Премиерот Никола Груевски денешниот ден го оцени како историски ден поздравувајќи го мислењето на Европската Комисија

Премиерот Никола Груевски денешниот ден го оцени како историски ден, го поздрави мислењето на Европската Комисија и им честиташе за позитивниот извештај на македонските граѓани„Ова е историски ден за Република Македонија и за нејзините граѓани, оцени премиерот Никола Груевски по објавувањето на позитивниот извештај на ЕК за напредокот на земјата во 2009 и препораката за почеток на преговорите за членство во ЕУ.„Тоа е резултат на досегашните напори на Владата, на граѓаните, на сите политички чинители, здруженија во Македонија и на нашите ценети пријатели од меѓународната заедница. Го поздравуваме мислењето на Европската комисија и сите негови обиди во поддршката кон нас за процесот на реформите“, истакна Груевски во изјавата што ја даде во Владата на Република Македонија откако евроамбасадорот Ерван Фуере кој му го предаде Извештајот.Тој истакна дека овој Извештај ќе биде патоказ за идните чекори и реформи кои ќе ги преземе Владата.„Ние ја знаеме и важноста на предизвикот да се промовираат добрососедските односи и регионалната соработка. Во контекст на спорот со името Македонија активно и конструктивно ќе ги продолжиме со разговорите под покровителство на Обединетите нации со цел да се најде заеднички прифатливо решение“, рече премиерот.Извештајот на Комисијата од 2009 година за Република Македонија, како што рече Груевски, за последната година го поздравува зајакнувањето, функционирањето на демократијата и стабилноста на институциите што се однесува до владеењето на правото. Владата, продолжи тој, го поздравува мислењето на Комисијата за пресретнувањето на Копенхашките критериуми за партнерство и клучните приоритети за пристапување во однос на отпочнувањето на преговори за пристапување.Фуере упати честитки за добиениот позитивен извештај и препораката за преговори. Тоа, како што посочи, е силно признание за волјата и капацитетот на Владата да постигне успех, и поттик да се фокусира на преостанатите реформи и приоритети.„Оваа препорака дадена од страна на ЕК претставува силно признание за политичката волја и за капацитетот кои што ги има оваа Влада да постигне успех. Како што кажа исто така и комесарот Оли Рен ова претставува и силен поттик за Владата и за сите институции да продолжат со реформските процеси и да се фокусираат на оние области каде што беа детектирани одредени слабости“, рече Фуере.Тој додаде дека заслугата ја делат сите граѓани, политички фактори и граѓанското општество. Според евроамбасадорот заедничката работа ја доведе нашата земја до успех./крај/форум