Македонија
Сајтот на Макфакс мета на хакерски напад
Сајтот на Новинската агенција Макфакс ноќеска околу полноќ беше мета на хакерски упад, поради што дојде до повеќечасовен
Сајтот на Новинската агенција Макфакс ноќеска околу полноќ беше мета на хакерски упад, поради што дојде до повеќечасовен прекин во објавувањето на вестите. Нападот е извршен во 00.12 изутрината. Тимот на Макфакс го забележа упадот и навреме спречи менување на основната хоум страна на сајтот и нанесување на поголема штета, како што е бришење на комплетната содржина вклучително и целосната архива на вести и информации. Според првичните информации за ИП адресата, нападот е извршен од западна Европа, односно од Германија или Франција.Хакерот или хакерската група на многу вешт начин успеала да ги промени корисничките имиња и лозинки за пристап кон серверот и притоа веб сајтот беше ставен надвор од употреба. Со нападот беа променети администраторските привилегии на ИТ инженери, кои го одржуваат сајтот, поради што немаа никаква контрола на дата базата, архивата или било која друга содржина. Притоа беа променети и постоечки шифри заедно со конфигурациските фалјови на веб сајтот. Целиот проблем е навремено надминат благодарение на редовното заштитување (бекап) на податоците. ИТ техничарите изутрината ги вратија речиси сите информации назад, по што сајтот makfax.com.mk беше повторно подигнат во10.08 часот. Новинаската агенција Макфакс превзема мерки за дополнителна заштита со цел да не дојде во иднина до вакви или поголеми инциденти, како што впрочем се случи со неколку вебсајтови на државни институции. Раководството на Макфакс за целиот настан ќе го извести одделението за компјутерски криминал при Министерството за внатрешни работи. Воедно Новинската агенција Макфакс им се извинува на корисниците и читателите поради непланираниот прекин во емитување на вестите во вообичаениот термин. /крај/мг/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.
Македонија
(Видео) Битиќи: Над 75% од граѓаните се за членство во ЕУ, власта да каже која е алтернативата
Во сите анкети над 75% од граѓаните велат дека се за членство во ЕУ. Политичарите имаат обврска да носат одлуки, за да одговорат на нивното очекување. Владата треба да каже кој е нивниот план. Очигледно гледаме сценарио во кое за жал продолжува стариот манипулативен приод на оваа гарнитура, да изманипулираме што можеме за избори а после кога ќе ја добиеме власта ништо од тоа не важи, рече пратеникот на СДСМ, Фатмир Битиќи во одговор на новинарско прашање.
На власта беше да ги подобри условите како што ветуваше, додаде тој.
-И сегашната партија ВМРО-ДПМНЕ нема добиено повеќе од 25% од вкупниот број граѓани на изборите Легитимитетот на изборите не мора да значи дека се носат добри одлуки. Но и да прифатиме дека е тоа така, нивно беше да ги сменат условите. Да го сменат и Францускиот предлог, да ја сменат и преговарачката рамка, и да го вратат името. Очигледно гледаме сценарио во кое за жал продолжува стариот манипулативен приод на оваа гарнитура, да изманипулираме што можеме за избори а после кога ќе ја добиеме власта ништо од тоа не важи, додаде Битиќи.
Која е алтернативата? Власта треба да каже како понатаму после одвојувањето на европскиот пат, рече Битиќи.
-Наредната недела изминуваат 100-те дена и убаво на следните пратенички прашања Владата да дојде со план каде ќе се движи Македонија во наредните години, кога е очигледно одвојувањето на европскиот пат од другите земји.