Македонија
Отворен скопскиот филмски фестивал

Свечено е отворен традиционалниот скопски филмски фестивал, на кој публиката ќе може да види дел од најновите светски хитови, како и три македонски п
Свечено е отворен традиционалниот скопски филмски фестивал, на кој публиката ќе може да види дел од најновите светски хитови, како и три македонски премиери.
Честа синоќа да го отвори 12 издание на филмскиот фестивал му припадна на филмот „Вики Кристина Барселона” на Вуди Ален.
Под слоганот „Пролетно филмско будење”, филмскиот фестивал ќе се одржува во три кино сали (Рамстор 1 и 2 и Кинотека на Македонија) до 29 април.
Филмската програма е поделена на главна, авторски филмови, специјални проекции, источно-европски вестерн, документарна програма, кратки и едноминутни филмови.
Во рамки на фестивалот ќе биде доделено постхумно признание на доајенот на македонската кинематографија Бранко Гапо, а ќе биде прикажана и ретроспектива на неговите филмови,.
Македонски премиери ќе имаат филмовите „Созерцание” на Иво Трајков, „Плати и жени” на Атанас Георгиев и „Изгрејсонце” на Ѓорче Ставрески./крај/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Средба на Заев со Анди Исмаили: Твојот успех е чест за државата, испраќаш порака младите да бидат упорни

Премиерот Зоран Заев имаше средба со Анди Исмаили, светски шампион во современ танц соло за деца.
„Горди сме на твојот успех, освоеното прво место во категоријата современ танц соло за деца на Светското првенство. Тоа е огромна сатисфакција за твојот труд и испраќа моќна порака до сите млади да бидат мотивирани и да се занимаваат со танц или со спортски активности и да ги остваруваат своите соништа. Ова е огромна чест за нашата држава, да те гледаме на пиедесталот и да се интонира нашата химна“, рече Заев на средбата со 11-годишниот шампион.
Анди победи на првенството во Полска во конкуренција од над 30 земји. Тој ќе се натпреварува и на Европското првенство во модерен џез и класичен балет, кое идната година во јуни ќе се одржува во Скопје.
Македонија
Општина Карпош ќе додели еднократна финансиска помош на лицата со попреченост

По повод Меѓународниот ден на лицата со попреченост, 3 Декември, Општина Карпош со одлука на Советот на локалната самоуправа ќе додели околу 500.000 денари еднократна финансиска помош за своите сограѓани, кои спаѓаат во оваа категорија на лица.
Членовите на Советот, исто така, на денешната седница одобрија 100.000 денари финансиски средства за набавка на еколошки и дидактички материјали и играчки за децата од предучилишните установи, додека на Пливачкиот клуб „ АКВА ПРО АКАДЕМИЈА Мартин Стефановски“ за организација на новогодишен пливачки натпревар „ Аква Про- Дедо Мраз“ ќе бидат доделени 100.000 денари парична поддршка.
Македонија
Марш на сексуалните работници на 17 декември во Скопје

Граѓанската иницијатива за заштита, промоција и унапредување на правата на сексуалните работници СТАР-СТАР на 17 декември во Скопје ќе го одржи традиционалниот Марш на црвениот чадор, во рамките на кампањата за одбележување Меѓународниот ден за стоп на насилството врз сексуалните работници.
Дванаесеттиот марш ќе започне во 12 часот пред платото на спомен-куќата на Мајка Тереза на улица Македонија.
Оваа година кампањата по повод одбележувањето на Меѓународниот ден за стоп на насилството врз сексуалните работници е посветена на борбата против родово-базираното насилство.
„Искуствата и статистиките во светот и кај нас покажуваат дека жените и трансродовите сексуални работници се најмногу изложени на насилство во секоја форма. Голем е бројот на сексуални работници кои секојдневно трпат физичко и психичко насилство, но малкумина од нив се охрабрени истото да го пријават во полиција. Насилството, нападите, злоупотребувањата и нееднаквиот третман врз сексуалните работници мора да се елиминираат, а тоа ќе го постигнеме само ако сексуалните работници се третираат еднакво пред законите и се почитуваат нивните човекови права и слободниот избор“, велат од СТАР-СТАР.
- Топ3 месеци
Газда полеан со бензин, а неговиот џип запален во Кисела Вода
- Забава3 месеци
Дошла на преглед поради постојан замор, а докторите ѝ рекле дека ќе умре за 72 часа
- Култура3 месеци
„Болка и слава“ на Алмодовар го отвора фестивалот „Браќа Манаки“, кинематограферот Алкаине гостин во Битола
- Книги2 месеци
Промоција на „Небо во кафез“ од Д.А. Лори
- Црна хроника2 месеци
Се урна тераса во Скопје – повредени татко и неговите три малолетни деца
- Hitech3 месеци
(Видео) Возач и совозач во „тесла“ спијат додека автомобилот вози со 100 на час
- Култура1 месец
Десет најчести прашања и одговори за програмата „Креативна Европа медиа“ на „Синедејс“
- Свет1 месец
(Видео) Полицаецот кој го уапси синот на Ел Чапо убиен со 150 куршуми