Годинешната награда за животно дело и особени достигнувања во архитектурата и градителството му беше врачена на архитектот Климент Заров /79/ на пригодна свеченост во четвртокот вечер. Примајќи ја наградата „Андреја Дамјанов“, која традиционално ја доделува Асоцијацијата

Годинешната награда за животно дело и особени достигнувања во архитектурата и градителството му беше врачена на архитектот Климент Заров /79/ на пригодна свеченост во четвртокот вечер.Примајќи ја наградата „Андреја Дамјанов“, која традиционално ја доделува Асоцијацијата на архитекти на Македонија, Заров истакна дека „признанието му претставува огромна чест и сатисфакција за личниот придонес во развојот на современата македонска архитектура“.Според Комисијата за доделување на годинешната награда Заров несомнено спаѓа во редот на истакнатите фигури на современата македонска архитектура.„Во своето долгогодишно делување се занимавал со повеќе сегменти од архитектонската професија, минувајќи ги сите скалила за целосно оспособување во широката палета на архитектурата, почнувајќи од заштитата, конзервација, реставрација, урбанистичко и просторно планирање, проектирање и менаџмент“, посочи претседателот на Комисијата за доделување на годинешната награда Александар Смилевски.Најголем примат од авторските објекти на архитектот Заров несомненo е хотелот„Инекс“ во Охрид за кој е добитник и на Републичката награда „11 Октомври“.Меѓу неговите позначајни реализирани објекти се колективна станбена зграда на Пошта-Охрид, хотелите „Св. Илија“ и „Силекс“ во Охрид, бунгалови во летувалиште Претор, реконструкција и доградба на Поштата и на аеродромска зграда во Охрид, Детален план на централно градско подрачје на Охрид… Во 1963/1964 извршил и интервенции на црквата Св. Јован Богослов Канео и ја презентирал во нејзиниот автентичен облик од крајот на 13 век ./крај/ег/