Македонија
Голем пад на МБИ 10 идексот
Водечкиот индекс на Македонска берза МБИ-10 на денешното тргување оствари големо намалување од 3,75% со што вредноста му се намали на 2.472,92 поени
Водечкиот индекс на Македонска берза МБИ-10 на денешното тргување оствари големо намалување од 3,75% со што вредноста му се намали на 2.472,92 индексни поени.
Индексот МБИД се намали за 2,96% со вредност која се спушти на 2.276,16 индексни поени, а ОМБ се позиционираше на 106,14 индексни поени со раст од 0,27%.
Прометот од денешното тргување со хартии од вредност на берзата изнесуваше 12.636.399,93 денари, од што на официјалниот Пазар од се оствари промет од 11.791.755,93 денари преку 140 трансакции.
На редовниот пазар се оствари промет од 844.644,00 денари преку 18 реализирани трансакции.
Со акцијата на Алкалоид се оствари најголемиот промет на пазарот воопшто, а тој изнесуваше 2.292.380,00 денари. Се постигна просечна цена од 4.349,87 денари што претставува пад од 4,97% во однос на претходниот ден на тргување. Најниската реализирана цена на овие акции при тргувањето беше 4.251,00 денари а највисоката 4.500,00 денари. Вкупно беа истргувани 527 акции.
Малку послаб промет од 2.263.241,00 денари имеше акцијата на Макптерол Скопје чија просечна цена од 39.021,40 денари оствари дневно намалување за 2,46%. При тргувањето се постигна минимална цена од 35.502,00 денари а максималната изнесуваше 39.999,00 денари. Се истргува количина од 58 акции.
Со акцијата на Гранит Скопје се оствари промет од 1.947.105,00 денари. Просечната цена изнесуваше 589,67 денари остварувајќи остар пад од 6,79%. Максималната истргувана цена изнесуваше 617,00 денари а минималната 573,00 денари. Вкупно се истргуваа 3.302 акции.
Акцијата на Тутунска Банка оствари промет кој беше најголем на редовниот пазар, а изнесуваше 291.100,00 денари. Се постигна просечна цена од 4.100,00 денари и раст од 0,25% при истргувани 71 акции.
Промет од 177.723,00 денари имаше акцијата на ОКТА Скопје. Просечната цена од 2.434,56 денари значеше пораст од 1,40% а беа истргувани 73 акции.
Пет најтргувани хартии од вредност
1. Алкалоид Скопје
2. Макпетрол Скопје
3. Гранит Скопје
4. Р.Македонија – Денационализација 08
5. Комерцијална Банка Скопје
Хартии од вредност со најголем пораст
1. РЖ Институт Скопје 2,40%
2. ОКТА Скопје 1,40%
3. Р.Македонија – Денационализација 03 1,29%
4. Р.Македонија – Денационализација 06 1,08
5. Р.Македонија – Девизни Влогови 1,08%
Хартии од вредност со најголем пад
1. ИДЕВЕЛОП Скопје 17,65%
2. Арцелормиттал (ЦРМ) Скопје 8,18%
3. РЖ Интер-Трансшпед Скопје 7,04%
4. Гранит Скопје 6,79%
5. Макстил Скопје 6,25%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски на средба со коалицијата: доби поддршка за отпочнување на преговори за состав на идната влада
Претседателот на ВМРО-ДПМНЕ, Христијан Мицкоски денеска оствари средба со претседателите на партиите во состав на Коалицијата „Твоја Македонија“.
Беше констатирано дека Коалицијата оствари успешен и историски резултат кој создава и одговорност за реализирање на очекувањата.
Мицкоски доби поддршка од претседателите на коалициските партии за отпочнување на преговори за состав на идната влада.
Според заклучокот на состанокот разговорите треба да се водат на основа на постулати за забрзан економски развој на Македонија, силна борба против криминалот и корупцијата и европските интеграции врз база на принципи и вредности, соопштија од партијата.
Македонија
Лукаревска: СДСМ секогаш бил достоинствен заради зрелоста на неговите раководства да се соочат со поразот и одговорноста, јас не сакам да бидам исклучок
Изборните резултати ја искушуваат нашата искреност како политичари и искреноста на нашите зборови дека сме ја разбрале вашата порака, напиша на социјалните мрежи, потпретседателката на СДСМ, Сања Лукаревска, откако неколку членови и партиски функционери во СДСМ претходно си поднесоа оставки.
СДСМ, додава таа, секогаш бил достоинствен и заради зрелоста на неговите раководства да се соочат со поразот и со одговорноста.
„Јас не сакам да бидам исклучок. Благодарам за укажаната доверба да бидам заменик претседател на СДСМ. И таа должност ја извршував со почит, совесно, одговорно и чесно. Секако, со поддршка од сопартијците и незаменливата потпора од моите родители. Благодарам е најмалку што можам да им речам.
Горда сум што 8 мај беше празничен ден за демократијата. Тоа беше и суштината на борбата на СДСМ за ослободување од „заробената“ држава. Воедно, им благодарам на сите граѓани за секој глас за СДСМ, особено во третата изборна единица. Вредна за внимание е и пораката од оние кои не излегоа на гласање, како и на оние кои гласаа против.
На ред е нашата внатрепартиска средба со вистината. На отчетниот Конгрес на СДСМ неминовна e отворена, искрена и самокритична анализа на нашите погрешни чекори, на лошите кадровски решенија како и за нашата немост за успешните политики кои ги спроведовме во исклучително тешки услови предизвикани од светските кризи.
Го презедовме товарот и на тешките политички одлуки. Но, тоа е СДСМ на кого државата, нејзината стабилност и иднина секогаш му биле пред сė и над сė. Така било. Така мора и да остане“, порача во напишаното Лукаревска.
Оценува дека на Македонија и е потребен СДСМ.
„Што побргу заедно ја консолидираме партијата толку побргу ќе можеме да кажеме – тука сме. Јас верувам во СДСМ, а уште повеќе во неговата сила да се реформира, да се обедини и да се подготви.
Честитки на победникот и на сите 120 пратеници.
Во искреното соочување со причините за изборниот пораз е нашата прва победа. Тоа е најмалку што им го должиме на сопартијците, на симпатизерите и поддржувачите на СДСМ, но и на демократска Македонија“, додава Лукаревска.
Македонија
Трет состанок на политички директори во рамките на претседавањето со ПСЈИЕ
Денеска, во Министерството за надворешни работи на Република Северна Македонија се одржа третиот состанок на политички директори на учесниците на Процесот за соработка на Југоисточна Европа (ПСЈИЕ), на кој присуствуваа и претставници на Советот за регионална соработка (СРС) и на Европската Унија.
На состанокот беа разгледани кандидатурите за избор на генерален секретар на Регионалниот совет за соработка (РСС) и предлог-текстот на Заедничката декларација во пресрет на министерскиот состанок, што ќе се одржи во рамките на нашето претседавање со ПСЈИЕ.
Северна Македонија со ПСЈИЕ претседава во периодот јули 2023 – јуни 2024 година со мотото „Премостување поделби, градење доверба“.