Македонија
Пресудата за сообраќајката на Тоше попладнево

Финалната пресуда во судскиот процес за сообраќајката во која загина македонската поп икона Тоше Проески се очекува да биде донесена во среда во 15 часот.Претходно, Јавното обвинителство и одбраната на обвинетиот Ѓорѓи Ѓеоргиевски ги дадоа последните зборови пред финалната пресуда.
Финалната пресуда во судскиот процес за сообраќајката во која загина македонската поп икона Тоше Проески се очекува да биде донесена во среда во 15 часот.Претходно, Јавното обвинителство и одбраната на обвинетиот Ѓорѓи Ѓеоргиевски ги дадоа последните зборови пред финалната пресуда.Обвинителството во своето обраќање заклучи дека Ѓорѓевски во моментот на несреќата возел со 152 километри на час, што било спортивно со ограничената брзина. Во услови на намалена видливост и неприлагодена брзина на коловозот Ѓорѓевски задоцнето го почнал претекнувањето што било главната причина за стравичниот удар. Обвинителството побара Ѓорѓевски да биде казнет поради небрежност. Во своето излагање пак одбраната на Ѓорѓевски, повторно посочи на контрадикторноста во вештачењето на туарегот, и укажа дека голем пропуст е што во целиот судски процес не се појавил возачот на камионот, кој не само што бил сведок, туку бил и втор учесник во несреќата.Одбраната побара од судот да се земе во предвид и нарушената психичка состојба на Ѓорѓевски, како и ненадоместливата штета што му била нанесена со загубата на неговиот најдобар другар.Обвинетиот Ѓорѓевски со солзи во очите рече дека веќе е казнет бидејќи го изгубил својот најдобар другар и брат кој засекогаш ќе живее во него./крај/вм/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена облачност, попладне со изолирана појава на пороен дожд и грмежи

Времето денеска ќе биде сончево и топло со мала до умерена облачност. Ќе дува слаб до умерен ветер од југозападен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 7 до 14, а максималната ќе достигне од 24 до 31 степен.
Во Скопје, сончево и топло со мала до умерена облачност. Ќе дува слаб до умерен ветер од југозападен правец. Минималната температура ќе се спушти до 13, а максималната ќе достигне до 30 степени.
Под влијание на влажен бран во деновите од викендот и во понеделник времето ќе биде променливо облачно и посвежо со врнежи од дожд. Локално врнежите ќе бидат пообилни (над 30 l/m2), проследени со појава на грмежи и засилен северен ветер (над 70 km/h).
Од вторник ќе има стабилизирање на времето и пораст на дневната температура.
Македонија
Каја Калас денеска во Скопје ќе се сретне со Мицкоски

Високата претставничка на Европската Унија за надворешни работи и безбедносна политика, Каја Калас, денес доаѓа во Скопје.
Калас ќе се сретне со премиерот Христијан Мицкоски, а со министерот за надворешни работи и трговија Тимчо Муцунски ќе го отворат првиот дијалог за безбедност и одбрана меѓу ЕУ и Северна Македонија, што следува по склучувањето на билатералниот договор за безбедносното и одбранбеното партнерство во ноември минатата година.
Македонија
Два случаи на мајмунски сипаници во Македонија: потврди Институтот за јавно здравје

Денес во ЈЗУ Институт за јавно здравје од Клиниката за кожни болести биле упатени двајца пациенти суспектни за Monkeypox – Мајмунски сипаници и како што е соопштено од таму, било упатно назначено кај истите да се направи испитување и за ХИВ, сифилис и херпес.
„Институтот за јавно здравје изврши лабораториски испитувања на 3 различни начини со што лабораториски се потврдија два случаи на Monkeypox – Мајмунски сипаници. Бидејки за прв пат во нашата држава се лабораториски потврдени Monkeypox – Мајмунски сипаници, после добиените резултати, веднаш се реагираше брзо, се превземаа соодветни мерки и се известија надлежните институции, Министерство за здравство, Клиниката за кожни болести, Инфективна клиника и др.
Согласно протоколите по добиеното известување, докторот кој ги примил пациентите ги информира пациентите за добиените резултати.
Потоа следи епидемиолошка анкета од страна на епидемиолози од Институтот за јавно здравје.
Стручни лица епидемиолози од ИЈЗ се вратени на работа и пристапија кон епидемиолошко анкетирање на двете лица, како би се добиле податоци кои би биле исклучително важни за понатамошно постапување. Анкетата е се уште во тек“, се нагласува во официјалното соопштение.
Ќе биде препорачано, на позитивните пациенти, велат од таму, да се јават на Инфективна клиника.
Нагласуваат дека Институтот за јавно здравје ќе продолжи да ја следи состојбата.
„Во моментов нема простор за паника, бидејќи брзо и навремено институционално се превземаат сите потребни мерки. Вечерва се мобилизирани сите институционални капацитети за надминување на
последиците од ваквата појава и се превземаат сите превентивни мерки. Во текот на утрешниот ден ќе следат подетални информации за јавноста“, се потенцира во соопштението.