Македонија
Нови петмина со симптоми на грип

Пет нови случаи, сомнителни за инфлуенца A/H1N1 се регистрирани во текот на последните 24 часа на Клиниката за инфективни болести во Скопје
Пет нови случаи, сомнителни за инфлуенца A/H1N1 се регистрирани во текот на последните 24 часа на Клиниката за инфективни болести во Скопје.
Тројца се хоспитализирани, а двајца, поради лесна клиничка слика се амбулантски прегледани и пуштени на домашно лекување и се под надзор на инфектолог и епидемиолог, соопшти министерството за здравство.
Новопримените пациенти биле на меѓународно патување во странство и добиле симптоми по враќањето во земјата.
Во тек на вчерашниот ден двајца пациенти ја напуштиле клиниката заради завршено лекување. Во моментот на Инфективната клиника се хоспитализирани вкупно осум пациенти.
Здравствената состојба на сите хоспитализирани лица е стабилна и покажува прогресивно подобрување.
Досега на Клиниката болнички се лекувани вкупно 36 пациенти, од кои кај девет беше потврден вирусот А (Х1Н1), наведува министерството./крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Бутел и Кисела Вода

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа, денеска, без електрична енергија ќе останат:
· од 09:00 до 12:00 часот, корисниците од дел од улца ХО ШИ МИН, во населба Бутел, општина Бутел;
· од 09:00 до 14:00 часот, корисниците од ул. Студеничанска, општина Кисела Вода.
Македонија
Дел од Карпош и Центар денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска:
· Поради дефект на приклучна водоводна цевка Ф-1“ и дефект на затварач од Ф-100мм на ул.Будимпештанска бр.25,прекинато водоснабдување ќе имаат корисниците од следните улици:Будимпештанска, Осло Љубица Георгиева, Бањалучка, Хашка и дел од Женевска.
Водоснабдувањето ќе биде прекинато од 09:00 часот до завршување на дефектот.(општина Карпош)
· Поради изведување на водоводен приклучок Ф 80“ на улица Пиринска бр.31, прекинато водоснабдување ќе имаат корисниците од ул.Пиринска и дел од ул.Ленинова од 09:00 часот до завршување.(општина Центар)
Македонија
Утрото ведро и посвежо, попладне до 30 степени

Утрото ведро и посвежо, преку денот сончево. Ќе дува слаб до умерен, наместа долж Повардарието повремено засилен северен ветер.
Минималната температура ќе биде во интервал од 4 до 15, а максималната ќе достигне од 23 до 30 степени.
Во Скопје, сончево, со слаб до умерен, а во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 30 степенiи.
Времето во наредните денови
Продолжува периодот на претежно сончево време со посвежи утра и постепен пораст на дневната температура.