Заштита и почитување на македонското малцинство во Бугарија побара Комесарот за човекови права на Советот на Европа Томас Хамарберг по тридневната посета на оваа земја.

Заштита и почитување на македонското малцинство во Бугарија побара Комесарот за човекови права на Советот на Европа Томас Хамарберг по тридневната посета на оваа земја.

Огласувајќи се преку соопштение од својот кабинет во Стразбур, Хамарберг појаснува дека ги охрабрил бугарските власти да ја гарантираат рамноправноста на малцинствата кои живеат во земјата

За време на тридневната посета на Бугарија, покрај средбите со претставници на владата, тој имаше средби и со претставници на граѓанското општество и на малцинствата, меѓу кои и непризнатото македонско малцинство.

Во сите овие разговори станало збор за заштитата на етничките групи кои живеат во Бугарија, при што Хамарберг го отворил и разговарал за прашањето за заштитата на македонското и турското малцинство. Повикувајќи се на стандардите утврдени од Советот на Европа во областа на човековите права, комесарот им препорачал на бугарските власти „обновен и систематски дијалог“ со овие заедници за да се разрешат нерешените прашања.

Од политичките лидери на Бугарија тој конкретно побарал да покажат толеранција и меѓусебна почит кон малцинствата, што може да послужи за пример.

Комесарот за човекови права на Советот на Европа Томас Хамарберг, вообичаено не ги коментира своите посети по нивното завршување, како што е овој случај.

Целосниот извештај на комесарот, со конкретни препораки до бугарските власти ќе биде објавен на почетокот на идната година. Во последниот извештај за Бугарија од 2006, подготвен од претходникот на Хамарберг,  Алваро Хил – Роблес беше критикувана Бугарија за одбивањето да ја регистирира партијата „ОМО Илинден – Пирин“ и беше побарано да се преземат мерки за да се овозможи здружување на малцинствата. /крај/мс