Македонија
Обраќање на Иванов на Самитот за климатски промени

Претседателот на Република Македонија Ѓорге Иванов во среда ќе се обрати на Самитот за климатски промени на ОН што се одржува во данскиот главен град Копенхаген. Иванов ќе присуствува и на работниот ручек што за претседателите, премиерите и министрите учесници
Претседателот на Република Македонија Ѓорге Иванов во среда ќе се обрати на Самитот за климатски промени на ОН што се одржува во данскиот главен град Копенхаген.Иванов ќе присуствува и на работниот ручек што за претседателите, премиерите и министрите учесници на Самитот го организира извршниот секретар на ОН задолжен за климата Иво де Бур.Предвидено е на маргините на Самитот, македонскиот претседател да има средби и со своите колеги од Индонезија, Сусило Бамбанг Јудојоно и од Литванија, Далија Грибаускаите, а ќе присуствува и на вечерата приредена за шефовите на држави и влади од Кралицата на Данска, Маргарета Втора и принцот Консорт.Договорот од Копенхаген би требало да претставува темел за новиот пакт за намалување на глобалното затоплување што ќе го наследи Протоколот од Кјото, чија важност истекува во 2012 година. ./крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.