Денеска министерот за внатрешни работи Оливер Спасовски преку ЗУМ-платформата се вклучи во јавната дебата на тема „Ризикот од корупција при издавање на одобренија, решенија, лиценци и дозволи во областа на транспортот и спроведувањето надзор“, во организација на Државната комисија за спречување на корупцијата, на која учествуваа и министерот за транспорт и врски Благоја Бочварски, вршителката на должност директорката на Царинската управа, Славица Кутиров и директорот на Државниот инспекторат за транспорт, Руфат Хусеини.

„За нас во Министерството за внатрешни работи превенцијата и борбата со корупцијата претставува примарен постулат од кој не отстапуваме во изминативе години, согласно начелото на Владата борбата против корупцијата да го има третманот на еден од најважните национални интереси, од чија што реализација буквално зависи развојот и просперитетот на нашето општество во целина. Низата нови законски решенија, континуираните надградби на меѓуинституционалната, како внатрешна, така и меѓународна координација и соработка, потоа постојаната техничка и кадровска екипираност и едукација, се само дел од активностите за во таа наша решеност да се истрае и да се успее во борбата против корупцијата“., рече Спасовски.

Тој објасни дека од аспект на полициските истраги од областа на корупцијата во 2020 година беа откриени 97 кривични дела, за што кривично беа пријавени 161 сторител, за причинета материјална штета од околу 100,2 милиони денари. И во текот на оваа година МВР продолжи со тој засилен тренд на детектирање и правно процесирање, така што за периодот во првите десет месеци беа откриени и расчистени 114 кривични дела поврзани со корупција и коруптивни злоупотреби, што претставува над 50 отсто зголемување на откривачката функција на полицијата, споредбено со истиот период лани, а причинитетата материјална штета изнесува 97,3 милиони денари. Помеѓу кривичните дела од областа на корупцијата и понатаму најдоминантни се кривичните дела „злоупотреба на службената положба“ со коруптивни елементи. Полицијата открила 77 такви дела во првите 10 месеци од оваа година, односно зголемен е бројот на реализации за 54% во однос на истиот период лани. За делата кривично се пријавени 147 сторители, а со нивното извршување предизвикана е материјална штета над 63,6 милиони денари.

Министерот за внатрешни работи укажа дека најголемиот ризик за корупција кога станува збор за институциите, вклучително и МВР, и натаму се манифестираат преку злоупотреба на службена положба и овластување при издавање на документи, дозволи, лиценци и решенија, а формите главно се со прифаќање на подароци и услуги, поткуп, оддавање на класифицирани информации, уништување докази и слично, поради што неопходно е постоење на функционална поврзаност и формирање на заедничка база на податоци до кои ќе имаат пристап сите субјекти задолжени за борба против корупцијата, со цел размена на информации заради обезбедување одржлив систем на заеднички приод во реализирањето на сопствените обврски на институциите за неселективната борба против корупцијата.

Кандидатот за претседател на СДСМ, Јован Деспотовски, најавува директен избор на кандидатите за функционери од страна на сите членови на партијата.

„Со програмата ‘Концепт 28’ воведуваме директен избор на кандидати за градоначалник и пратеник од страна на членовите. Носителите на јавни функции така ќе станат одговорни кон членството и граѓаните, а не кон лидерот“, пишува Деспотовски на „Фејсбук“.

Тој истакнува дека многуте направени грешки во кадровската политика ја донеле сметката на избори.

„Ги учиме лекциите од минатото кога функционерите се отуѓуваа од луѓето што ги избираат. Нема криење од јавноста, пријателите, соседите. Јавната или партиска функција не смее да не менува. Човек останува човек“, истакнува кандидатот за претседател на СДСМ, Јован Деспотовски.

Лидерот на ВМРО-ДПМНЕ, Христијан Мицкоски, очекува Македонија да ги почне преговорите со Европската Унија.

Тој одново ги критикува барањата на Бугарија за кои рече дека немаат врска со европска иднина и вредности.

„Јас очекувам Македонија да ги почне преговорите со ЕУ за повеќе од една недела. Тоа го заслужи не само затоа што се направени, односно ненаправени, од страна на Владата, туку поради тоа што го направија македонскиот граѓанин и Македонија и заслужија почеток на преговорите. Ова е крајно време ЕУ на дело да ги покаже вредностите и да ги напушти оние хегемонистички барања на источниот сосед, кои немаат врска со европска иднина и вредности, туку се барања за два-три века во минатото, а не два-три века во иднината“, рече Мицкоски.