Реализацијата на мерките од Планот за борба против корупција е во напредна фаза, веќе се работи на нови системски мерки коишто ќе бидат имплементирани во новиот План за борба против корупција, порача на денешниот брифинг со новинари, заменикот на претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски.

Вицепремиерот Николовски посочи дека интензивно се работи на измени и дополнувања на потребните закони за дигитализација на процесите, за да од 1–ви јули 2022 години овој процес биде комплетиран и истиот да се применува. Користењето на платформата за Интероперабилност, значи дека институциите ќе ги разменуваат сите информации и документи по електронски пат.

„Тоа значи дека не може да се чуваат и кријат предмети во фиоки на институциите кои што имаат истражни дејствија, нема да чекаат со месеци за одредени дописи од друга институција се со цел да се забрзаат постапките. Првите шест закони од МВР, а кои се клучни оти таму се законите за лични карти, живеалишта и други се веќе во собраниска процедура, а уште 129 закони Владата ги разгледа, тие се изготвени и ќе го поминат владиниот филтер и на тоа се надополнуваат законите во делот на правосудството. Со тоа ќе имаме над 250 закони кои ќе стапат на сила на 1-ви јули 2022 со што веќе го имаме правниот дел закоружен. Се надевам дека сите политички чинители ќе дадат максимална поддршка и нема да има кочници за овој најсериозен процес преку којшто граѓаните ќе можат електронски, дигитално да ги добиваат услугите и сите сервиси“ рече вицепремиерот Николовски.

На брифингот, вицепремиерот Николовски потенцираше дека веќе се ставени во функција системот за Е-инспектор како и системот за поднесување на претставки за непостапувања по предмети. Подготвена е нацрт верзијата на предлог Закон за потекло на имот и донесена е Стратегија за зајакнување на капацитетите на институциите за водење финансиски истраги и конфискација на имот. Воедно согласно Планот за борба против корупција, се намалува бројот на членови на управни и надзорни одбори во јавни претпријатија и јавни установи, се зајакнуваат капацитетите на јавните обвинителства, се ставаат во функција истражните центри, во функција е одлуката за ограничување на угостителски услуги за работни состаноци на функционерите и за ограничување на користење на службените возила, а институциите назначуваат лица за внатрешно пријавување, објавуваат антикорупциски програми, интерни процедури за јавни набавки.

Воедно, Николовски потенцираше дека се работи и на нови системски мерки кои ќе бидат дел од новиот План за борба против корупција, како што се Регистарот на цени на стоки и услуги.

Во напредна фаза е подготовката на модулите за спецификација на стоки и услуги за техничките документации, очекувам кон средината на месецов да бидат усвоени техничките спецификации коишто ќе бидат унифицирани за сите институции. Една од клучните мерки е подготовката на Регистар на цени на стоки и услуги којшто ќе биде воспоставен во првата половина на 2022 година. Заедно со модулите на техничките спецификации и регистарот на цени на стоки и услуги, ќе бидат сериозно ограничување на можостите за корупција при јавните набавки. Тие претставуваат една сериозна контрола, отвореност, транспарентност, и институциите ќе мораат да ги користат овие цени коишто ќе ги има во самиот Регистар и којшто постојано ќе се обновуваат“, рече вицепремирот Николовски.

Како дел од новите мерки вицепремиерот Николовски го посочи воведувањето на аудио и видео надзор за начинот на преземање на службените дејствија од страна на царинските службеници, даночните инспектори и даночните контролори , како и проектот „Mystery shopper“, кој практично значи теренска проверка на институции за утврдување на неажурно, неефикасно и потенцијално коруптивно однесување.

Во последните 24 часа направени се 1.299 тестирања, а регистрирани се 101 нови случај на Ковид-19: Скопје – 59, Кавадарци – 10, Битола – 8, Прилеп – 7, Штип – 3, Тетово, Гостивар, Велес, Кочани и Неготино – по 2, Кичево, Ресен, Валандово и Македонски Брод – по 1.

Регистрирани сe 393 оздравени пациенти, и тоа од: Скопје – 123, Битола и Охрид – по 37, Кавадарци – 20, Велес и Крива Паланка – по 19, Прилеп – 15, Кочани – 13, Тетово и Куманово – по 12, Штип и Струга – по 9, Кратово – 7, Ресен, Берово, Делчево и Демир Хисар – по 6, Неготино, Валандово и Радовиш – по 5, Гевгелија, Свети Николе и Виница – по 3, Струмица , Пробиштип, Богданци, Македонска Каменица и Дојран – по 2, Кичево, Крушево и Демир Капија – по 1.

Во текот на изминатите 24 часа регистрирани се 13 починати лица: 6 од Скопје (39, 71, 74, 77, 80 и 81), 2 од Куманово (75 и 80) и по едно починато лице од Берово (77), Битола (69), Велес (71), Македонска Каменица (35) и Ресен (76). Сите пријавени лица се починати во болнички услови.

Дополнително, во согласност со регистарот на умрени лица со дијагноза Ковид-19 од „Мој термин“, пријавени се 4 починати лица со датум на смрт од 29.11.2021 до 4.12.2021. Регистрираните починати лица се од Скопје (2), Струмица (1), Битола (1) и се на возраст од 58 до 78 години. Три лица се починати во домашни услови и едно во болнички услови.

Направени се 1.299 теста преку: ИЈЗ – 51, ЦЈЗ Скопје – 27, ЦЈЗ Битола – 0, ЦЈЗ Прилеп – 0, ЦЈЗ Тетово – 0, ЦЈЗ Куманово – 12, Клиника за инфективни болести и фебрилни состојби – 1, Судска медицина – 0, лабораторија во болницата во Козле – 0, УК Пулмологија со алергологија – 0, ГОБ „8 Септември“ – 0, Институт за микробиологија – 99, „Жан Митрев“ („Филип Втори“) – 81, „Авицена“ – 60, „Биотек“ – 97, „Систина“ – 53, лабораторија „Лаор“ – 0, „Синлаб“ – 0, „Ремедика“ – 0, „Плодност“ – 0, „Генеа“ – 0, „Никоб лаб“ – 293, „ВФВ медикал“ – 31, „Ели медика“ – 39, „Ројал медика“ – 0, „Спектра-ММ“ – 0, „Рапид лаб“ – 0, „Жан Митрев Струмица“ – 0, „Нова лаб дијагностика“ – 0, ЈЗУ и ПЗУ (рапид-тест) – вкупно 455.

Досега во земјата се направени вкупно 1.485.944 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 217.400, бројот на оздравени пациенти е 203.967, на починати е 7.658, а бројот на активни случаи изнесува 5.775.

Според епидемиолошки анализи, во моментот дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје 95.111, Активни 2.768
Куманово 12.941, Активни 201
Тетово 11.344, Активни 103
Прилеп 10.318, Активни 321
Битола 8.823, Активни 521
Гостивар 8.069, Активни 19
Велес 7.342, Активни 176
Кавадарци 7.050, Активни 228
Штип 6.614, Активни 116
Охрид 6.522, Активни 200
Струмица 6.136, Активни 118
Кичево 4.228, Активни 36
Кочани 4.020, Активни 112
Струга 3.909, Активни 37
Гевгелија 2.811, Активни 83
Неготино 2.574, Активни 45
Свети Николе 2.126, Активни 48
Крива Паланка 1.906, Активни 76
Ресен 1.756, Активни 55
Радовиш 1.741, Активни 53
Берово 1.460, Активни 71
Дебар 1.456, Активни 2
Делчево 1.415, Активни 105
Виница 1.161, Активни 21
Пробиштип 1.126, Активни 26
Валандово 948, Активни 41
Кратово 776, Активни 34
Богданци 645, Активни 22
Демир Хисар 617, Активни 49
Крушево 593, Активни 32
Македонски Брод 499, Активни 11
Демир Капија 425, Активни 4
Македонска Каменица 418, Активни 27
Пехчево 352, Активни 9
Дојран 168, Активни 5

Град Скопје од денеска ја става во функција електронската адреса за комуникација со граѓаните [email protected] како чекор кон транспарентно управување за Скопје, и тоа 24 часа во служба на граѓаните.

На оваа електронска адреса граѓаните ќе може да пријавуваат проблеми, а градската администрација ќе биде задолжена да одговори на барањата на граѓаните.

Oд Град Скопје информираат дека во моментот се вршат последните подготовки за ставање во функција и на канцеларија за комуникација со граѓаните, која ќе биде отворена 24 часа за нивните потреби, а целиот процес ќе се одвива етапно во следните три недели.