Македонија
Нимиц подготвен да ги обнови разговорите

Специјалниот посредник на Обединетите Нации во грчко–македонскиот спор за името, Метју Нимиц е подготвен да ги обнови разговорите, штом двете страни ќе бидат спремни,изјави првиот човек на Светската организација, Бан Ки Мун по денешната средба во Атина со грчкиот премиер Јорго Папандреу
Специјалниот посредник на Обединетите Нации во грчко–македонскиот спор за името, Метју Нимиц е подготвен да ги обнови разговорите, штом двете страни ќе бидат спремни.Ова го изјави првиот човек на Светската организација, Бан Ки Мун по денешната средба во Атина со грчкиот премиер Јорго Папандреу, од кого добил уверување за целосна поддршка на улогата на Нимиц за ова прашањеВо исто време двете страни и македонската и грчката, тврдат дека последните иницијативи поврзани за името се нивно дело„Наша беше иницијативата да се оствари комуникацијата“, изјави македонскиот вицепремиер за европски прашања Васко Наумовски, во интервју за Ројтерс, во врска со средбата меѓу македонскиот и грчкиот премиер во Брисел.Грчкиот премиер пак денеска го информираше генералниот секретар на ОН за како што рече „моите последни иницијативи за креирање моментум“ за кипарското и за прашањето за името, пренесува агенцијата Ана-Мпа.Ројтерс пишува дека Македонија и Грција веројатно нема да го решат прашањето за името пред следниот самит на ЕУ во декември, но и оти Скопје се надева на напредок, сличен на разрешницата на хрватско-словенечкиот спор.„Се надеваме дека договорот што беше постигнат меѓу Словенија и Хрватска може да се примени и во нашиот случај“, рече Наумовски.„Двете страни не најдоа решение за нивниот спор, но се договорија прашањето да го однесат на арбитража и Словенија ја подигна блокадата за продолжување на преговорите со ЕУ“./крај/а/р/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Општина Карпош: Го демантираме другарот на Мицкоски, Сотир Лукровски, дека има нерешени 11 000 предмети за легализација, а тој ќе ги решел за две и пол години

„Општина Карпош во целост го демантира другарот на Христијан Мицкоски, Сотир Лукровски, дека во општина Карпош има нерешени 11 000 предмети за легализација и замислете, тој ќе ги решел за две и пол години. Фактите говорат дека општина Карпош од 2011 до 2018 година има примено вкупно 12688 барања и од нив досега се решени 9385, а останати се уште 3303 барања“, велат од општина Карпош.
„Најголем дел од нив се со нерешени имотно-правни и оставински постапки и се чека на завршување на судска постапка, на друг дел е побарана дополнителна документација, и мал дел се во постапка за решавање.
За кандидатура на градоначалник основен услов за кандидатот е да биде добро информиран и да не кажува лаги. Ако кандидатот во кампања кажува лаги, какво ли ќе биде неговото функционирање како Градоначалник!?
Општина Карпош го замолува г-дин Христијан Мицкоски да го едуцира својот кандидат и го замолуваме да не ги вознемирува директорките на градинките и училиштата“, соопшти општина Карпош.
Македонија
ВМРО-ДПМНЕ викендов организира Саем за отчет на градоначалниците

Генералниот секретар на ВМРО-ДПМНЕ, Ѓорѓија Сајкоски, најави дека на 23 и 24 август во хотелот „Холидеј Ин“ во Скопје ќе се одржи Саем – Отчет под мотото „4 години работа за тебе“, на кој градоначалниците од оваа партија ќе го презентираат сработеното во изминатиот мандат.
Настанот ќе почне во сабота во 11 часот со обраќање на претседателот на ВМРО-ДПМНЕ, Христијан Мицкоски. Во текот на двата дена ќе се одржат повеќе панел-дискусии на кои градоначалниците, поделени по региони, ќе ги претстават реализираните проекти.
Секоја општина ќе има и свој штанд на кој граѓаните и новинарите ќе можат директно да се запознаат со постигнувањата на локалната власт.
Во недела програмата ќе продолжи од 10 часот, со панели посветени на темите: „4 години развој и прогрес“, „инфраструктурни инвестиции“, „вклученост на граѓаните во носењето одлуки“ и „меѓународна соработка“.
„Разликата меѓу општините во 2021 и денес е огромна и мерлива. Ветените и реализирани проекти ја покажуваат посветеноста и одговорноста на нашите градоначалници,“ изјави Сајкоски, додавајќи дека со овој отчет ВМРО-ДПМНЕ ја покажува отчетноста и транспарентноста кон граѓаните.
Македонија
ВМРО-ДПМНЕ: Каде испари Венко Филипче

Има ли Социјалдемократскиот сојуз лидер на партијата или на непочнати избори „кормиларот“ го напушти бродот кој тоне? Каде испари Венко Филипче, се крие ли од македонската јавност или сфатил дека се наоѓа пред дебакл и нема што да понуди?, прашува ВМРО-ДПМНЕ преку соопштение.
„Филипче јавноста не го видела цели 20 дена, последен пат во земјава е виден на 2 август за прославата за Илинден во Крушево, а ни претходно нешто не се појавуваше.
Додуша, за волја на вистината, во меѓувреме се појавија фото и видеоснимки како ужива луксузно пловење низ Грција на скапа јахта со неговиот ментор, Зоран Заев за која ни Филипче ни неговата партија, ако е негова, не одговорија со чии пари е купена.
Претходно кога го снема исто Филипче повторно беше со Заев, ама тогаш на друго луксузно патување во Дубаи, од каде што си набавија златни визи, за кои, исто така, не добивме конкретен одговор како се набавени.
Изгледа луксузните забави и бизниси со Зоран Заев на Филипче му се поинтересни и приоритетни, наспроти водењето на партијата.
Или, пак, можеби Филипче уште сега се спрема за дебаклот и големиот пораз кој го чека на локалните избори, па тренира бегање од јавноста?“, се вели во соопштението на ВМРО-ДПМНЕ.