Повредите на интелектуалната сопственост со криминални дела извршени на интернет на приватниот сектор на глобално ниво му нанесуваат штета од најмалк

Повредите на интелектуалната сопственост со криминални дела извршени на интернет на приватниот сектор на глобално ниво му нанесуваат штета од најмалку билион долари годишно.

Успорувањето на економијата и растечката невработеност би можеле дополнително да го зголемат бројот на „сајбер напади“, особено од страна на отпуштените работници мотивирано со желба за одмазда или заработка, се наведува во истражувањето на консултантско-ревизорската компанија Делојт.

Нападите преку интернет вклучуваат речиси се од меѓудржавни судири, па се до загрозување на приватните податоци на граѓаните.

Голем проблем е што сајбер криминалот се развива побргу до мерките за заштита, и затоа на ризик е изложено се што зависи од интернет – приватни податоци, интелектуална сопственост, инфраструктура, па дури и воената и националната безбедност се под закана од намерни удари.

Извештајот препорачува државите да не се подготвуваат за заштита од еден голем сајбер удар, туку да работат на секојдневна заштита, а решението лежи во воспоставување на единствени меѓународни стандарди за заштита, кои можат да се воведат во соработка на сите заинтересирани – државните управи, приватниот сектор и граѓаните.

Ефикасен глобален систем за заштита на интернет би требало многу позитивно да се одрази врз економијата на глобално ниво, смета Делојт./крај/со/мп