Владата ќе продолжи со поддршката на децентрализираното управување во Македонија, чии трендови генерално гледано се позитивни.

Владата ќе продолжи со поддршката на децентрализираното управување во Македонија, чии трендови генерално гледано се позитивни.

Ова го порача македонскиот премиер Никола Груевски, кој во средата во Скопје ја отвори саемската манифестација на Заедницата на единиците на локалната самоуправа на Република Македонија „ЗЕЛС ЕКСПО 2009“.

Груевски информираше дека учеството на остварените приходи на општините во Брутодомашниот производ за една година е зголемено од 3,19 на 5,36 проценти.

„Со ова Република Македонија се вбројува во земјите кои постепено напредуваат во процесот на фискална децентрализација“, изјави Груевски.

Тој посочи дека определбата на владата е да продолжи таквиот тренд, пред се со зголемување на процентот на приходите од ДДВ од сегашните 3 на 4,5 отсто во 2013 година.

Премиерот најави дека владата подготвува план за разрешување на проблемите со презадолженоста на Јавните претпријатија и општините.

Претседателот на ЗЕЛС Коце Трајановски истакна дека локалните власти вршат континуирани притисоци врз владата за сите сегменти од децентрализацијата.

„Се наметнавме како достоен партнер на власта, со наши аргументирани барања и иницијативи за промени на одредени закони за што постигнавме низа резултати и низа законски промени во корист на општините.

Американскиот амбасадор Филип Рикер посочи дека за успешна локална самоуправа неопходно е градоначалниците најнапред да функционираат како градоначалници, а потоа како членови на политичка партија.

„Добро спроведената децентрализација има суштинско значење за иднината на Македонија и за нејзиното интегрирањето во евроатлантските институции“, рече Рикер.

Евроамбасадорот Ерван Фуере рече дека во Европската унијата се дава голема важност на улогата на општините во економскиот и социјалниот развој на државите /крај/ап/