Македонија
Владините милиони за кампањи најматни во октомври
Кампањи, реклами, соопштенија и повици на македонската Влада, за кои во 2008. година се потрошени речиси 10 милиони евра, е најматен настан во октомври. Ова е изборот на главните уредници на печатени и електронски медиуми во анкетата „Бистро – Матно“ на Независната новинска агенција Макфакс
Кампањи, реклами, соопштенија и повици на македонската Влада, за кои во 2008. година се потрошени речиси 10 милиони евра, е најматен настан во октомври.Ова е изборот на главните уредници на печатени и електронски медиуми во анкетата „Бистро – Матно“ на Независната новинска агенција Макфакс и на невладината организација „Транспарентност – нулта корупција“. Во анкетата учествуваа 19 главни уредници, од кои 11 се определија за владините кампањи. Според извештајот на Државниот завод за ревизија, објавен во октомври, Владата лани дури 49 отсто од својот буџет потрошила за кампањи и реклами. Заводот за ревизијата соопшти и за проблематични јавни набавки и вработувања по принципот на правична застапеност на заедниците, како и за ненаменски трансфери до невладини организации.На второ место, со четири „матни“ гласа, е зголемениот тренд на поништување на постапките за јавни набавки. На конкурсите учествувале доволен број фирми-понудувачи, што фрла сомнеж врз мотивите за поништувањето.На трето место на листата на матни настани се тројцата штипски полицајци, кои завршија во притвор, поради незаконско апсење и изнуда на 8.000 евра од едно лице.Најбистар настан во октомври со 11 гласа е менувањето на правилниците на Судскиот совет, кои се однесуваат на дисциплинска постапка против судиите и за утврдување нестручно и несовесно работење.Сега судиите кои нестручно работеле и не мора да се појавуваат на седниците на судскиот Совет. Со ова се дава можност да се одржи расправата и во отсуство на судијата, со тоа што му се остава право да доколку тој биде спречен по било кој основ, да може да постави свој бранителШест „бистри“ гласа доби апсењето на советник во Министерството за одбрана за поткуп. Службеникот неправосилно е осуден на една година затвор.Двајца учесници не гласаа за ниту еден „бистар“, а еден не одбра „матен“ настан.Во анкетата „Бистро – Матно“ учествуваа телевизиите, А1, Алсат, Алфа, Канал 5, Телма, Сител, Наша ТВ, радио Канал 77, дневните весници Бизнис, Вест, Вечер, Време, Лајм, Нова Македонија, Утрински весник и неделниците Глобус, Капитал, Фокус и Форум.Анкетата „Бистро – Матно“ како дел од борбата против корупцијата се спроведува од декември 2004 година./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.