Македонија
Трети Декември- Ден на лицата со хендикеп

Меѓународниот ден на лицата со хендикеп 3 Декември во четврток ќе се одбележи соодветно и во Македонија.Здружението на граѓаните „Полио плус“ ќе претстави две публикации со цел да им сугерира на сите општествени чинители, особено на пратениците и институциите да стават крај на дискриминацијата
Меѓународниот ден на лицата со хендикеп 3 Декември во четврток ќе се одбележи соодветно и во Македонија.
Здружението на граѓаните „Полио плус“ ќе претстави две публикации со цел да им сугерира на сите општествени чинители, особено на пратениците и институциите да стават крај на дискриминацијата по основ на хендикеп.
Воедно здружението ќе побара да се исполни визијата за еднакви можности, ратификувајќи ја и ефикасно спроведувајќи ја последната Конвенција на ООН за правата на лицата со хендикеп и на нејзиниот Опционен протокол.
Освен актуелните членови на Интерпартиската парламентарна група (ИППГ), се очекува на настанот да учествуваат и координаторот на ООН И УНХЦР, Карлос Малдонадо, како и заменик-министерот за труд и социјална политика, Спиро Ристевски кои ќе се произнесат со свои видувања и препораки.Повод Меѓународниот ден на лицата со посебни потреби, градот Скопје ќе промовира три посебно адаптирани возила, со кои треба да започне организираниот превоз на лица со потешка телесна инвалидност, како и на лица со тешки моторни пречки.Возилата се сопственост на Град Скопје, а се дадени на користење на ЈСП „Скопје“, кое ќе го изведува превозот. /крај/со/ап/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДИК: Вкупно 8.848 болни или немоќни лица денес можат да го остварат своето право на глас

Денес се спроведува гласањето на болните или немоќни лица, лицата кои се на издржување на казна затвор или се во притвор и лицата кои се пријавиле за гласање а се сместени во установите за вонсемејна грижа, соопшти Државната изборна комисија.
Вкупно 8.848 болни или немоќни лица, како што велат од ДИК, можат да го остварат своето право на глас на овие локални избори.
Со почеток во 7:00 часот во 14 казнено поправни установи, своето право на глас можат да го остварат 2162 лица кои се на издржување казна затвор или притвор.
Од ДИК информираат дека 442 лица сместени во установите за вонсемејна грижа своето право на глас може да го остварат во вкупно 13 центри за вонсемејна грижа.
Гласањeто денес започна во 7 часот утринава, а завршува во 19 часот.
Македонија
Од средината на следната недела ќе биде потопло

Следува период на стабилно време, освен во среда, кога ќе има локални врнежи од дожд. Дневната температура од четврток ќе биде во пораст, соопшти Управата за хидрометеоролошки работи.
Времето денеска ќе биде променливо облачно со повремени локални врнежи од дожд со послаб интензитет. Ќе дува слаб до умерен ветер претежно од северен правец. Максималната температура ќе биде во интервал од 13 до 19 степени.
Во Скопје, променливо облачно со повремен дожд. Ќе дува слаб до умерен ветер од северен правец. Макималната температура ќе достигне до 16 степени.
Македонија
ОЈО Струга отвори предмет за спомен-куќата на Владо Малески

Основното јавно обвинителство Струга оформило предмет во врска со уривањето на спомен-куќата на Владо Малески, при вршење градежни работи во близина на објектот од страна на лице од Велешта.
Јавен обвинител, како што соопшти денеска Основнот јавно обвинителство, на 16 октомври извршил увид на лице место во присуство на вешто лице од градежната струка.
„Наредено е вештачење, а се преземаат и други дејствија за испитување на околностите под кои се случил настанот“, стои во соопштението на ОЈО.
При изведба на градежни работи на индивидуален објект во старото градско јадро беше срушен јужниот ѕид и дел од кровната конструкција од куќа заштитена како културно наследство.
Министерот за култура најави изработка на проект за обнова и реставрација на спомен куќата на Малевски со цел да се зачува автентичниот изглед и историјскиот дух.