Македонија
ЕП очекува датум за Македонија

Советот на Европската унија (ЕУ) на декемврискиот самит треба да ја потврди препораката на Европската комисија (ЕК) за отварање и отпочнување преговори со Македонија.Ова се наведува во предлог резолуцијата за проширување на ЕУ со земјите од Западен Балкан, Турција и Исланд,
Советот на Европската унија (ЕУ) на декемврискиот самит треба да ја потврди препораката на Европската комисија (ЕК) за отварање и отпочнување преговори со Македонија.Ова се наведува во предлог резолуцијата за проширување на ЕУ со земјите од Западен Балкан, Турција и Исланд, за која Европскиот парламент (ЕП) ќе расправа на пленарна седница денеска, а ќе гласа в четврток.Во Предлог резолуцијата, подготвена од италијанскиот европратеник Габриеле Албертини, одлуката за почеток на преговори која Европскиот совет би можел да ја донесе на 7 декември не е условена со решавање до тој рок на прашањето за името.„Во врска со проблемот со името, парламентот ги повикува владите на двете земји (Македонија и Грција) да ги зајакнат напорите и да најдат решение. Владата на Фиром треба да избегне било какви изјави и акции, кои може да имаат негативен ефект врз односите со својот сосед. Неодамнешното воспоставување на политички односи со Косово е еден таков пример”, се нагласува во предлог резолуцијата.Во Нацрт документот, во делот за Македонија се препорачува земјата посветено да продолжи со исполнување на реформите.„Се уште е потребно земјата да внесе реформи во јавната администрација и во судството, да се бори против корупцијата и да ги подобри правата на жените и меѓуетничките односи”, се порачува во Предлог резолуцијата.Во овој Нацрт документ, што во понеделникот го одобри Комитетот за надворешни работи на ЕП, се укажува дека „сите сегашни и потенцијалните земји кандидати мора да продолжат со реформирање за да можат да станат ЕУ членки”.На пленерната седница на која ЕП денеска ќе расправа за Нацрт резолуцијата ќе присуствува и делегација на Комисијата за европски прашања на македонскиот парламент.Има најави за средбата на парламентарната делегација со еврокомесарот за проширување Оли Рен, кој пред европратениците ќе го презентира стратешкиот документ на Европската комисија за проширување со земјите од Западен Балкан, Турција и Исланд./крај/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Коњановски потрошил милиони без ниту еден капитален проект, рече Куновски од СДСМ

Кандидатот за градоначалник на Битола од редовите на СДСМ, Методија Куновски, на денешната прес-конференција изјави дека доаѓа крајот на, како што ја нарече, „четиригодишната ера на разочарувања и промашувања на актуелниот градоначалник Тони Коњановски“.
„Битола заслужува градоначалник кој нема да работи за тебе, за мене, за мала група луѓе или за партијата, туку за сите граѓани. Човекот мора да биде пред сè“, рече Куновски.
Тој го обвини Коњановски за недомаќинско и хаотично работење, со бројни раскопани и нефункционални улици, долгови на јавните претпријатија и нереализирани капитални проекти.
„Јавните претпријатија се во долг од над 3 милиони евра, а ниту една нова машина не е набавена. Укинати се бесплатните 15 минути паркинг, а нови паркинг-места нема. Наместо спортски комплекс, нови кружни текови или училишта, добивме импровизиран кружен тек кај Стрелиште и сообраќаен хаос“, нагласи Куновски.
Кандидатот од СДСМ истакна и дека сметките на училиштата должат скоро 50 милиони денари, а некои објекти се затворени поради прокиснување на крововите.
„Жителите на повисоките делови од Битола секој втор ден немаат вода, а цената за водоснабдување е зголемена. Градинки нема за Бистрица и околните села, а градот е преполн со бездомни кучиња“, додаде тој.
Куновски го обвини Коњановски и за расфрлање со јавни пари.
„Немаше средства за ранливите категории семејства, а потроши повеќе од 4 милиони денари за кафеани и 10 милиони денари за нови возила од фирма блиска на министерот за надворешни работи“, рече Куновски.
Во своето обраќање тој порача дека битолчани ќе стават крај на ваквото владеење.
„После четири години застој и скандали, Битола ќе избере одговорна, отчетна и транспарентна локална власт“, заклучи Куновски.
Скопје
Османи: Чаир ќе стане центар на технологија, култура и младински идеи

Кандидатот за градоначалник на Чаир, Бујар Османи, на средба со младите од општината ја претстави својата визија за „Новиот Чаир“, посветена на урбана преродба и создавање општина на иднината.
„Не можете да дизајнирате визија за Чаир без да ги вклучите младите кои сочинуваат речиси половина од населението. Тие се нашата најголема сила и највреден капитал“, истакна Османи.
Во рамки на својата програма, тој најави изградба на мултифункционален центар на плоштадот „Скендербег“, кој ќе вклучува дигитална и иновациска лабораторија, современа библиотека и културен центар за младинските уметнички и музички групи.
Според него, овој комплекс ќе биде „срцето на визијата за Новиот Чаир и симбол на урбаната преродба на општината“.
Програмата предвидува и општински стипендии за најдобрите студенти, создавање Фонд за иновации, како и Младински совет на Чаир, кој ќе управува со 5% од општинскиот буџет. Преку проектот „Таленти на Чаир“ најдобрите студенти ќе добијат можност за директно вработување во општинската администрација.
Османи вети и подобрување на јавните простори преку реновирање на парковите, воведување бесплатен интернет во јавните зони и организирање бесплатни обуки за дигитални вештини, програмирање и користење вештачка интелигенција.
„Чаир сакаме да го претвориме во центар на технологијата. Ако половина од жителите се млади, тогаш мораме да го искористиме овој капитал и да изградиме општина на иднината“, порача Османи.
Македонија
329 медиуми ќе им бидат на располагање на кандидатите за рекламирање

На претстојните локални избори, кандидатите ќе можат да се рекламираат на вкупно 329 медиуми во земјата, потврди Државната изборна комисија (ДИК).
Од пристигнатите 352 барања за упис во регистарот на радиодифузери, печатени медиуми, електронски медиуми и интернет портали, позитивен одговор добија 33 телевизии, 42 радиостаници, осум печатени медиуми и 246 интернет портали.
„Барањата на 22 правни лица, две телевизии, пет радиостаници, еден печатен медиум и 15 интернет портали, беа отфрлени како неуредни или ненавремено доставени. Дополнително, два ценовници беа доставени без соодветно барање и истите се отфрлени“, изјави членот на ДИК, Светлана Карапетрова, на 131 седница.
Во ДИК се доставени вкупно 399 ценовници за платено политичко рекламирање. Буџетот за локалните избори во 2025 година изнесува 9,76 милиони евра, од кои две третини се наменети токму за медиумите и политичките реклами.
Првиот круг на локалните избори ќе се одржи на 19 октомври, а вториот круг на 2 ноември. Граѓаните ќе избираат градоначалници и советници во 80 општини и во Град Скопје.