Македонија
Ако нема датум за преговори со ЕУ, СДСМ ќе „притисне“

Доколку Република Македонија не добие датум за преговори со Европската Унија во декември, ДУИ и СДСМ нема да побараат предвремени избори со цел да не се уништи позитивниот момент кој што ќе трае следните неколку месеци.
Доколку Република Македонија не добие датум за преговори со Европската Унија во декември, ДУИ и СДСМ нема да побараат предвремени избори со цел да не се уништи позитивниот момент кој што ќе трае следните неколку месеци.
„Но доколку премиерот Груевски не излезе со решение и со план набрзо потоа, СДСМ е подготвена да притисне, макар и со предвремени избори“, изјави претседателот на СДСМ, Бранко Црвенковски, по средбата со лидерот на ДУИ Али Ахмети во Мала Речица.
Инаку, целата на денешната посета на лидерот на опозицијата Бранко Црвенковски на партиското седиште на ДУИ во Мала Речица и средата со Али Ахмети беше да се поразговара за иднината на Република Македонија и очекувањата што ќе се случи на 7 декември во Советот на Европа, соопштија од двете партии.
Ахмети ја поздрави иницијативата на Бранко Црвенковски во штабот на ДУИ, како прв политичар Македонец кој што го сторил тоа.
За Ахмети средбата претставува добра порака за сите граѓани на Република Македонија.
Лидерот на ДУИ му ја пренел на Црвенковски цврстата определба на неговата партијата за интеграција на Македонија и за нивниот конструктивен придонес што ќе им го пружат на сите институции.
„Средбата нема задни намери, не претставува закана за премиерот Груевски“, туку како што рече Али Ахмети – „често низ политичката историја се среќаваат примери каде опозицијата ги дава најконструктивните решенија за важните државни прашања“.
Тој уште еднаш го изнесе својот позитивен став и очекувањата дека Македонија во декември ќе добие датум за преговори. Црвенковски го повтори ставот на СДСМ дека „Македонија е пред историска шанса да ги реализира своите аспирации за евроинтеграција“ и дека ќе го поддржат премиерот Груевски, како што рече – „при носење на какво да и е решение за името кое не задира во идентитетот на Македонците.“
Лидерот на СДСМ е загрижен за тоа што „… и по еден месец од добивањето на извештајот на Европската комисија, во меѓувреме не се случи ништо и не се преземаа никакви чекори за некакво решение.“„Прв чекор е средбата со медијаторот Нимиц по 16-ти овој месец од која очекувам конкретни решенија.“, рече Црвенковски. /крај/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ОЈО ГОКК го обжали решението за куќен притвор за Јахоски

Основното јавно обвинителство за гонење на организиран криминал и корупција го разгледа решението со кое не се прифати предлогот на обвинителството за определување на мерка притвор и на осомничен му беше определена мерка куќен притвор и мерка на претпазливост – одземање на патна исправа и забрана за издавање на нова патна исправа.
Незадоволно од ваквата одлука Основното јавно обвинителство за гонење на организиран криминал и корупција во законски утврдениот рок до Кривичниот совет при Основниот кривичен суд – Скопје поднесе жалба поради суштествена повреда на одредбите од кривичната постапка и побара Кривичниот совет да ги преиспита фактите содржани во жалбата, како и решавачките факти врз основа на кои е донесено обжаленото Решение, информираат надлежните.
Македонија
СДСМ најави нов скандал: „Поврзан е со тендерските мрежи на ДПМНЕ“

СДСМ извести дека денеска на прес-конференција ќе објави нов скандал „поврзан со тендерските мрежи на ДПМНЕ, на нивните омилени фирми преку кои се испумпуваат парите на граѓаните“.
Прес-конференцијата ќе се одржи во 12 часот во седиштето на СДСМ, на којашто ќе се обрати Богданка Кузеска – портпаролка на партијата.
Македонија
Сиљановска-Давкова на отворањето на 12. Глобален форум во Баку: ОН се маргинализирани тогаш кога ни се најпотребни

Претседателката Гордана Сиљановска-Давкова денеска се обрати на свеченото отворање на 12. Глобален форум во Баку, што во организација на Меѓународниот центар „Низами Ганџави“ се одржува од денеска до 15 март во Баку, Република Азербејџан.
Таа оцени дека Глобалниот форум во Баку во изминативе години прерасна во една од најважните меѓународни платформи, што ги адресира најважните регионални и глобални прашања.
„Мултилатерализмот отстапува пред мултиполаризацијата. Растечкото геополитичко ривалство го ослабнува системот за колективна безбедност. Обединетите нации се маргинализирани тогаш кога ни се најпотребни. Консензусот по Втората светска војна се доведува во прашање. Како да живееме на почетокот на една нова ера во која се поткопува меѓународниот систем втемелен на правила“, рече претседателката Сиљановска-Давкова на отворањето на Форумот.
Во контекст на актуелните геополитички превирања, претседателката посочи дека од ден на ден имаме сѐ повеќе прашања, а сѐ помалку одговори, а светот станува многу поразлично место.
Таа изрази уверување дека Глобалниот форум во Баку може да понуди свежи перспективи за тоа како да продолжиме да работиме во насока на постигнување и зачувување на мирот, како врвен заеднички интерес.
Главно обраќање на свеченото отворање на настанот имаше претседателот на Република Азербејџан, Илхам Алијев, а меѓу говорниците беа и претседателот на Република Албанија, Бајрам Бегај и претседавачот со претседателството на Босна и Херцеговина, Жељка Цвијановиќ.