Македонија
Шефер: Изборите демократски, покана по решение за името
НАТО изрази задоволство од демократскиот изборен процес во Македонија и повтори дека поканата за земјата ќе биде обновена, откако ќе бидат решени раз
НАТО изрази задоволство од демократскиот изборен процес во Македонија и повтори дека поканата за земјата ќе биде обновена, откако ќе бидат решени разликите со Грција околу името.
„Го поздравувам начинот на кој се одржаа претседателските и локалните избори во ПЈР Македонија, кои според ОБСЕ беа добро организирани и спроведени на позитивен и мирен начин. Овие избори покажаа дека како држава која вложува напори да добие членство во НАТО, ПЈР Македонија постигна реален напредок во достигнувањето на високите демократски стандарди на Алијансата“, изјави синоќа генералниот секретар на НАТО во заминување Јаап де Хоп Шефер.
Тој изрази задоволство што новоизбраниот претседател Ѓорге Иванов објавил дека како приоритет ќе го има решавањето за спорот со името, нагласувајќи оти НАТО ќе ја обнови поканата за членство, откако во рамки на ОН ќе биде решено ова прашање. /крај/алсатм/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.