Контакт

Македонија

Македонија издаде еврообврзница за 175 милиони евра

Објавено пред

Република Македонија изврши емисија на еврообврзница на меѓународниот пазар на капитал во износ од 175 милиони евра, по каматна стапка од 9,8 отсто

Република Македонија изврши успешна емисија на еврообврзница на меѓународниот пазар на капитал во износ од 175 милиони евра, по каматна стапка од 9,875 отсто.

Ова денеска го соопшти министерот за финансии Трајко Славески, прецизирајќи дека емисијата била извршена вчера попладне во Лондон, со посредство на британската банка ХСБЦ.

Рокот на кој е издадена еврообврзницата е 3,5 години, односно истата ќе достаса во јануари 2013 година.

„На овој начин Министерството за финансии ефикасно ги обезбеди потребните средства за непречено финансирање на Буџетот и продолжување на реализација на проектите на Владата“, изјави Славески.

Тој додаде дека во предвид биле земени предлозите на бизнис заедницата за надворешно финансирање, со цел да не се врши притисок во насока на зголемување на каматните стапки.

„Приливот на овие средства ќе придонесе за зголемување на девизните резерви и зачувување на стабилноста на денарот“, додаде Славески.

Тој информираше дека интересот кај инвеститорите за откупување на македонскиот долг бил голем, додавајќи дека побарувачката достигнала 227 млн. евра.

Инвеститорската база е дисперзирана во повеќе региони, а најмногу инвеститори има од Велика Британија (59,9%), Швајцарија (11,3 %) и Бразил (8,3%).

Министерството за финансии изразува задоволство од начинот на емисијата на еврообврзницата, кое се случи во турбулентен период.

Преку оваа операција, може да се констатира изразената доверба на странските инвеститори во перспективите на Македонија, сметаат од Министерството за финансии.

Посочен е примерот на Литванија, која е членка на Европската унија и има повисок рејтинг од Македонија, неодамна издаде еврообврзница од 500 милиони евра, за која постигна каматна стапка од 9,375 отсто.

Вкупниот јавен долг на Република Македонија во моментот изнесува 1,721 милијарда евра, односно 25,9 отсто во донос на БДП и со оваа операција јавниот долг ќе се зголеми за 2,6 проценти.

Славески денеска информираше и за позитивниот пресврт на девизниот пазар во Македонија, каде што во јуни биле откупени 40 милиони евра од страна на Народната банка, со што девизните резерви се зголемиле на 1,208 милијарда евра. /крај/ап/



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Блесна новогодишната елка во Скопје

Објавено пред

Со вeчерашното светнување на елката на плоштадот Македонија и отворањето на новогодишниот базар „Винтерленд“ симболично се означи почетокот на новогодишните празнувања во Скопје.

На почетокот на новогодишниот базар присуствуваше градоначалникот Петре Шилегов, а празничната атмосфера беше збогатена со детска претстава проследена со новогодишни и божикни песни.

„Имавме спектакуларно светнување на новогодишната елка, што првпат го гледаме во нашиот град. Бидејќи ни претстојат денови исполнети со многу радост и среќа, ве повикувам да го посетите ‘Винтерленд’ и да уживате во богатата и разновидна програма секоја вечер за сите возрасти. На скопјани им посакувам убави новогодишни празнувања“, изјави Шилегов на отворањето на новогодишниот базар.

Новогодишните куќички на „Винтерленд“ се сместени на новиот плочник меѓу ГТЦ и плоштадот, а новогодишната програма ќе трае 25 дена – од отворањето на базарот, па сè до 31 декември, до пречекот на Новата 2020 година. Во близина на куќичките ќе биде сместена и мала сцена, на која секојдневно ќе се организираат настани, кои ќе го привлечат интересот на сите граѓани, без разлика на возраста. На овој простор ќе има и катчиња за детски игри, како и разновидни содржини од новогодишен карактер.

Во работните денови секој ден ќе има 2 часа детска програма, која ќе почнува околу 16 часот, а подоцна ќе има 3 часа програма за возрасни. За време на викендите е планирана целодневна програма, која ќе почнува точно напладне.

Град Скопје ги поканува граѓаните да го посетат „Винтерленд“ и сите заедно да ја доживеат новогодишната атмосфера организирана по примерот на другите европски плоштади.

Прикажи повеќе...

Македонија

Ѓорчев во САД на форум на Интернационалната демократска унија

Објавено пред

Пратеникот на ВМРО-ДПМНЕ, Влатко Ѓорчев, при посетата на САД во рамките на форумот на Интернационалната демократска унија оствари средба со конгресменката Лиз Чејни, која е експерт за безбедност и одбрана и шеф на Републиканската конференција во Конгресот.

На средбата се разговараше за актуелните политички случувања во Македонија, како и за соработката помеѓу Македонија и САД.

Ѓорчев ја истакна одличната соработка помеѓу Македонија и САД, особено во делот и одбраната, како и партнерството на двете држави во рамките на НАТО.

Пратеникот потенцира дека со доаѓањето на ВМРО-ДПМНЕ на власт во следните 4 години ќе се засилат билатералните односи помеѓу Македонија и САД.

Прикажи повеќе...

Македонија

Заев и Царовска: Креиравме социјална реформа која целосно ја менува грижата за ранливите групи

Објавено пред

„Тргнавме од определбата да создаваме праведно општество, кое вистински се грижи за намалување на социјалната нееднаквост во општеството и креиравме социјална реформа која целосно го менува начинот на кој се грижиме за ранливите групи граѓани и значително ја зголемуваме финансиската помош што ја добиваат“, рече во изјавата за медиумите претседателот на Владата, Зоран Заев, кој денеска заедно со министерката за труд и социјална политика, Мила Царовска, и со директорката на ЈУ Меѓуопштински центар за социјална работа, Наташа Станојевиќ, имаше средба со корисници на социјална помош и социјални работници.

Средбата беше организирана за да се чујат граѓаните и нивните пораки за мерките од социјалната реформа и за нејзината реализација според нашите очекувања.

„Тргнавме од определбата да создаваме праведно општество, кое вистински се грижи за намалувањето на социјалната нееднаквост во нашата земја. Креиравме социјална реформа, која целосно го менува начинот на кој се грижиме за ранливите групи граѓани и значително ја зголемува финансиската помош што ја добиваат најсиромашните. Новиот систем овозможува поддршка, обуки и советувања за да може секој човек исто така да почне да работи“, рече премиерот Заев.

Реформите во социјалната и детската заштита ги правевме многу внимателно, истакна на средбата премиерот Заев, со цел да ги опфатиме сите ранливи категории и да овозможиме еднакви шанси за секое дете бидејќи тоа е определбата на оваа Влада и таква држава заслужуваат нашите граѓани.

„Оваа реформа, што ја направивме оваа година, и веќе шест месеци можеме да кажеме дека ги дава резултатите, опфаќа повеќе од 120.000 граѓани. Важно е да се каже дека со социјалната пензија или државната пензија веќе опфативме 4 илјади корисници, што значи дека полека ги достигнуваме таргетите. Образовниот и детскиот додаток ги даваат своите резултати, тие ги дополнуваат приходите на семејството сè со цел идните генерации да ги стимулираме да излезат од сиромаштија преку образование“, истакна министерката Мила Царовска.

Таа додаде дека со социјалната реформа се воведува и нов начин на работа на социјалните центри. Лицата во социјален ризик добија семеен социјален работник, кој ќе работи директно со нив сè до извлекување од ризикот во кој се наоѓаат.

Директорката на ЈУ Меѓуопштински центар за социјална работа, Наташа Станојевиќ, нагласи дека новиот систем овозможува поддршка, обуки и советување за да може секој човек да почне да работи и дека граѓаните веќе ги чувствуваат придобивките од социјалната реформа.

Овие придобивки ги потенцираа и корисниците на социјална помош, кои рекоа дека новите реформи со зголемената финансиска поддршка и особено мерките за стекнување квалификации за вработување, им отвораат реални шанси да се извлечат од наследената сиромаштија.

На средбата беше кажано дека вкупно 27.000 семејства во моментот ја примаат гарантираната минимална помош, 27.130 деца земаат детски додаток, образовниот додаток го користат 8.678 деца, а со мерката социјална пензија се опфатени 4.148 возрасни лица. Се очекува овие бројки да продолжат да растат.

Прикажи повеќе...

Најново

Економија8 часа

(Видео) Деспотовски: Одговорноста за грантовите на Ласкова и на Анѓушев е моја, не избегав ни тогаш ни сега

На сите 320 фирми што досега добиле грантови од Фондот за иновации може да им се залепат етикети дека се...

Македонија9 часа

Одбиено барањето за апанажа на Катица Јанева

Членовите на собраниската Комисија за прашања на изборите и именувањата едногласно го одбија барањето за апанажа на поранешната специјална јавна...

Македонија9 часа

(Видео) Камчев: Филипче ми e пријател и немаше никакви бизнис-зделки со Боки 13

Бизнисменот Орце Камчев по судењето за „Рекет“, запрашан за врските меѓу него и министерот за здравство, Венко Филипче, не сакаше...

Македонија9 часа

Благајник си присвоил пари од касата на „Македонска пошта“

Благајник во подружница на „Македонска пошта“ во Гостивар противправно присвоил за себе парични средства во износ од 1.925.128 денари, кои му...

Македонија10 часа

(Видео) Максим Ацевски најприфатлив предлог за генералан државен ревизор

Пратениците едногласно го прифатија предлогот Максим Ацевски да биде избран за генерален државен ревизор. Предлогот беше усвоен со консензус, без...

Македонија11 час

(Видео) Камчев: Алчноста на Катица за пари беше клучна во оваа работа

Бизнисменот Орце Камчев по денешното сведочење за случајот „Рекет“ откако излезе од судот уште еднаш потенцираше дека Бојан Јовановски, Катица...

Македонија12 часа

На една од средбите меѓу Јовановски и Камчев бил и министерот Филипче

Бојан Јовановски во предметот за случајот „Рекет“ му поставува прашања на сведокот Орце Камчев во судницата. Јовановски го персира, додека...

Македонија13 часа

Боки 13 до Камчев: Oперациите вo „Систина“ не ви се успешни

Присутните се смееја во судницата на рочиштето за случајот „Рекет“ кога Бојан Јовановски почна да го испрашува сведокот Орце Камчев....

Македонија14 часа

Камчев: Не се само Катица и Боки 13, треба да има и други обвинети за „Рекет“

Веќе час и половина сведокот бизнисмен Орце Камчев го дава својот исказ во судот за случајот „Рекет“. Тој, освен кон...

Македонија15 часа

Боки 13 се пожали на здравствената состојба, судијката го опомена дека ќе го извади од судницата

Судијката Васка Николовска-Масевска му рече на обвинетиот Бојан Јовановски, алијас Боки 13, дека ќе го извади од судницата ако говори...

Свет17 часа

Франција втор ден парализирана поради штрајкот

Втор ден продолжува штрајкот во Франција. И денеска нарушен е јавниот превоз, а училиштата се затворени. Синдикатите најавија дека планираат...

Свет17 часа

Меркел во прва посета на Аушвиц, ќе донира 60 милиони долари за Меморијалот

Германската канцеларка Ангела Меркел денеска за првпат ќе го посети Меморијалот Аушвиц-Биркенау, откако ја презеде функцијата пред 14 години. Меркел...

Свет17 часа

150 пожари ја пустошат Австралија

Пожарникари се обидуваат да ги стават под контрола 150-те пожари во Нов Јужен Велс додека силни ветрови го шират чадот...

Свет17 часа

Пентагон размислува да испрати неколку илјади војници на Блискиот Исток

Министерството за одбрана на САД размислува за дополнително распоредување на 4-7 илјади војници на Блискиот Исток за да се спротивстави...

Македонија18 часа

Во кривичниот суд пак ќе се оценува обвинението за организаторите на насилниот упад во Собранието

Во кривичниот суд по вторпат ќе се оценува обвинителниот акт за организаторите на насилниот упад во Собранието од 2017 година...

Свет18 часа

Туск: Брегзит е најтажното искуство за време на мојот мандат

Брегзит е една од најспектакуларните грешки во историјата на Европската Унија, вели Доналд Туск во интервју за „Гардијан“, што е...

Македонија18 часа

Продолжува судењето за „Рекет“, ќе сведочат Орце Камчев и неговата сопруга

Бизнисменот Орце Камчев и неговата сопруга Ана Камчева денеска треба да се појават во кривичниот суд во Скопје како сведоци...

Европа1 ден

Над половина милион луѓе протестираа во Франција, сообраќајот во колапс

Повеќе од 510.000 демонстранти излегоа на улиците на 70 града во Франција во знак на протест против најавените пензиски реформи...

Свет1 ден

САД со обвинение против руски хакери кои во своите операции украле над 100 милиони долари

Американските власти денеска покренаа обвинениe против лидерот на руската криминална група за компјутерски криминал позната како Evil Corp „Зла корпорација“...

Македонија1 ден

Спасовски: Жалам што Обвинителството немаше храброст да одреди притвори за инцидентот во „Александар палас“

Министерот за внатрешни работи, Оливер Спасовски, изрази жалење што Обвинителството немало храброст да одреди притвори за осомничените за пукањето во...

Досие