Македонија
Стојановски: Оставката ја поднесов вчера од лични причини
Министерот за образование Перо Стојановски оставката до премиерот Никола Груевски ја почнел уште во средата и тоа од лични причини
Министерот за образование Перо Стојановски оставката до премиерот Никола Груевски ја поднел уште во средата и тоа од лични причини.
„За жал и покрај силната и искрена желба не успеав во залагањата за деполитизација на образовните институции, како и во отстранување на политиката од училиштата.
Ваквите тенденции секогаш се кршеа врз грбот на учениците и нивните родители, па така често пати Министерството за образование, а и јас како ресорен министер, морав да решавам проблеми кои немаат допир со образованието“, ги образложи попладнево Стојановски причините за оставката преку официјално соопштение.
Стојановски во оставката наведува и низа успешни проекти за време на неговиот мандат, како имплементација на деветгодишното основно образование, воведување на изучување англиски јазик од прво одделение, бесплатни учебници, зголемувањето на фондот на часовите по физичко образование, реконструкција на санитарни јазли во училиштата и слично.
За време на мандатот на министерот Стојановски имаше и неколку неуспешни реформи кои што Министерството за образование и наука се обиде од оваа година да ги воведе во македонскиот образовен систем.
Уставниот суд ги оцени како неуставни двете најголеми новини што се воведоа од учебната 2008/2009 година – веронауката и екстерното тестирање.
Веронауката падна на уставен суд во средината на месец април. Судот донесе одлука за укинување на членот 26 од Законот за основно и средно образование, со образложение дека одредбата е спротивна на Уставот.
Вероучителите, кои беа вработени во училиштата одржаа протести во Скопје против таквата одлука, а јавноста остана поделена по тоа прашање.
Уставниот суд на почетокот од овој месец донесе одлука и за укинување на екстерното тестирање на учениците од четврто до осмо одделение и за средношколците, кое што беше прекинато во истиот момент кога почна да се спроведува.
Таквото тестирање имаше за цел да ја процени објективноста при оценувањето од страна на наставниците.
Ваквата контрола на знаењето – според уставните судии, не може да ја вршат ресорното Министерство и Државниот просветен инспекторат – тоа треба да го прави некоја образовна институција.
Наставниците кои членуваат во Синдикатот за образование, наука и култура (СОНК) во ноември, минатата година штрајкуваа десеттина работни денови со барање да им се зголемат примањата и трајно да се вработат просветните работници кои работат со договор на дело.
Тогаш наставата беше прекината неколку седмици во поголемиот дел од училиштата низ Македонија.
Оваа година не успеа ниту проектот – компјутер за секое дете.
Компјутерите беа доставени во најголемиот дел од училиштата, но поради необученоста на наставниот кадар да врши настава на тој начин, тие останаа неупотребени на училишните клупи.
Коалициониот партнер на ВМРО-ДПМНЕ, ДУИ во последно време искажа отворено незадоволство од работата на министерот Стојановски./крај/амп/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.