Македонија
Државната обврзница за денационализација најтргувана на берзата
Прометот на првиот берзански ден од неделата изнесуваше 12.410.098,29 денари, при што на официјалниот пазар беше остварен промет од 8.649.649,29 ден
Прометот на првиот берзански ден од неделата изнесуваше 12.410.098,29 денари, при што на официјалниот пазар беше остварен промет од 8.649.649,29 денари со реализирани 75 трансакции.
На редовниот пазар прометот изнесуваше 3.760.449,00 денари со вкупно реализирани 17 трансакции.
МБИ-10 забележа минимален раст од 0,01% со што се стабилизира на ниво од 2.569,35 индекни поени. МБИД оствари раст од 0,19% кој достигна вредност од 2.345,64 индексни поени. ОМБ оствари намалување за 0,11% со вредност од 105,85 индекни поени.
Државната обврзница за денационализација од осмата емисија беше најтргувана на официјалниот пазар со остварен промет од 4.030.417,97 денари. Постигната беше просечна цена од 78,28% при надолна промена од 0,72%. Вкупно се истргуваа 84.166 обврзници.
Со акцијата на Реплек Скопје се оствари промет од 1.517.632,00 денари при истргувани 33 акции. Просечната цена изнесуваше 45.988,85 денари при што се оствари раст од 2,13%. Минималната цена која се постигна со оваа акција изнесуваше 45.500,00 денари, а максималната 49.533,0 денари.
Прометот со акцијата на Алкалоид Скопје изнесуваше 576.754,00 денари. Просечната цена беше 4.577,41 денари со остварен пад од 0,31%. Вкупно беа истргувани 126 акции. Минималната цена која се постигна изнесуваше 4.500,00 денари, а максималната 4.600,00 денари.
Од редовниот Пазар најтргувана беше акцијата на Гоце Делчев Скопје со промет од 2.816.000,00 денари при што се истргуваа 880 акции од ова акционерско друштво. Постигната беше просечна цена од 3.200,00 денари што значеше намалување од 0,62%.
Меѓу најтргуваните акции на редовниот Пазар беше и акцијата на Тутунска Банка Скопје која оствари промет од 478.495,00 денари. Постигната беше просечна цена од 4.089,70 денари при што беше остварено зголемување за 2,15%. Истргувани беа вкупно 117 акции.
Алкалоид Скопје објави ценовно чувствителна информација во врска со инспекцијата од страна на Агенцијата за лекови на Репкублика Словенија со цел да се утврди и потврди сообразност на Добра Производствена Пракса, детално опишани во соодветните Европски Директиви, кои се гаранција за безбедност, квалитет и ефикасност на лековите. По извршената инспекција, Агенцијата за лекови на Република Словенија издаде Сертификат за усогласеност со барањата за Добра Производствена Пракса на производителот Алкалоид АД Скопје. Со ова Алкалоид Скопје се здоби со право на регистрација и пласман на своите фармацевтски производи не само на пазарот во Р.Словенија, туку и во цела Европа.
Пет најтргувани хартии од вредност
1. Р.Македонија – Денационализација 08
2. Гоце Делчев Скопје
3. Реплек Скопје
4. Алкалоид Скопје
5. Комерцијална Банка Скопје
Хартии од вредност со најголем пораст
1. РЖ Фаморд Скопје 20,00%
2. Макстил Скопје 4,99%
3. Тутунска Банка Скопје 2,15%
4. Реплек Скопје 2,13%
5. Р.Македонија – Денационализација 02 1,14%
Хартии од вредност со најголем пад
1. Тетекс Тетово 3,12%
2. Макпетрол Скопје 2,42%
3. Македонски Телеком Скопје 1,21%
4. Р.Македонија – Денационализација 08 0,72%
5. Топлификација Скопје 0,68%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.
Македонија
Тодоровска: Документите за историјата на македонската држава мора да се заштитат и чуваат соодветно зашто ние сме менливи и минливи, но Македонија мора да постои
Кандидатката за пратеник во ИЕ 1 во Собранието на Македонија на претстојните парламентарни избори, од редовите на Движењето ЗНАМ – За наша Македонија, Катерина Тодоровска, одржа прес-конференција, на која се задржа на тоа зошто Движењето се определило во своите основни документи да ги стави Илинден и АСНОМ.
Таа рече дека современата македонска држава е формирана благодарение на вековната борба на македонскиот народ и останатите жители, за самостојна држава, каде би биле свои на своето. Тодоровска објасни дека во историјата постојат формално, пишано, и неформално, непишано, право, како што го толкуваат историчарите.
„Создавањето на државите, без исклучок, во историјата се одвивало врз основа на стекнато право коешто ние го третираме како непишаното право. Тоа значи дека еден народ може да се повика на историско право за создавање на нова и опстојување на новата држава само врз основа на два принципа. Првиот е принципот на континуитет, т.е. доколку некој народ во минатото имал сопствена држава со сите законски и правно регулирани перформанси. Вториот е принципот на крвта, т.е. колку крв е пролеана за таа територија, за тој народ“.
Тодоровска рече дека ние како Македонци не можеме да се повикуваме по првиот принцип, бидејќи сме немале некоја царска лоза помогната од странски династии како што е тоа случајот во создавањето на државите на нашите соседи, а што се однесува до вториот, принципот на крвта, Илинденското востание и АСНОМ се најголемите и најкрвави показатели за потребата на македонското население да биде самостојно и е подготвено да се жртвува за својот сон – своја држава. За тоа, како што рече таа, сведочи и фактот што ниту една од странските држави не се потрудила ниту да помогне, ниту да ја смири состојбата кога цели села во крушевско по Илинден, заедно со жителите биле пеплосувани. Тодоровска додае дека Крушевската република и нејзниот Манифест се одраз и израз на најдемократска политичка творба во почетокот на 20. век. Следната жртва на македонскиот народ се годините од народно-ослободителната војна 1941-1944 година, која била крунисана со АСНОМ и неговите одлуки. Благодарение на АСНОМ биле донесени шесте најважни документи за формирање на македонската државна единица, меѓу кои и Решението за прогласување на АСНОМ за Врховно Законодавно и Извршно Народно претставничко тело, како и Прогласот на Првото заседание на АСНОМ до македонскиот народ и до целото население кое живеело во македонската држава.
„Документите за историјата на македонската држава од 12 век наваму, а со тоа и најзначајните документи од Илинден и АСНОМ се чуваат во Државниот архив. За жал, таа бесценета документација денес е сместена во несоодветни услови, нешто што ќе бара итна реакција на новата власт за нејзино враќање во наменската зграда. Сите ние што знаеме дека историјата е учителка на животот, но и патоказ за иднината, знаеме и колкава е важноста на бесценетата документација која говори за македонското минато во креирањето на иднината на македонската драва.
Затоа како совесни чувари на македонското минато, ние имаме обврска да ги зачуваме, покрај другите, и документите од овие два грамадни историски столбови на македонската историја, Илинден и АСНОМ“, рече Тодоровска и додаде дека Програмата “Проглас за достоинствена Македонија” на Движењето ЗНАМ – За наша Македонија се залага за обезбедување на патот од минатото кон иднината, вложувајќи се максимум за Македонија, преку максимум заштита на историските корени и националните интереси на македонската драва. Запрашана зошто сега се покренува ова прашање кога со уставните измени при промената на името делумно се редефинираше прогласот од АСНОМ, кои се позициите и што се бара, Тодоровска одговори:
„Едно е да се редефинира, друго е историја. Иторијата не трпи редефинирање, не трпи туширање. Најмалку пак трпи произволност. Она што е многу битно сега е да си ја заштитиме нашата документација. Да ги заштитиме сите темелни документи коишто ги имаме. Доколку се отвора Уставот треба да се говори многу искрено и многу отворено за сите прашања и сите грешки коишто се направени. Она што досега нам, како на историчари, најмногу ни пречи е ставот на партиите коишто имаат едно чувство дека се непогрешливи. Непогрешливоста не постои, секој од нас може да згреши, но секој од нас треба да си ја признае грешката, да си ја исправи грешката и на крајот ние сме сите менливи и минливи, но Македонија мора да постои“, потенцира Тодоровска.