Македонија
СДСМ-Груевски да не спие туку да ја внесе земјата во ЕУ и НАТО

Предвремените парламентарни избори во земјава сами ќе се наметнат и ќе станат неопходност, доколку премиерот Никола Груевски ги преспие и следните шест месеци што ги доби како
Предвремените парламентарни избори во земјава сами ќе се наметнат и ќе станат неопходност, доколку премиерот Никола Груевски ги преспие и следните шест месеци што ги доби како кредит од Советот на министрите за да ја внесе земјава во ЕУ и НАТО.
Ова се вели во соопштението на најголемата опозициона партија СДСМ по повод коментарот на премиерот дека не планира да распише предвремени парламентарни избори.
Од партијата на Бранко Црвенковски жалат што Груевски прашањето за предвремени парламентарни избори го гледа низ призмата дали некој се плаши или не од нивно одржување.
СДСМ упати порака до Груевски да престане да ја бара вината кај сите други освен кај себе и да сфати дека премиерската функција не значи само лични привилегии и фамилијарен бизнис туку и одговорност кон сопствениот народ и држава.
Премиерот Никола Груевски при отворање на спортска сала во населбата Кисела Вода денеска изјави дека е евидентен стравот кај Бранко Црвенковски од евентуални избори бидејќи неговата партија ужива минимална подршка од граѓаните./крај/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.