Македонија
СП ватерполо – Македонија во силна група

Ватерполо репрезентацијата на Македонија ќе игра на Светското првенство (СП) во групата Д, заедно со домаќинот Италија, САД, и Романија
Ватерполо репрезентацијата на Македонија ќе игра на Светското првенство (СП) во групата Д, заедно со домаќинот Италија, САД, и Романија.
Групите за СП што ќе се одржи во Рим од 17 јули до 2 август беа извлечени денеска.
Во групата А се Унгарија, Германија, Канада и Јужна Африка, во групата Б – Црна Гора, Хрватска, Кина и Бразил, а групата Ц ја сочинуваат Србија, Шпанија, Австралија и Казахстан.
Победниците во групите директно ќе се пласираат во четвртфиналето, додека второ и трето пласираните репрезентации ќе разигруваат за пласман меѓу осумте најдобри на светот.
Покрај Македонија, дебитант на Светското првенство е и селекцијата на Црна Гора.
Македонската ватерполо репрезентација дебитираше на големите натпреварувања во 2008 година, кога на Европското првенство во Малага го освои 8 место./крај/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.