Европската унија побара затворање на грчко-македонскиот спор за името, а Македонија, која има препорака за отворање преговори за членство, на денешната средба на највисоко ниво повтори дека нова блокада од Атина нема да помогне во надминување на спорот.

Европската унија побара затворање на грчко-македонскиот спор за името, а Македонија, која има препорака за отворање преговори за членство,  на денешната средба на највисоко ниво повтори дека нова блокада од Атина нема да помогне во надминување на спорот.Прашањето за името на Македонија мора да се реши еднаш за секогаш и сега е вистинската можност да се покаже воља од двете страни да се надмине овој проблем, изјави претседателот на Европската комисија Жозе Баросо во Брисел по средбата со македонскиот премиер Никола Груевски.Баросо изрази поддршка за премиерот Груевски за направените реформи, додавајќи дека треба да се продолжи со добрите одредници.Претседателот на Европската комисија меѓу другото порача дека треба да се завршат реформите во јавната администрација.Премиерот Груевски упати голема благодарност до Европската комисија за поддршката, како и за визната либерализација, истакнувајќи дека Македонија ги исполни сите критериуми за добивање датум за преговори.„Остануваме посветени на европската агенда, ќе продолжиме да работиме напорно за таа цел, која е приоритет на сите граѓани. Ќе се трудиме да ги решиме сите  отворени прашање, како што е  и прашањето со името“, рече Груевски.Тој информираше дека во последниот период има многу интензивни дискусии, дијалогот е подобрен, има интензивни преговори помеѓу преговарачите, што е прогрес, но нема сериозен прогрес за барањето што го отвори Грција.„Јас верувам дека има многу простор за грчката влада да биде пофлексибилна и да продолжи со интензивни дискусија за името, кои може да бидат паралелни со преговорите со ЕУ“, изјави Груевски.Тој повтори дека евентуалното блокирање од грчка страна нема ништо да помогне,  како што беше примерот со блокадата за пример на Македонија во НАТО.„Грчката влада има можност да не блокира во секое време и во отворањето и затворањето на целата работа,“ изјави Груевски, искажувајќи подготвеност за продолжување на преговорите.Грчката влада денеска повтори дека ќе ги блокира претпристапните преговори на Македонија со Европската унија доколку не биде решен спорот со името. Засега е неизвесно каква ќе биде одлуката на Европскиот совет на 7-ми декември во Брисел, од каде Македонија очекува добивање датум за отпочнување преговори за членство./крај/с/ап