и сквернавење на македонското знаме е крајно вандалски и ние сме згрозени“, велат од Сојузот на борците
„Секогаш и во времето на НОБ заедно сме се бореле за слободата. Вчерашниот чин на кинење и сквернавење на македонското...
„Да газиш и да кинеш, да уништуваш знаме на држава која те израснала, образовала, платила и плаќа, вложува во тебе – е злосторство и треба да одговараш“, рече Димитриевски
Денеска како човек но и градоначалник на сите граѓани во Куманово од почит кон моите сограѓани од Албанската заедница го...
СДСМ најостро ги осудува инцидентите и сквернавењето на македонското знаме
СДСМ најостро ги осудува инцидентите и сквернавењето на македонското знаме, нарушувањето на јавниот ред и мир, како и употребата на...
Приватните превозници задоволни од предлогот за зголемување на цената по километар, се очекува од понеделник да се вратат во сообраќај
Советниците од ВМРО-ДПМНЕ во Град Скопје и приватните превозници се договорија за повисока цена за изминат километар. Координаторот на советничката...
(Видео) Путин и’ се извини на Меркел: Ангела, извини, не знаев дека се плашиш од кучиња
Рускиот претседател Владимир Путин ги отфрли тврдењата на поранешната германска канцеларка Ангела Меркел дека намерно се обидел да ја заплаши...
Мицкоски најави инспекции на универзитетите: „Тие кои нема да ги отстранат недостатоците ќе бидат санкционирани“
Претседателот на Владата, Христијан Мицкоски на денешната собраниска седница за пратенички прашања најави инспекции за сите универзитети кои ќе добијат...
Славески до приватните превозници: Арсовска е непредвидлива жена, ќе ве остави без леб
„Собрав храброст, како некои што ми порачуваат, да се обидеме да ги разјасниме работите за ова што се случува со...
Мицкоски: Многу бргу ќе слушате што сè е правено со безбедносните служби и ќе се срамите
Претседателот на Владата, Христијан Мицкоски на денешната собраниска седница за пратенички прашања, потенцираше дека за многу скоро време македонската јавност...
Гаши за уставните измени до Нова година: Собранието е спремно да ја почне процедурата веднаш штом ќе има политички договор
Претседателот на Собранието, Африм Гаши, смета дека измените за внесување на Бугарите во Уставот во Собранието ќе поминат многу лесно,...
(Видео) Експлозии во Киев, нападната е Одеса, огромен руски напад
Експлозии утрово одекнаа во украинските градови Одеса, Кропивницки, Харков, Ривне и Луцк, објавија украинските медиуми Зеркало Тижња и Суспилне, наведувајќи...
Изградил хотел во Скопската чаршија, надградил ходници, скали, рецепција, и тоа без одобрение за градење: поднесено обвинение против инвеститор
Основното јавно обвинителство Скопје, по спроведена истражна постапка, поднесе Обвинителен акт против едно лице за кривично дело – Бесправно градење...
