Македонија
Падот на визите ќе ги зајакне деловните контакти
Визната либерализација претставува создавање на поволен амбиент за непречено остварување на економските контакти на македонските бизнисмени со нивните партнери од земјите – членки на Европската унија ЕУ. Ова за Макфакс го изјави портпаролката на македонското министерство за економија Селвет
Визната либерализација претставува создавање на поволен амбиент за непречено остварување на економските контакти на македонските бизнисмени со нивните партнери од земјите – членки на Европската унија ЕУ. Ова за Макфакс го изјави портпаролката на македонското министерство за економија Селвет Барути.
„Долгите процедури и чекања пред амбасадите, со кои се соочуваа македонските стопанственици, сега ќе се надминат и тие ќе можат во временските рокови кои што ги договориле со нивните партнери да ги остварат своите бизнис зделки“, вели Барути.
Ова, според неа, значи дека стопанствениците ќе можат навреме да ги склучат билатералните договори да остваруваат меѓусебни трговии, ќе можат да учествуваат на меѓународни и регионални саеми, каде што ќе имаат можност да ги презентираат своите услуги и брендираните производи.
Според министерството за економија, визната либерализација претставува и поволност и за граѓаните и за најмладата популација, која својот потенцијал, како и теоретското знаење што го има стекнато за време на едукацијата, ќе има можност да го развива и преточува во искуство надвор од државава, за потоа што поуспешно да го примени во сопствената земја, што секако ќе преставува и нивна лична, но и афирмација на Република Македонија.
Економскиот аналитичар Тихомир Јовановски за Макфакс изјави дека укинувањето на визниот режим е позитивно од политички, економски, а особено од научен и културен аспект,Според него, на овој начин македонските стопанственици ќе може да ги зајакнат своите контакти со деловните партнери од Европската унија. Ова претставува еден вид награда за се она што исполнија македонските граѓани и е чекор кон полноправно членство во ЕУ, вели Јовановски, укажувајќи дека сега од нас самите зависи дали ќе ја завршиме задачата за членство во унијата. Тој препорачува дека е неопходно и да поевтини превозот кон европските дестинации, за да може поголем број македонски граѓани да отпатуваат во ЕУ.Со укинувањето на визите се намалија единствено издатоците, што се плаќаа за таксите при вадењето на визи, но и натаму е скапо да се патува во странство, смета Јовановски.Според него се прави преголема фама во јавноста дека со укинувањето на визите ќе дојде до голем одлив на работна сила од Македонија. Сметам дека до ова нема да дојде од две причини. Конкуренцијата за работни места во ЕУ е огромна, особено по припојувањето на источните држави и второ мислам дека ЕУ го затвора каналот за прием на работници од Балканот, изјави Јовановски за Макфакс.Сојузот на стопански комори на Македонија во понеделникот ја поздрави одлуката за укинување на визите за македонските граѓаните, наведувајќи дека со тоа ќе се зголемат и можностите на македонското стопанство. “За македонското стопанство и граѓаните, укинувањето на визите значи позитивен чекор за понатамошна европеизација. По укинувањето на визите, очекуваме зајакнување на економските и културните со ЕУ, зголемување на извозот од домашното производство, освојување на нови пазари и поголема деловна присутност кај потенцијалните бизнис партнери. изјави Митко Алексов, извршен директор на Сојуз на стопански комори.Според него, евидентно ќе биде учеството на македонските компании на саеми, бизнис форумите, ќе биде олеснето за воспоставувањето на директни бизнис контакти каде ќе се презентираат македонските производи, одредени иновации и патенти“. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски сфати каде е тежината на албанскиот глас, вели Таравари
Ккандидатот за претседател од коалицијата „Вреди“, Арбен Таравари, вели дека е добро што ВМРО-ДПМНЕ ја сфатила, како што посочува, тежината на гласот и на пратениците Албанци.
Во напишаното на социјалните мрежи Таравари истакнува дека сега ќе се фокусираат на изборите, а после 8 мај при формирање на новата влада ќе се водат од националниот интерес на Албанците, од итната потреба да се исчисти власта од корупција и од нивната непреговарачка прозападна ориентација.
„Предлогот на Мицкоски покажува дека и ВМРО сфати каде е тежината на гласот и на пратениците Албанци.
Но, нашиот фокус како коалиција и како партија е работата за изборите на 8 мај, за најголем број мандати.
По изборите ќе се водиме од националниот интерес на Албанците, од итната потреба да се исчисти власта од корупција и од нашата непреговарачка прозападна ориентација“, порачува Таравари.
Ние како „ВЛЕН“, додава тој, сме пообединети од кога било. „Нашиот глас е мнозинство од гласовите на Албанците. Нашите мандати одат кај пратениците Албанци. Бидејќи ние го штитиме напредокот на Албанците, не ги продаваме и не ги купуваме“’, дециден е Таравари.
Македонија
(Видео) Пендаровски: За бојкот тие нека му ја мислат, во Крушево дојдов за да ви кажам дека и тука и во цела Македонија ќе победиме
Кандидатот за претседател Стево Пендаровски денеска ја продолжи кампањата со средба со жителите на Крушево.
„Борбата почнува од нула, како да немало прв круг“, рече Пендаровски пред крушевчани негирајќи ги обвинувањата на опозицијата дека ќе го бојкотира вториот круг од претседателските избори.
„Дали е логично да дојдам јас во Крушево, ако мислам да бојкотирам? Јас мислам со сите вас да победам! Кој сака нека бојкотира, ниту сум бојкотирал 2014-та, ниту 2019-та, ниту 2016-та, ниту оваа 2024-та нема да бојкотирам. Тие нека му ја мислат за крајниот резултат. Ние сите го знаеме и наместо бојкот ние ќе прославуваме’, истакна Пендаровски денеска во Крушево.
Македонија
Ковачки: СДС не е противник само на ВМРО-ДПМНЕ, туку противник на народот и Македонија, затоа на 8 мај да се обединиме за бројот 2 и да ги срозиме
Оваа победа не е само на ВМРО-ДПМНЕ, туку победа на целиот македонски народ кој се обедини за промени, за да си ја врати државата назад. Ве сте силата на Македонија, вие сте гласот на промените и надежта на оваа парче земја, вели Драган Ковачки носител на изборната единица 3 на денешниот митинг во Градско во рамки на претседателската и парламентарната кампања.
Ковачки истакна дека народот им го зададе ударот на СДС и ДУИ на 24 април, а веднаш потоа ќе им го зададе на 8 мај, посочувајќи дека по победата следува трет удар а тоа е одговорност за сите криминали и штети кои власта ги нанела на народот и Македонија.
„Но, една добиена битка не значи опуштање. Туку значи уште поголемо обединување, заедништво, сплотеност и работа. Првиот удар го зададовме на 24 април, следува вториот удар со победа на 8 мај, а потоа следува трет удар. Третиот удар значи одговорност. Одговорност за сите криминали. Одговорност за целокупното предавство кое што го направија на Република Македонија“, рече тој.
Ковачки посочи дека граѓаните на 24 април покажале дека никој не може да си игра со народот, укажувајќи дека СДС не е само противник на ВМРО-ДПМНЕ, туку и противник на македонскиот народ за кои што рече дека е достоинствен, работлив и чесен.
„Вие покажавте дека со народот никој не смее да си игра. Покажавте дека овој македонски народ е достоинствен, работлив и чесен. Покажавте дека ја сакате Македонија повторно горда и во вашите раце, затоа што вие сте суверенот на неа. Само вие, а не оние неколкумина од ДУИ и измеќарот СДС“, рече тој и додаде.
„СДС не е противник само на ВМРО-ДПМНЕ, туку и ваш противник, противник на Македонија, затоа што изминатите 7 години од политичка партија се претвори во обичен измеќар на ДУИ. Ковачевски прифаќаше секаква наредба на Али, Стево пак не го видовме воопшто да се спротивстави на криминалот и корупцијата на СДС и ДУИ, напротив со неговото молчење ги охрабруваше што повеќе да грабаат, што повеќе да украдат и што повеќе да ја понижат Македонија“.
Ковачки порача дека 8 мај е историски ден.
„Работата не е завршена и нема опуштање, пред самото финале сме. Не смееме да се предадеме, затоа што сме на само еден чекор до историска промена и до конечно враќање на Македонија во вашите раце. 8 мај е историскиот ден“.
Ковачки објасни дека СДС се разлутени и гневни на граѓаните поради поразот и во следниот период нема да бираат средства и методи за да ги заплашат, но им порача на граѓаните да не се плашат, нагласувајќи дека македонскиот народ никогаш не се плашел.
„Прво се обидуваа да ве убедат дека ги сфатиле грешките и дека овие избори им се поправен испит. Но, ви кажав и тогаш, ви кажувам и сега, лажат. ЛАЖАТ!!! Не им верувајте. Не ја сакаат победата за да се поправат, туку за повеќе да украдат, за своите семејства да живеат во луксуз и да се обезбедат за идните генерации, додека вие осиромашувате, додека економијата крахира и додека Македонија тоне во криминал и корупција. А сега после нивниот пораз, се повеќе се гневни, полни со бес кон сопствениот народ, во вас гледаат разлутено затоа што ги казнивте, и затоа можно е следниот период да не бираат ниту средства, ниту пак методи со кои ќе се обидат да ве заплашат и да ве предомислат. Но, нема веќе заплашување. Овој македонски народ никогаш не се плашел, нема ниту сега. ВМРО-ДПМНЕ е партијата на народот, која секогаш застанува против секој еден кој се соочил со неправда од страна на власта“, изјави тој.
Во однос на проектите Ковачки додаде дека визијата на ВМРО-ДПМНЕ е да ја трансформира Македонија напред преку реализација на проектите од Платформата 1198.
„Нашата визија е Македонија повторно ваша. Во вашите раце. Затоа што вие сте сила на една држава. Промените се во вашите раце и вие одлучувате во каква Македонија ќе живеете. Вие ја давате и одземате довербата. Затоа ве замолувам за огромна поддршка и доверба од ваша страна, ве замолувам за сплотување, за обединување, за масовна излезност. Разговарајте со секој еден и подадете рака на сите. Силата на ВМРО-ДПМНЕ во вас, народот. Ние сме партија која помага, работи и која покажала како треба да се води Македонија. Сме покажале што значат нови проекти, реформи и визија. Имаме план за секоја општина, се обврзуваме на целосна трансформација на Македонија“, објасни тој.
За општина Градско, Ковачки рече дека Платформа 1198 предвидува:
„Завршување на изградба на експресниот пат од Градско до Прилеп, во должина од околу 33 километри. Проектот ќе се реализира во три фази, Градско – клучка Дреново (15.5 километри). Потоа втора фаза од Фаришка до Дреновска Клусура (10 километри) и трета фаза проширување на патната делница од Прилеп до мостот на Ленишка река и изградба на трета лента на патната делница од село Беловодица – Каменолом Маврово околу 7.5 километри. Реконструкција на мостот на река Вардар кај село Уланци, реконструкција на 8ми Септември во Градско, подобрување на квалитетот на услугите за водоснабдување во Градско и многу други проекти кои значително ќе го подобрат вашиот живо“т.
Ковачки ја побара поддршката од граѓаните и масовна излезност со заокружување на бројот 2 за Силјановска Давкова за претседател на Македонија, и нова влада предводена на ВМРО-ДПМНЕ.
„Ние се што ветуваме пред вас, се обврзуваме да го исполниме. Платформата 1198 значи решавање на проблемите, затоа што во неа има проекти за сите граѓани. Мораме да ја трансформираме Македонија напред кон нови победи и кон нови успеси. Но ни треба вашата поддршка и масовна излезност на 8 мај за бројот 2, за двојна победа. 2 за ВМРО-ДПМНЕ за идна влада, и 2 Силјановска Давкова за претседател на Македонија. Ние ја сакаме Македонија повторно твоја. Македонија на земјоделците, на здравствените работници. Македонија повторно твоја на просветните работници, Македонија на пензионерите. Македонија на младите. Македонија на успешни компании и странски инвестиции. Македонија земја на горди граѓани, кажа Ковачки и порача дека на 24 април народот го делегитимира СДС и ДУИ, а на 8 мај ќе го срози.
На 24 април го делегитимиравме Ковачевски, Пендаровски, Маричиќ, Спасовски, Зечевиќ, Битиќи, Али, Груби, Османи, Бектеши и баграта околу нив. А на 8 мај да ги срозиме. И да го победиме ова зло поради кое Македонија и вие граѓаните тонете“, потенцира тој.