Македонија
Индустриското производство падна за 16 насто
Индустриското производство во Македонија во јуни годинава се намалило за 16,2 насто во однос на истиот месец минатата година
Индустриското производство во Македонија во јуни годинава се намалило за 16,2 насто во однос на истиот месец минатата година.
Ова денеска го соопшти Заводот за статистика, додавајќи дека индустриското производство во периодот јануари-јуни година во однос на истиот период лани се намалило за 12,1 проценти.
Намалување на индустриското производство во јуни годинава на годишно ниво е регистрирано во сите главни индустриски групи, со исклучок на Енергијата.
Производството во секторот Вадење на руди и камен на годишно ниво се намалило за 30,8 насто, Преработувачката индустрија забележа пад од 18,4 насто, а Снабдувањето со електрична енергија, гас и вода пораснало за 25,5 проценти.
Најголемо намалување од 76,8 насто е забележано во одделот производство на други сообраќајни средства, вадењето на руди и камен за 62,9 насто, производство на основни метали за 51,8 проценти, производството на мебел за 50,4 и производство на текстилни ткаенини за 32,4 проценти./крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
В сабота протест во Неготино за правда на Фросина: „Стоп за сообраќајното насилство“
Протестен марш под мотото „Стоп за сообраќајното насилство“ ќе се одржи в сабота во Неготино, објавија организаторите на настанот на социјалните мрежи. Маршот ќе започне во 14 часот на улица „Маршал Тито“.
Како што се објавува на социјалните мрежи, другарките на Фросина Кулавкова која беше прегазена на 29 јануари, организираат бесплатен превоз до Неготино и назад за оние кои се од другите градови, а сакаат за бидат дел од протстот.
Според најавата која се шири на социјалните медиуми од Скопје автобусите ќе поаѓаат во сабота во 11 часот пред хотелот „Холидеј Ин“, а се повикуваат учество да земат и студентите.
Фросина Кулакова беше прегазена на пешачки премин на булеварот Партизански одреди во Скопје на 29 јануари од 20-годишниот Васил Јованов за кого беше објавено дека возел пијан, без возачка дозвола и минал на црвено светло.
Македонија
„Тој се’ уште не е правосилно осуден, и да добил затвор ништо немало да се промени“, вели професорот Калајџиев
Професорот по кривично право, Гордан Калајџиев на социјалните мрежи ја коментираше тезата дека сообраќајната несреќа во која смртно беше прегазена Фросина Кулавкова, немала да се случи ако возачот добил затворска казна.
„Тезата дека сообраќајката немала да се случи ако возачот добил затворска казна е неточна и лаичка! Тој се’ уште не е правосилно осуден и се чека одлука од Апелација. Тоа значи дека и да добил затвор ништо немало да се промени“, напиша тој.
Македонија
Утрото ведро и студено, преку ден сончево со мала до умерена облачност
Утрото ќе биде ведро и студено, а преку денот сончево со мала до умерена локална облачност. Ќе дува умерен, долж Повардарието засилен ветер од северен правец. Минималната температура ќе биде во интервал од -7 до 0, а максималната ќе достигне од 4 до 12 степени.
Во Скопје утрото ведро и студено, преку денот сончево со мала до умерена облачност. Ќе дува умерен ветер од северен правец. Минималната температура ќе се спушти до -3, а максималната ќе достигне до 10 степени.
Времето во наредните денови
Следува период на стабилно време со ниски утрински температури. Во петок во претпладневните часови по одделни котлини ќе има појава на магла, а во текот на денот ќе има зголемена облачност со услови за слаб дожд во јужните делови.