Македонија
Препораки за здрав начин на живот во првиот Водич за исхрана на населението
Препораки за исхрана и промоција на здравиот начин на живот се содржани во првиот Водич за исхрана на населението во Македонија.
Министерот за здравство, Никола Тодоров, во четврток ја презентираше Нацрт верзијата на првиот Водич за исхрана на населението, во кој се наведени основните и најважни препораки за исхрана, а неговата цел е промоција на подобро здравје и предупредување на ризиците од консумирање на одредена храна.
Водичот е објавен и на веб страницата на Министерството за здравство како драфт документ за јавна расправа, со можност да се менува и дополнува, а се очекува за десетина дена да биде објавен финалниот документ.
Министерот Тодоров изјави дека при изготвување на Водичот се користени искуствата на Германија, Холандија, САД и Франција и во него се содржани препораки базирани на докази за промоција на навики за здрава исхрана и физичка активност.
„Препораките се наменети за здрави лица на возраст над две години. Нашата популација се соочува со зголемени здравствени ризици соодветни за најголем број земји со таканаречен ‘западен стил’ на живот, каде што главно ризиците се поврзани со хроничните незаразни болести. Насоките од Водичот меѓутоа се корисни и за луѓето со зголемен ризик од хронични болести”, рече Тодоров.
Тој додаде дека несоодветната исхрана и слабата физичка активност се главни фактори за дебелеењето кај населението. Бројките во Македонија, додаде, покажуваат дека 60.6 проценти од мажите и 47.8 проценти од жените над 20-годишна возраст имаат зголемена телесна тежина. Исто така, една третина од децата на возраст од 6 до 7 години се со зголемена телесна тежина.
Освен тоа, истакна Тодоров, лошата исхрана и физичката неактивност, се поврзани со разни сериозни болести како што се кардиоваскуларните болести, хипертензијата, дијабет тип 2, остеопорозата и некои видови рак.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.