Македонија
Благ пораст на МБИ10, прометот намален
Прометот денеска на македонската берза за хартии од вредност изнесуваше 6.594.445,66 денари, а индексот МБИ-10 забележа зголемување за 0,15 отсто
Прометот денеска на македонската берза за хартии од вредност изнесуваше 6.594.445,66 денари, а индексот МБИ-10 забележа зголемување за 0,15 отсто а вредноста му изнесуваше 2.470,97 индексни поен .
На официјалниот пазар се оствари тргување во вредност од 5.820.831,66 денари при 68 реализирани трансакции. Редовниот пазар оствари промет од 773.614,00 денари со реазлизирани 23 трансакции.
МБИД порасна за 0,21% остварувајќи ниво од 2.252,82 индексни поени. ОМБ се намали за 0,31% остварувајќи ниво од 102,35 индексни поени.
Од официјалниот пазар најтргувана беше државната обврзница за денационализација од осмата емисија со промет од 1.780.587,69 денари при истргувани 38.284 обврзници. Просечната цена изнесуваше 76,02%, а намалувањето беше 0,33%.
Втора по обем на тргување од официјалниот пазар беше акцијата на Комерцијална Банка со промет од 981.915,00 денари, а се истргуваа вкупно 391 акции. Остварена беше просечна цена од 2.511,29 денари со намалување кое изнесуваше 0,84%.
Алкалоид Скопје оствари промет од 761.533,00 денари при истргувани 173 акции. Просечната цена изнесуваше 4.401,92 денари, а нејзиното зголемување беше 0,73%.
На редовниот пазар најмногу се тргуваше со акцијата на ПОЛИ МЗТ Скопје која оствари промет од 196.000,00 денари. Се оствари просечна цена која беше без промена односно изнесуваше 4.000,00 денари при истргувани 49 акции.
Со акцијата на Бомекс-Рефрактори Пехчево се оствари промет од 155.524,00 денари. Се оствари просечна цена од 2.636,00 денари која беше без промена, при истргувани 59 акции.
Жито Лукс АД објави дека се здоби со новиот сертификат за квалитет и безбедност на храна ИСО 22000 (во кој е вграден и НАССР системот).
Пет најтргувани хартии од вредност
1. Р.Македонија – Денационализација 08
2. Комерцијална Банка Скопје
3. Алкалоид Скопј
4. Гранит Скопје
5. Р.Македонија – Денационализација 06
Хартии од вредност со најголем пораст
1. Фершпед Скопје 4,35%
2. Стопанска Банка Битола 1,61%
3. Прилепска Пиварница Прилеп 1,22%
4. Гранит Скопје 0,86%
5. Алкалоид Скопје 0,73%
Хартии од вредност со најголем пад
1. Македонијатурист Скопје 3,47%
2. РЖ Услуги Скопје 3,03%
3. Комерцијална Банка Скопје 0,84%
4. Р.Македонија – Девизни Влогови 0,65%
5. Р.Македонија – Денационализација 06 0,64%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Филипче префрли 7 милиони евра од здравството на фирма на роднина
ВМРО-ДПМНЕ ја обвини поранешната власт предводена од СДСМ и ДУИ за несоодветно управување со здравствениот систем во земјата. Актуелниот претседател на СДСМ, Венко Филипче, во својот мандат, според партијата, не само што не успеал да направи значајни реформи, туку и потрошил значајни средства на сомнителни тендери.
„Филипче откога седна на министерската фотеља на 25 декември 2017 година се префрлија 7 милиони евра од Министерството за здравство и здравствените установи во Македонија завршиле на сметката на Синерџи. Синерџи е компанија во сопственост на Горан Филипов партнерот на Катерина Савеска, тешта на Филипче. Или тештата Савеска и Филипов се јавуваат заедно како инвеститори. Само за една година од здравството на Синерџи биле префрлени два милиони евра“, пишува во соопштението.
Според ВМРО-ДПМНЕ актуелната реалност која ја оставила владата на СДС е испреплетена со корупција, криминал и руинирани институции.
„Македонија е на дно во регионот по сите параметри“, велат од партијата, додавајќи дека единствениот начин за напредок е да се знае вистината за минатото.
„Неспособноста завршува со нив. Ние работиме 100 проценти одговорно за твојата иднина“, завршија од ВМРО-ДПМНЕ, нагласувајќи ја својата посветеност на подобрување на состојбите во здравствениот сектор.
Скопје
Пожарот во зградата во Чаир уште е активен
Пожарот во зградата во Чаир уште е активен, информираше утрово Центарот за управување со кризи. Утрово интервенираат три возила.
Синоќа пожарот во скопски Чаир се одвиваше отежнато поради големата количина на чад и високата температура во подрумите во кои била складирана поголема количина на запаливи материјали, информираа од Центарот за управување со кризи.
Пожарот кој почна во подриумски простории кои се користеле како магацин гори од вчера во 01.50 часот. Од обејктот беа евакуирани речиси 100 станари. 30 возрасни, 12 деца, едена пожарникар и полицаец беа однесени на скопските клиники поради труење со чад.
Македонија
Петрушевска: Одговорот и пристапот во борбата против дезинформациите мора да бидат стратешки, а за тоа е потребна и меѓународна соработка
Правото на слобода на изразување, вклучително и слободата на информирање е камен темелник на секоја функционална демократија, обезбедувајќи им на граѓаните да имаат можност да се вклучат во јавната дебата и да учествуваат во процесите на донесување одлуки, истакна пратеничката на ВМРО-ДПМНЕ, Марија Петрушевска во своето обраќање во Парламентарното Собрание на Советот на Европа како новоименуван шеф на делегацијата за тековниот извештај за “Борбата со дезинформации во Европа“.
Таа посочи дека во последните години можеше да се види дека оваа слобода е под значителна закана.
„Пропагандата, без разлика дали преку традиционалните медиуми контролирани од државата или брзото ширење на дезинформации преку социјалните медиуми стана опасна алатка за манипулација со јавното мислење, дестабилизирање на демократиите и поткопување на човечкото достоинство. Овие практики ги загрозуваат самите основи на демократските системи. Сведоци сме на ова во руската агресија врз Украина, каде што медиумите се користеа како оружје за дезинформации и на домашно и на меѓународно ниво“, рече Петрушевска.
Таа посочи дека во Западен Балкан, вклучително во Македонија, пропагандата и дезинформациите станаа алатка за нанесување штета на политиката на проширување на Европската Унија и на европската интеграција на регионот.
Петрушевска додаде дека нашиот одговор и пристап во борбата против дезинформациите мора да бидат стратешки, за што и меѓународната соработка е од суштинско значење.
„Ниту една земја не може сама да се справи со проблемот на пропаганда и дезинформации. Соработката меѓу демократските нации, медиумите и граѓанското општество е од клучно значење за развој на најдобрите практики и зајакнување на отпорноста на нашите општества против овие закани. Како креатори на политики, нашата одговорност е да ја заштитиме слободата на изразување и да обезбедиме дека нашите граѓани имаат пристап до веродостојни, точни информации кои ќе го зачуваат интегритетот на демократијата и демократските вредности во кои веруваме“, истакна пратеничката Петрушевска.