Македонија
Нова демократија ќе присуствува на инаугурацијата
Пратениците од Нова демократија (НД) ќе присуствуваат на инаугирацијата на новиот претседател на Македонија Ѓорге Иванов, потврди партијата
Пратениците од Нова демократија (НД) ќе присуствуваат на инаугирацијата на новиот претседател на Македонија Ѓорге Иванов, потврди партијата.
Одлуката, како што соопшти НД, е донесена, откако „во последен момент е испратена покана и е потврдено доаѓањето на косовскиот претседател Фатмир Сејдиу во Македонија“.
Официјално Скопје и Приштина во понеделникот, конечно, ставија крај на конфузијата околу поканата до Сејдиу. Како што јавија дел од медиумите, договорено е косовскиот претседател да пристигне во Македонија, но, не на денешната инаугурацијата, туку во втората половина на мај, како прв странски претседател кој ќе биде примен од новиот претседател Иванов.
„Го охрабруваме претседателот на Македонија во иднина максимално да се грижи и инвестира во добрите односи со сите соседи и да биде промотор на политичкиот дијалог кој ќе ги подобрува и унапредува меѓуетничките односи во Македонија како клучен фактор за политичката стабилност и развој на интегративните процеси во НАТО и ЕУ“, соопшти партијата НД, во известувањето за нејзиното присуство на инаугурацијата. /крај/с/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.