Македонија
СБ и одобри на Македонија кредит од 30 милиони долари

Развоен кредит од 30 милиони долари како буџетска поддршка за економските реформи и развојните политики и одобри на Македонија во вторникот Светската банка (СБ).
Развоен кредит од 30 милиони долари како буџетска поддршка за економските реформи и развојните политики и одобри на Македонија во вторникот Светската банка (СБ).
Овие средства се доделуваат како поддршка на реформите за зајакнување на системот на социјална помош и реформите во здравството, зајакнување на стабилноста на финансискиот сектор и подобрување на извршувањето на јавни расходи.
Како што соопшти во средата министерство за финансии, Бордот на СБ дал пофални оценки за спроведување на активностите поврзани со реализацијата на ПДПЛ аранжманот, притоа поздравувајќи ги напорите на македонската Влада за одржување на макроекономска стабилност и спроведување на реформски политики.
Следната година се очекува одобрување на нова транша од ПДПЛ аранжманот за спроведување на развојни политики.
Министерството за финансии информира дека е одобрен и грант од Владата на Холандија во износ од 7 милиони евра, како поддршка на веќе започнатите реформи.
„Оваа поддршка е јасен сигнал и потврда за континуираното спроведување на реформите на Владата на Република Македонија“, се вели во соопштението. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.