Македонија
ММФ-Тешко привлекување на инвестиции

Привлекувањето на вложувања за инвестиционата програма на владата од осум милијарди евра би било многу тешко, поради влошување на глобалните
Привлекувањето на вложувања за инвестиционата програма на владата од осум милијарди евра би било многу тешко, поради влошување на глобалните економски текови.
Ова за денешен Утрински весник го оцени канцеларијата на Меѓународниот монетарен фонд (ММФ) во Скопје, која и препорача на Владата да се сконцентрира на фискалната политика.
Ургентно е да се направи ново согледување на проекциите на Владата на приходите и на потребите за финансирање во 2009 година, а потоа соодветно да се усогласат плановите за трошење, смета ММФ, додавајќи дека проекциите за приходите и потребите за финансирање во буџетот се преоптимистички.
Вицепремиерот за економска политика Зоран Ставрески соопшти дека најголемиот дел од парите за најавените инвестиции од осум милијарди евра во наредните седум години ќе бидат обезбедени до кредити од меѓународни институции, а само мал дел од буџетски средства.
Ставревски, во својата колумна во весникот Дневник, тврди дека за инвестиционата програма ќе се издвојуваат околу 150 милиони евра годишно од буџетот, а останатите средства ќе се обезбедат од меѓународни финансиски институции, ЕУ фондови, како и учество на приватни инвеститори.
Од друга страна министерот за финансии Трајко Славески вчера соопшти дека во првите два месеци од годинава во буџетот биле прибрани за три проценти помалку средства во однос на истиот период лани.
Потфрлувањето на наплатата на приходите во буџетот од над 390 милиони денари се должи на последиците од економската криза, забавувањето на економската активност и падот на индустриското производство, рече Славески. /крај/ут/дн/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Салиу: Промена во Шуто Оризари мора да има

Кандидатот за градоначалник на Шуто Оризари, Шабан Салиу, во предизборно видео обраќање повикува за промена и за враќање на локалната власт во Шуто Оризари кон реални резултати и отчетност.
„Осум години слушаме едно исто: големи зборови, мали дела“, порачува Салиу.
Осврнувајќи се на политичката недоследност на актуелното раководство, тој додава дека „Курто Дудуш денес не знае ни од која партија е. Те СДСМ, те ЛДП, те ДОМ, те ДУИ и која уште не.“
Во видео пораката, Салиу нагласува дека промена во Шуто Оризари мора да има, промена за подобра инфраструктура и урбан развој.
„Промена за подобро образование, култура и идентитет. Промена за подобро здравје и социјална заштита. Промена за подобра локална економија и нови работни места. Промена за зелено и транспарентно Шуто Оризари“, додава Салиу.
Салиу нагласи дека неговата кампања е заснована на мерливи цели и институционална одговорност.
„Нашата понуда е едноставна — работа што се гледа и отчетност што се чувствува. Општината мора да стане сервис на граѓаните, а не приватна сцена на поединци“, порачува Салиу.
Завршувајќи ја видео пораката со повик за граѓанска мобилизација на изборниот ден, Салиу апелира: „На 19-ти октомври заокружете го бројот 24 – НЕ ВЕТУВАМЕ, ОСТВАРУВАМЕ.“
Македонија
Венецијанската комисија преглага јавниот обвинител да се избира и разрешува со квалификувано мнозинство во Собранието

Венецијанската комисија и Генералниот директорат за човекови права на Советот на Европа препорачуваат јавниот обвинител да се избира и разрешува со квалификувано мнозинство во Собранието, а Уставот да се измени за да се ограничи неговиот реизбор.
Во мислењето се нагласува потребата при изборот да се вреднуваат и менаџерските и организациските способности.
Комисијата препорачува и поголема транспарентност при изборот на членовите на Советот на јавни обвинители, суспендирање на функцијата на обвинителите додека се членови на Советот, како и дополнителни заштитни мерки за автономијата на обвинителството.
Актуелните членови, според предлогот, би ја завршиле својата функција до истекот на мандатот.
Македонија
„Од 2.500 на 5.000 денари ја зголемуваме еднократната парична помош за пензионери“, најави Герасимовски

Кандидатот за градоначалник на Општина Центар од редовите на СДСМ и актуелен градоначалник Горан Герасимовски, информира дека од следната година еднократната парична помош за пензионерите се зголемува од 2.500 на 5.000 денари.
„Двојно ја зголемуваме еднократната парична помош, од 2.500 на 5.000 денари за пензионерите чии пензии се до висина на просечната пензија. Покрај тоа, го реализираме и нивното барање и ќе изградиме дом за стари лица во Центар. Нашите баби и дедовци заслужуваат да живеат посреќно, за Центар што го сакаме“, вели Герасимовски.
Тој, потенцира дека домот за стари лица е предвидено да се изгради на Водно и ќе има капацитет за 50 лица, по европски стандарди, со 24 часовна медицинска помош.
Герасимовски истакнува дека продолжуваат и бесплатните еднодневни екскурзии низ Македонија за да им се овозможи на сениорите дружење и рекреација.