Македонија
Кисела Вода доби нова спортска сала

Нова спортска сала „Архиепископ Доситеј“ е пуштена во употреба во среда во Основното училиште „Круме Кепески“ во скопската општина Кисела Вода.
Нова спортска сала „Архиепископ Доситеј“ е пуштена во употреба во среда во Основното училиште „Круме Кепески“ во скопската општина Кисела Вода. Салата е со капацитет од 500 седишта и е опремена со најсовремена спортска опрема, со што се овозможуваат натпревари во повеќе спортови, како мал фудбал, кошарка, ракомет, одбојка, пинг-понг и гимнастика. „Ќе продолжиме со изградба на вакви спортски објекти зошто сме задолжени од спортското минато на оваа општина…Наша цел е да направиме вистинска преродба во спортот за да добиеме спортисти за кои со гордост ќе можеме да кажеме дека се од Македонија“, рече на отворањето на салата премиерот Никола Груевски. Директорот на Агенцијата за млади и спорт Драган Ѓурчевски истакна дека со градењето на вакви објекти се создава здрава младина. Салата „Архиепископ Доситеј“ е прва сала во Кисела Вода, а шеста во Скопје, од планираните 35 сали низ целата земја. На отворањето присуствуваа и градоначалникот на Кисела Вода Марјан Ѓорчев, поглаварот на МПЦ-Охридска архиепископија г.г. Стефан, потпретседателот на републичкото Собрание Светлана Јакимовска, како и повеќе граѓани и ученици. /крај/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.