Македонија
Стартуваше македонската регата на Јадранот
Шеснаесет брода од едриличарскиот клуб Пампур составени исклучиво од македонски екипаж, денеска ја започнаа регатата на Јадранското море
Шеснаесет брода од едриличарскиот клуб Пампур составени исклучиво од македонски екипаж, денеска ја започнаа регатата на Јадранското море, јави репортерот на Макфакс.Бродовите испловија на отворено море од марината Каштела, близу Сплит, со што го започнаа својот тренинг, денеска на поволни временски услови, за разлика од изминатите неколку дена, кога имаше силна бура на Јадранот.Првите неколку дена од регатата Пампур е резервирана за тренинг на екипажите, додека два дена се натпреварувачки.Почетокот на натпреварот е на Островот Вис во правец на Милна (Брач) со должина од 25 наутички милји, и соодветно до Пакленски Острови на Хвар со дополнителни 25 наутички милји.
“Ова е најмасовниот собир на македонски морепловци досега. Поради масовноста на екипажи, годинава воведовме две класи на бродови, до 45 фита и бродови чија големина престига 45 фита. Како и секоја регата, особено внимание посветуваме на безбедноста на екипажот и ги преземавме сите мерки на заштита. Наредните неколку дена се резервирани за тренинг при што ќе се вежбаат поморските вештини како и тактичко техничко подготовки за официјалниот натпреварувачки дел од Регатата”, изјави претседателот на едриличарскиот клуб Пампур, Александар Пајковски.
Директорот на регатата пак, Коце Петров изјави дека е пријатно изненаден од натпреварувачкиот дух на сите екипажи годинава.„Оваа регата ќе биде неизвесна до самиот финиш. Се радувам на доброто време кое ни претходи, но доколку условите се промената на лошо, маршутата на регатата ќе се ревидира и адаптира на временските услови кои ни претстојат. Секако прва мисла ни е безбедноста на сите учесници на регатата“, објасни Петров.
Репортерот на Макфакс е приклучен кон екипата Вертиго Вејв, која плови со 15 метарска едрилица и која воедно е еден од судиските, односно регатните бродови.
Повеќе фотографии тука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски на средба со коалицијата: доби поддршка за отпочнување на преговори за состав на идната влада
Претседателот на ВМРО-ДПМНЕ, Христијан Мицкоски денеска оствари средба со претседателите на партиите во состав на Коалицијата „Твоја Македонија“.
Беше констатирано дека Коалицијата оствари успешен и историски резултат кој создава и одговорност за реализирање на очекувањата.
Мицкоски доби поддршка од претседателите на коалициските партии за отпочнување на преговори за состав на идната влада.
Според заклучокот на состанокот разговорите треба да се водат на основа на постулати за забрзан економски развој на Македонија, силна борба против криминалот и корупцијата и европските интеграции врз база на принципи и вредности, соопштија од партијата.
Македонија
Лукаревска: СДСМ секогаш бил достоинствен заради зрелоста на неговите раководства да се соочат со поразот и одговорноста, јас не сакам да бидам исклучок
Изборните резултати ја искушуваат нашата искреност како политичари и искреноста на нашите зборови дека сме ја разбрале вашата порака, напиша на социјалните мрежи, потпретседателката на СДСМ, Сања Лукаревска, откако неколку членови и партиски функционери во СДСМ претходно си поднесоа оставки.
СДСМ, додава таа, секогаш бил достоинствен и заради зрелоста на неговите раководства да се соочат со поразот и со одговорноста.
„Јас не сакам да бидам исклучок. Благодарам за укажаната доверба да бидам заменик претседател на СДСМ. И таа должност ја извршував со почит, совесно, одговорно и чесно. Секако, со поддршка од сопартијците и незаменливата потпора од моите родители. Благодарам е најмалку што можам да им речам.
Горда сум што 8 мај беше празничен ден за демократијата. Тоа беше и суштината на борбата на СДСМ за ослободување од „заробената“ држава. Воедно, им благодарам на сите граѓани за секој глас за СДСМ, особено во третата изборна единица. Вредна за внимание е и пораката од оние кои не излегоа на гласање, како и на оние кои гласаа против.
На ред е нашата внатрепартиска средба со вистината. На отчетниот Конгрес на СДСМ неминовна e отворена, искрена и самокритична анализа на нашите погрешни чекори, на лошите кадровски решенија како и за нашата немост за успешните политики кои ги спроведовме во исклучително тешки услови предизвикани од светските кризи.
Го презедовме товарот и на тешките политички одлуки. Но, тоа е СДСМ на кого државата, нејзината стабилност и иднина секогаш му биле пред сė и над сė. Така било. Така мора и да остане“, порача во напишаното Лукаревска.
Оценува дека на Македонија и е потребен СДСМ.
„Што побргу заедно ја консолидираме партијата толку побргу ќе можеме да кажеме – тука сме. Јас верувам во СДСМ, а уште повеќе во неговата сила да се реформира, да се обедини и да се подготви.
Честитки на победникот и на сите 120 пратеници.
Во искреното соочување со причините за изборниот пораз е нашата прва победа. Тоа е најмалку што им го должиме на сопартијците, на симпатизерите и поддржувачите на СДСМ, но и на демократска Македонија“, додава Лукаревска.
Македонија
Трет состанок на политички директори во рамките на претседавањето со ПСЈИЕ
Денеска, во Министерството за надворешни работи на Република Северна Македонија се одржа третиот состанок на политички директори на учесниците на Процесот за соработка на Југоисточна Европа (ПСЈИЕ), на кој присуствуваа и претставници на Советот за регионална соработка (СРС) и на Европската Унија.
На состанокот беа разгледани кандидатурите за избор на генерален секретар на Регионалниот совет за соработка (РСС) и предлог-текстот на Заедничката декларација во пресрет на министерскиот состанок, што ќе се одржи во рамките на нашето претседавање со ПСЈИЕ.
Северна Македонија со ПСЈИЕ претседава во периодот јули 2023 – јуни 2024 година со мотото „Премостување поделби, градење доверба“.