Македонија
Американски конгресмени за праведно решение за името

Петнаесет американски конгресмени, поддржувачи на Македонија, бараат да се постигне „брзо и праведно решавање“ на грчко-македонскиот спор за името
Петнаесет американски конгресмени, поддржувачи на Македонија, бараат да се постигне „брзо и праведно решавање“ на грчко-македонскиот спор за името.
„Ќе работиме со вас во иднина, за да се постигне брзо и праведно решавање на многу прашања, како што е спорот со името со цел да се обезбеди стабилност, просперитет и правичност за сите луѓе во регионот“, наведуваат конгресмените во писмото упатено до државниот секретар Хилари Клинтон.
„САД мора да продолжат да ги охрабруваат нашите пријатели Грција и Македонија да седнат заедно и да постигнат договор за заедничка патека кон мир, стабилност и партнерство во развојот на јужниот Балкан“, пишуваат конгресмените.
Македонија за овие членови на Конгресот е еден од најверните американски сојузници и партнери. Тие бараат новата американски администрација да го земе предвид придонесот на Македонија во стабилизацијата на јужниот Балкан, како и придонесот кон целите на американската надворешна политика во Авганистан, Косово и на Блискиот исток./кра/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тага, болка и гнев – Кочани ден по трагедијата низ фотографии

Во Кочани, градот во кој се запали нелегалната дискотека „Пулс“, голем број семејства се завија во црно.
Во пожарот, животот го загубија вкупно педесет и девет млади луѓе, а повеќе од 100 лица се повредени.
Низ улиците се слуша плач, тага, но и гнев кон системот кој повторно потфрли, дозволувајќи со години, без лиценца, младите луѓе да се забавуваат во руиниран објект кој нема никакви безбедносни гаранции.
На денешниот протест се бараше правда, а беше демолирано и кафулето чијшто сопственик ја поседува изгорената „Пулс“.
„Младите ни заминаа, како да се опоравиме од ова?“, коментираа граѓаните кои во плач се придвижија на протестот.
„Бараме одговорност“, велат тие.
Четиринаесет лица се прцесуирани и за нив Обвинителството ќе бара краткротраен притвор, а меѓу нив е и ексминистерот за економија, Крешник Бектеши. Државниот обвинител, Љупчо Коцевски информираше дека во моментов и градоначалникот на Кочани, Љупчо Папазов, кој претходно поднесе оставка, е во зградата на Обвинителството и дава исказ. Граѓаните се собраа пред општинската зграда и го повикуваа да излезе, но тој не се појави пред нив, ни вчера ни денес.
Премиерот, Христијан Мицкоски, тврди дека Папазов нема никаква вина, но ја поздрави неговата одлука да поднесе оставка од морални причини. Тој рече и дека минатата година биле издадени само 12 лиценци за кабареа, а може а се заклучи колку многу клубови работат во државата. Како што додаде, сите кои се без лиценци ќе бидаат затворени и ниту еден клуб нема да работи нелегално.
Македонија
Фрлени јајца кон куќата на градоначалникот на Кочани: граѓаните бараат одговорност за смртта на невините луѓе

Граѓаните кои протестираа во Кочани неколку часа за смртта на 59 лица во дискотеката „Пулс“ фрлаа јајца кон куќата на градоначалникот Љупчо Папазов.
Тие пред тоа беа и пред компанијата на сопственикот на дискотеката за да го изразат својот револт.
Македонија
Мицкоски и Таравари посетија повредени од пожарот во Кочани: „Се прават натчовечки напори, сите пациенти да закрепнат“

Денеска на Клиниката за пластична хирургија во посета на повредените пациенти од пожарот во Кочани беа министерот за здравство, Арбен Таравари заедно со претседателот на Владата, Христијан Мицкоски и претставници на кризниот штаб.
„Денеска ги посетив повредените од трагичниот пожар во Кочани и присуствував на состанокот на кризниот штаб на Министерството за здравство. Им изразувам огромна благодарност на здравствените работници за нивната пожртвуваност, на соседните земји за поддршката и на сите кои помогнаа во овие тешки моменти. Борбата продолжува, а се прават натчовечки напори сите пациенти да закрепнат и да се вратат дома во добра здравствена состојба“, рече Мицкоски.
Од Министерството за здравство, пак, велат дека зравствениот систем е целосно мобилизиран со сите расположливи ресурси и капацитети во третманот и грижата за повредените лица од трагичниот настан.
Се додава дека состојбата на сите пациенти се следи континуирано и се спроведуваат конзилијарни одлуки за натамошниот третман.