Македонија
Силен дневен раст на МБИ10
Клучниот индекс на Македонска берза МБИ10 денеска оствари силен раст од 2,88% достигнувајќи вредност од 2.462,24 индексни поени
Клучниот индекс на Македонска берза МБИ10 денеска оствари силен раст од 2,88% достигнувајќи вредност од 2.462,24 индексни поени.
Таквиот тренд го следеа и останатите два индекса, при што МБИД се зголеми за 2,03% а вредноста се покачи на 2.245,94 индексни поени. ОМБ оствари поскромен раст од 0,25% и вредност од 104,33 индексни поени.
Промет на берзата денеска изнесуваше 10.856.741,48 денари, од што на официјалниот пазар се реализираше промет од 10.466.017,48 денари, додека на редовниот пазар прометот беше 390.124,00 денари.
Најмногу промет од хартиите од вредност кои котираат на официјалниот промет беше остварен со акцијата на Гранит Скопје. Прометот изнесуваше 4.220.905,00 денари, а вкупно беа истргувани 7.225 акции. Просечната цена изнесуваше 584,21 денари, додека порастот на цената на дневно ниво беше 2,49%.
Промет од 1.539.628,00 денари беше остварен со акцијата на Алкалоид Скопје. Просечната цена од 4.398,94 денари го придвижи дневниот просек со пораст од 2,30%. Иструваната количина беше 350 акции.
Со акцијата на Комерцијална Банка Скопје се оствари промет од 1.115.570,00 денари при истргувани 445 акции. Беше остварена просечна цена од 2.506,90 денари, која беше за 3,50% поголема во однос на претходното тргување.
Од редовниот пазар најмногу се тргуваше со акцијата на Прилепска Пиварница, со која беше остварен промет од 116.800,00 денари. Просечната цена изнесуваше 7.300,00 денари и оствари нагорна промена од 2,66%.
Акцијата на Тутунска Банка оствари промет од 81.000,00 денари со просечна цена од 4.050,00 денари и пораст од 3,40%
Пет најтргувани хартии од вредност
1. Гранит Скопје
2. Алкалоид Скопје
3. Комерцијална Банка Скопје
4. Макпетрол Скопје
5. Стопанска Банка Битола
Хартии од вредност со најголем пораст
1. ЗК Пелагонија Битола 17,40%
2. Хотели Метропол Охрид 10,50%
3. Арцелормиттал (ХРМ) Скопје 10,00%
4. РЖ Интер-Трансшпед Скопје 5,66%
5. Макпетрол Скопје 3,55%
Хартии од вредност со најголем пад
1. РЖ Техничка Контрола Скопје 7,69%
2. ТТК Банка АД Скопје 3,62%
3. Орхридска Банка Охрид 3,21%
4. Р.Македонија – Денационализација 04 1,20%
5. Реплек Скопје 0,53%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николовски: Системот на злоупотреби што го создаде Владата ја уништи довербата – земјоделците повторно ќе ја плататат цената
„Колку пати алармирав и предупредував дека во Агенцијата за финансиска поддршка на земјоделството и руралниот развој се создава систем на клиентелизам, влијанија и злоупотреби?“, порача поранешниот министер за земјоделство, Љупчо Николовски, реагирајќи по апсењето на директорот на Агенцијата при земање мито.
„Јавно укажував дека ИПАРД 3 ќе крахира, дека со вакви практики се загрозува кредибилитетот на државата пред Европската комисија и се става под ризик целата програма вредна околу 100 милиони евра – пари наменети за развој на македонското земјоделство“, изјави Николовски.
Според него, денешниот скандал е директна последица на политичко поставување на луѓе без интегритет и без компетенции.
„Ова не е изолиран инцидент, туку резултат на владеење кое ги заменува вредностите и професионалноста со партиска послушност“, нагласи тој.
Николовски потсети дека за време на неговиот мандат ИПАРД 2 програмата беше 100% искористена, со 2.369 договори и реализирани инвестиции.
„Срамно е целиот тој успех и довербата што ја изградивме со Европската унија да биде уништена за само една година поради корупција и лични интереси“, додаде тој.
Тој предупреди дека постои реална опасност Европската комисија да ја стопира ИПАРД 3 програмата за Македонија, што би значело блокада на сите исплати и нови повици.
„Ако се случи тоа, земјоделците повторно ќе бидат жртви на корупцијата и неспособноста на оваа власт“, порача Николовски.
Поранешниот министер побара итна одговорност и расчистување со злоупотребите:
„Време е за целосна одговорност. Македонија не смее да си дозволи да ја изгуби довербата во европските институции поради поединци кои го претворија земјоделството во извор на мито и политички влијанија.“
Македонија
Делови од Центар и Сарај в понеделник без вода
Од ЈП Водовод и Канализација, известуваат дека зафатот кој беше најавен за денеска поради одредени технички пречки се одложува за понеделник.
Поради изведување на водоводен приклучок ф-100мм на ул. Христо Смирненски 13, од 09:00 часот до завршување на интервенцијата, прекинато водоснабдување ќе имаат корисниците од дел од истата улица, поточно потегот од Зур – Маркет до бул. Партизански Одреди, во општина Центар.
Исто така во понеделник ќе се изврши редовно чистење на резервоарот за питка вода во село Рашче. За време на активностите во периодот од 09:00 – 13:00 часот, прекинато водоснабдување ќе имаат корисниците од населените места: Рашче Копаница и Бојане, општина Сарај.
Македонија
До понеделник променливо облачно време со локални врнежи од дожд
Променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Ќе дува умерен до засилен ветер од јужен, а долж Повардарието од југоисточен правец. Минималната температура ќе биде во интервал од 6 до 12, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува умерен до засилен југоисточен ветер. Минималната температура ќе се спушти до 10, а максималната ќе достигне до 16 степени.
Времето во наредните денови
Под влијание на влажна и нестабилна воздушна маса до понеделник ќе преовладува променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Од вторник се очекува стабилизирање на времето.

