За разлика од ситуацијата на светските и европските берзи каде сите индекси тонат, нашиот пазар на хартии од вредност го зафати оптимизам

За разлика од ситуацијата на светските и европските берзи каде сите индекси тонат, нашиот пазар на хартии од вредност го зафати оптимизам.

Македонскиот МБИ 10 забележа скок од 2,74 проценти односно достигна 1.878,66 индексни поени. Индексот на јавно поседуваните друштва порасна за 0,38 проценти, а индексот на обврзниците забележа пад од 0,19 проценти.

Во понеделникот на пазарот на капитал беше остварен промет од 15.047.681,87 денари кој се оствари од 107 трансакции.

Од овој промет 13.811.775,87 денари се реализира на Официјалниот Пазар кои се оствари од 79 трансакции, додека 1.235.906,00 денари се оствари на Редовниот Пазар од 44 трансакции.

Први по обем на тргување на Официјалниот Пазар беа акциите на Бетон Скопје, кои после подолго време направија промет од 7.425.200,00 денари. Се истргуваа 977 акции, се тргуваа по цена од 7.600,00 денари по акција или тоа беше за 7,03 проценти поголема во однос на минатите тргувања.

Втори по обем беа акциите на Комерцијална банка Скопје со кои се истргуваа 916 акции по просечна цена од 2.328,69 денари, што значеше пораст од 2,17 проценти и при тоа остварија вредност на тргување од 2.133.078,00 денари.

Трети по висина на промет на Официјалниот Пазар беа акциите на Алкалоид Скопје со кои се истргуваа 489 акција по просечна цена од 3.011,79 денари од акција и при тоа нивната цена порасна за 0,65 проценти поголема во однос од тргувањето во петокот. Вредноста на тргување со овие акции беше 1.472.763,00 денари.

Нагорна промена на овој пазар забележаа акциите на Макстил Скопје од 9,09 проценти или се тргуваа на цена од 120,00 денари, како и акциите на Макпетрол Скопје од 5,85 кои се тргуваа по цена од 28.630,00 денари по акција.

На Редовниот Пазар како најтргувани акции беа акциите на Фустеларко Борец Битола, кои се тргуваа по цена од 500,00 денари. Се истргуваа 622 акции, а се оствари промет од 311.000,00 денари.

Втори по обем на тргување на овој пазар беа акциите Македонски

Телеком кои се тргуваа по цена од 329,74 денари по акција, односно се истргуваа 763 акции, а вкупниот промет со нив изнесуваше 251.590,00 денари.

Нагорна промена на овој Пазар забележаа акциите на РЖ Инжинеринг Скопје. Се истргуваа 100 акции по цена од 600,00 денари по акција, односно забележаа пораст од 50,00 проценти. Вкупниот промет со овие акции изнесуваше 60.000,00 денари.

Пет најтргувани хартии од вредност

1. Бетон Скопје

2. Комерцијална банка Скопје

3. Алкалоид Скопје

4. Фустеларко Борец Битола

5. Македонски Телеком

Хартии од вредност со најголем пораст

1. РЖ Инженеринг Скопје 50,00 %

2. Макстил Скопје 9,09%

3. Бетон Скопје 7,03%

4. Макпетрол Скопје 5,85%

5. Арцелормиттал (ХРМ) Скопје 4,10%

Хартии од вредност со најголем пад

1. Винарска визба Тиквеш Скопје 30,00%

2. ТТК Скопје 7,14%

3. Р.Македонија-денационализација 07 0,63%

4. Топлификација Скопје 0,01%