Македонија
Меѓународен полициски симпозиум во Охрид

Меѓународен полициски симпозиум на претставници на извршното ниво на полицијата (ИПЕС), денеска ќе започне во Охрид
Меѓународен полициски симпозиум на претставници на извршното ниво на полицијата (ИПЕС), денеска ќе започне во Охрид.
Петдневната ИПЕС конференција, во организација на Министерството за внатрешни работи, е посветена на темата „Полициско работење, приватен сектор, економски развој, општествени промени“.
Според најавите, денеска попладне ќе се одржат неколку работни сесии, а в среда конференцијата формално ќе ја отвори првиот човек на Бирото за јавна безбедност, Љупчо Тодоровски.
На 16. по ред Конференцијата ќе учествуваат околу 120 претставници од околу 30-тина земји од светот. Предавањата се поделени во неколку панел сесии кои покриваат повеќе области и тоа: соработка на полицијата, развивање на безбедносни сојузи, полициско работење и безбедност, предизвиците на превенцијата на криминал, безбедноста и економскиот пораст.
ИПЕС е основан во 1994 година од страна на д-р Дилип Дас и е регистриран како непрофитна образовна корпорација. Негова цел е поддршка на полициските образовни иницијативи и давање професионални услуги за полициските служби во светот./крај/со/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Битиќи: СДСМ поднесе закон за намалување на ДДВ за струја од 18% на 5% и укинување на ДДВ на храната

„Животот во Северна Македонија станува сè поскап, а граѓаните сè потешко ги задоволуваат основните животни потреби. Индексот на трошоците на животот во јануари 2025 година, во однос на истиот месец минатата година, бележи зголемување од 4.9%, додека индексот на цените на мало пораснал за 5.2%“, вели Фатмир Бииќи – пратеник на СДСМ.
„Цените на основните прехранбени производи растат без контрола, а семејните буџети се под постојан притисок. Но тоа не е се, граѓаните веќе плаќаат и повисоки сметки за струја. Само во јануари тие се зголемија од 20% до 30%, што претставува уште еден тежок удар врз животниот стандард. Во овие услови, каде што растот на цените го надминува зголемувањато на приходи, сè повеќе семејства се соочуваат со финансиски тешкотии, а за многумина, месечната плата веќе не е доволна ниту за најосновните трошоци. Наместо Владата да интервенира и да ја заузда кризата, гледаме незаинтересираност, одолговлекување и целосно отсуство на мерки што ќе ја заштитат куповната моќ. Денес, како одговорна опозиција, предлагаме конкретни законски измени кои ќе доведат до заштита и подобрување на животниот стандард. Пратеничката група на СДСМ и коалицијата поднесоа Предлог-закон за изменување и дополнување на Законот за ДДВ, со кој бараме намалување на данокот за електричната енергија од 18% на 5%, но и укинување на ДДВ за основните прехранбени производи, односно негово намалување од 5% на 0%. Со овие предлог-измени, бараме системска реализацијата на две од седумте економски мерки на СДСМ“, посочува Битиќи.
Според него, намалувањето на ДДВ за електричната енергија ќе значи 13% пониски сметки, односно поевтина струја за над 600 илјади домаќинства.
„За сметка од 3.000 денари, граѓаните ќе заштедат околу 400 денари – износ што, наместо да оди во државниот буџет, ќе остане во семејните буџети. Додека пак, укинувањето на ДДВ за основните прехранбени производи ќе донесе до поевтинување на храната, односно намалување на цените на основните прехранбени производи за 5%. И покрај тоа што со месеци ветуваа мерки за намалување на цените, гледаме целосен дебакл на владините политики. Т.н. „антикризни празнични кошнички“ доживеаја фијаско! Најавеното замрзнување на маржите сè уште не е донесено! Додека Владата да реагира за цените на храната, граѓаните почнаа да плаќаат и повеќе за струја. Се формираше Министерство за енергетика, но минатата година тоа реализираше само 50% од планираните капитални инвестиции. Домашното производство на енергија не расте, што нè прави уште позависни од скап увоз. Во ноември, планираниот увоз на струја од соседните земји беше 0 GWh, но реално беа увезени 351,3 GWh. Истото се повтори во декември, кога планираниот увоз повторно беше 0 GWh, а се увезоа 425,7 GWh“, истакна тој и додаде:
„Она што Владата упорно одбива да го направи, СДСМ и коалицијата преземаат конкретни чекори да го спроведат. Со поднесувањето на овој Предлог-закон по скратена постапка, започнуваме процес за системска реализација на мерките што директно ќе го олеснат финансискиот товар на граѓаните. Ако ВМРО-ДПМНЕ навистина се грижи за животниот стандард, ќе го поддржи овој предлог. Секое одолговлекување значи нов удар врз семејните буџети. Секој глас „ЗА“ ќе биде глас за реални, опипливи решенија. Владејачкото мнозинство досега ја претвори скратената постапка во своја омилена политичка алатка – кога треба да се протурка закон за вонинституционално договорени партиските шеми. Но, денес, за првпат, им се дава можност да ја искористат оваа брза трака за нешто што навистина ќе го почувствуваат сите граѓани – за пониски сметки за струја и поевтина храна“.
Македонија
(Видео) Петрушевски: Тоа што нема постапка против обвинителот и судијата врз кои Наќе Георгиев и Иџет Мемети влијаеле, покажува дека Љупчо Коцевски е пулен на СДС

Тоа што нема постапка против обвинителот и судијата врз кои Наќе Георгиев и Иџет Мемети влијаеле покажува дека Љупчо Коцевски е пулен на СДС, истакнува Бране Петрушевски, пратеник на ВМРО-ДПМНЕ.
„Ако Љупчо Коцевски работеше по закон, и ако сакаше да покаже дека може и знае да работи, тој ќе поведеше постапка против обвинителот и судијата врз кои Наќе Георгиев и Иџет Мемети извршиле влијание за Боро Марлборо да добие поблага казна.
Тоа што Иџет Мемети и Наќе Георгиев завршија со спогодба, а корумпираните судии и обвинители врз кои тие влијаеле останаа да правораздаваат покажува колку Љупчо Коцевски немал идеја што треба да работи, или не сакал.
Љупчо Коцевски можеше да го отстрани дивото месо од обвинителството и судството, но тој избра да биде послушник на СДС и да ги штити нивните извршители во правосудството“, вели Петрушевски.
Љупчо Коцевски, додава тој,и нема еден сработен случај, за кој можат граѓаните да кажат дека знаел што работел, напротив има многу случаи во кои не постапил воопшто.
Според него, Љупчо Коцевски мора да си оди. Додаде дека ЈО треба да работи во корист на народот, а не на СДС.
Македонија
Арсовска останува на функцијата дури и да се изгласа отповик на градоначалник пред летото, законот не е ретроактивен, вели Перински

Градоначалничката на Скопје, Данела Арсовска ќе остане на функцијата до крајот на мандатот дури и да бидат изгласани измените на Законот за локална самоуправа пред почетокот на летото. Со измените ќе се предвиди законска можност за реферндумски отповик на градоначалник, ќе се воведе комунална полиција и ќе се овозможи зголемено учество на граѓаните во носењето на одлуки во локалната самоуправа. Министерот Перински објасни дека законот не може да се применува за веќе избраните градоначалници.
„Невозможно е законот да важи ретроактивно. Законот ќе важи за новите градоначалници кои ќе ги добијат мандатите после ноември. Не можеме ние да менуваме закони согласно персонални решенија и едноставно сакаме да ја подобриме ситуација и состојбата на локално ниво и сите оние чинители, сите кои се засегнати од ова законско решение да имаат поквалитетно и поиздржано решение“, рече министерот Перински пред денешната, четврта по ред дебата за измените на Законот за локална самоуправа.
Денешната дебата за измените на законот е последна, а министерот Перински очекува до летото целиот процес да биде завршен. Дебати за измена на Законот веќе се одржаа во Битола, Штип и Гостивар.
„Ние предвидуваме со процесот со предлог- измените да завршиме некаде до 30 март и веднаш потоа да влезат во собраниска процедура, нормално прво на владина седница треба да се усвојат, а потоа да влезат и во владина процедура. Некаде после 30 март ќе биде законот оперативен во насока на предлог- измени да се валидизираат од релевантните институции така да јас очекувам некаде до летото да се заврши целиот процес“, вели министерот Перински.
Александар Спасеновски, професот на Правниот факултет ангажиран како експерт за подготовка на предлог-измените рече дека со оглед на тоа што Законот произлегува од рамковниот договор и имајќи го предвид неговиот системски карактер, целта на УНДП, на Министерството и на експертите е да подготват законско решение кои што ќе биде прифатено од страна на најголемиот дел од пратениците во Собранието, кои ги претставуваат сите најважни, клучни политички партии.