Македонија
Јолевски со лидерите на политичките партии за преговорите во Женева
![](https://makfax.com.mk/wp-content/uploads/2016/11/e0085126-a393-46f5-9c18-824c67ff9120.jpeg)
Специјалниот пратеник во спорот за името амбасадорот Зоран Јолевски денеска ќе ги запознае лидерите на поголемите партии за последната рунда
Специјалниот пратеник во спорот за името амбасадорот Зоран Јолевски денеска ќе ги запознае лидерите на поголемите партии за последната рунда преговори во Женева.
Според најавите, Јолевски треба да ги запознае политичките лидери со позициите на двете страни и реално да им ја претстави позицијата на Република Грција.
Македонскиот преговарач синоќа имаше средба со државниот врв, при што не беа изнесени детали.
„Бевме запознати со текот на разговорите во Женева, не би навлегувал во подробности бидејќи тоа би можело да не биде во полза на целиот процес, но во секој случај, добро е што се оствари таква средба“, изјави вчера министерот за надворешни работи Антонио Милошоски.
Според него, нема најава за нов предлог од медијаторот на Обединетите нации(ОН) Метју Нимиц за решавање на спорот за името меѓу Македонија и Грција.
„Добро е што амбасадорот Нимиц ќе дојде во Македонија за да имаме можност да имаме директни разговори и да ги претставиме нашите позиции“, рече Милошоски. /крај/ме/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.