Македонија
ЗНМ најави протест поради судската пресуда на новинарка

Протест за заштита на достоинството на новинарите најави Здружението на новинари на Македонија (ЗНМ), поради судска пресуда за “клевета“ на новинарка
Протест за заштита на достоинството на новинарите најави Здружението на новинари на Македонија (ЗНМ), поради судска пресуда за “клевета“ на новинарка на А1 за истражувачка сторија објавена во 2007 година.
“ЗНМ е подготвено, во консултација и со широка поддршка на колегите од сите медиуми, да го примени можеби најнепопуларното, но со оглед на настаните, нужно и неопходно средство за заштита на достоинството на новинарите и на професијата Правото на јавен протест“, се наведува во соопштението.
ЗНМ најавува дека ќе ги користи сите демократски средства и механизми што се на располагање да се спротивстави на ваквиот однос на судиите и судовите кон новинарите.
“На ваквите еднаш, засекогаш, цврсто и одлучно мора да им се каже – Доста беше. И премногу е. Го претеравте“, се додава во соопштението.
Новинарката на националната телевизија А1 Менче Атанасова-Точи доби судска пресуда за прилози за експлоатирани пациенти од психијатриската болница Бардовци.
“Не бев ниту повикана на рочиште, ниту знаев дека некој ме тужи, сега дознав. Треба еднаш засекогаш да се стави крај на вакво призволно и лаичко судење“, изјави Точи за Макфакс.
Таа додаде дека за случајот се информирани сите релевантни меѓународни институции, вклучително и Хелсиншкиот комитет за човекови права, а Народниот правобранител отворил предмет за овој случај.
Точи, во 2007 година, објави истражувачки стории за експлоатација на трудот на пациенти од душевната болница Бардовци, односно нивен ангажман без надомест преку фирмата “Работа за вас“.
Македонија е една од ретките држави во регионот каде делото “клевета“ се уште правно се третира како кривично дело./крај/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Привремена промена во сообраќајот на делот од државнот пат А2 – делница Желино – Тетово

Од денес (24.04.2025) ќе има привремена промена во сообраќајот на делот од државнот пат А2 – делница Желино – Тетово, помеѓу бензинската станица Макпетрол и северниот влез на Тетово. На овој дел од патот ќе се врши геодетско снимање и една сообраќајна лента ќе биде затворена во неколку фази. Работите ќе траат до нивно завршување, извести АМСМ.
Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно и нестабилно со повремени локални врнежи од дожд и грмежи

Времето денеска ќе биде променливо облачно и нестабилно со повремени локални врнежи од дожд и грмежи. Наместа процесите ќе бидат поинтензивни во форма на невреме со пообилен пороен дожд, грмежи, силен ветер и услови за изолирана појава на град. Минималната температура ќе биде во интервал од 8 до 12, а максималната ќе достигне од 18 до 25 степени.
Во Скопје, променливо облачно со повремен дожд. Попладне ќе биде нестабилно со пороен дожд, грмежи и засилен ветер. Минималната температура ќе се спушти до 10, а максималната ќе достигне до 25 степени.
Времето во наредните денови
До крајот на оваа седмица ќе се задржи променливо облачно и нестабилно време со повремени врнежи од дожд и појава на грмежи. Локално ќе има поинтензивни процеси во форма на невреме со пообилен пороен дожд, грмежи, силен ветер и изолирана појава на град.
Македонија
Горан Минчев со граѓаните на Тетово: „Локалната промена почнува со Вас“

Генералниот секретар на Движењето ЗНАМ – За Наша Македонија, Горан Минчев, во рамки на кампањата „Заедно повеќе знаеме“, одржа средба со граѓаните, членовите и симпатизерите во Тетово.
Минчев порача дека Тетово заслужува транспарентно и ефикасно управување, развој на инфраструктурата и враќање на довербата во локалната власт.
„Граѓаните се нашите партнери – заедно ќе изградиме програма што одговара на вистинските потреби на Тетово. Време е општините да престанат да бидат партиски плен и конечно да почнат да работат за граѓаните“, изјави Минчев.
Тој истакна дека ЗНАМ нуди луѓе со знаење и интегритет, а не политички експерименти, и најави дека дијалогот со граѓаните ќе продолжи низ цела Македонија.