Македонија
Македонија ќе ги дели искуствата со соседите
Реформите во визната либерализација се лекција дека кога ќе се добие статус се добиваат и привилегии
Реформите во визната либерализација се лекција дека кога ќе се добие статус се добиваат и привилегии.Ова денеска во Скопје го изјави шефот на македонската диломатија Антонио Милошоски на отворањето на Националниот визен центар, во присуство на дипломатски претставници во државата.“Македонија треба да ги дели своите искуства со другите соседи и држави во регионот, како што се БиХ, Косово и Албанија“, додаде Милошоски.Националниот визен центар е “линк“ меѓу дипломатските претставништва и владините институции и е финансиран со 1,2 милиони евра од CARDS програмата на ЕУ. Неговата практична имплементација започнува неколку дена откако Европската комисија (ЕК) препорача визна либерализација за македонските граѓани.“Го остваруваме патот на кој рака под рака ќе делиме заеднички цели“, изјави евроамбасадорот Ерван Фуере, кој додаде дека “најголем дел од тој пат е изоден“.Според Фуере, македонската Влада треба да спроведе напори за исполнување и на останатите реформи во државата.“Ве охрабруваме во исполнувањето на бенчмарковите бидејќи се витални за иднината на државата“, додаде евроамбасадорот во Македонија.Шведскиот амбасадор Ларс Фреден изјави дека сепак, “никој не знае кога ќе заврши овој процес“, додавајќи дека шведското претседателство ќе направи се за да го забрза.Тој забележа и дека македонските Албанци ќе бидат “први Албанци што ќе уживаат во визната либерализација“, посочувајќи оти Албанија и Косово ќе треба уште да работат на реформите за визно олеснување./крај/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Штипјанец и скопјанка фатени како ги фотографираат гласачките ливчиња, а жител на Бучим му го покажал ливчето на набљудувач
Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач, изјави портпаролот на МВР, Тони Ангеловски.
„Од отворањето на гласачките места до 11.00 часот регистрираме две фотографирања на гласачко ливче, едно во Штип и едно во Скопје. Во 09.30 часот на избирачко место 2274 во Штип Г.Ј. го фотографирал гласачкото ливче и од страна на полициски службеници од СВР Штип се преземаат мерки за расчистување на случајот. Во 09.20 часот на гласачко место 2844 во ОУ „Јохан Х. Песталоци“ во Скопје, С.М. (57) го фотографирала гласачкото ливче и од страна на СВР Скопје се преземаат мерки за расчистување на случајот“, додаде Ангеловски.
Тој посочи дека досега МВР нема регистрирано посериозни нарушувања на јавниот ред и мир при гласањето, односно гласањето се одвива мирно и без проблеми.
Ангеловски дополни и дека димна бомба има на гласачко место, а пријавени се и летоци врз паркирани автомобили во Чаир и графити.
До 11 часот е пријавено дека на гласање излегле 229.473 граѓани и одѕивот од 3,85, колку што беше до 9 часот, се искачи на 12,78 отсто.
Македонија
Најдена испукана димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информира за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, тоа се одвива мирно, без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територијата на општина Чаир се забележани летоци, кои биле оставени на паркирани возила, а исто така се испишани и два графита. На едно гласачко место во Скопје, покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и учесниците на изборите – во текот на гласањето, до завршувањето, да се воздржат од какви било инциденти.
Македонија
На 12,78 отсто се искачи одѕивот до 11 часот, најголем во Демир Капија – 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија – 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјата право на глас имаат 1.814.317 граѓани на 3.480 избирачки места.