Прекин и скратувања на повеќе приградски линии во околината на Скопје предизвика снежното невреме, а градскиот сообраќај се одвива непрекинато.

Прекин и скратувања на повеќе приградски линии во околината на Скопје предизвика снежното невреме, а градскиот сообраќај се одвива непрекинато.

Ова во неделата го соопшти информативната служба на Град Скопје, додавајќи дека дежурните екипи во текот на ноќта фрлиле 350 тони сол на градските сообраќајници.

Коловозите на улиците се чисти и проодни, а градскиот Кризен штаб за одржување на улиците во зимски услови од рано утрово врши дополнителни интервенции на „црните“ точки – подвозниците, високите зони кон Водно и Скопска Црна Гора, како и на приодите кон јавните и здравствените институции. Исто така, се вршат и интервенции за расчистување на сливниците со цел да се спречи појава на голомразцица на градските коловози. Со 12 специјални возила со соларки и снежни плугови, во текот на ноќта, беа поминати сите сообраќајници под надлежност на Град Скопје, како и мостовите и клучките. Во расчистувањето на градските улици беа вклучени и два грејдери, од кои едниот расчистуваше на булеварот „Партизански одреди“, а другиот на потегот Сарај-Матка.Во текот на денот Кризниот штаб ќе ја следи состојбата на теренот и ќе интервенира според потребите.Градот Скопје апелира до граѓаните, куќните совети и сопствениците на деловните објекти да се придржуваат кон законската обврска да ги расчистат приодите кон нивните објекти.Од јавното сообраќајно претпријатие „Скопје“ информираат дека утрово нема скратување на автобуските линии во градот, но дека има и прекини и скратување на приградските линии. Во целосен прекин се линиите 74 (Транспортен центар – Количани), 80 (Транспортен центар – Цветово) и 81 (Транспортен центар – Блаце).Скратени се следните автобуски линии:11 (Транспортен центар – Рашче) – сообраќа до пред пругата во Кондовo;47а (Транспортен центар – Љуботен) – сообраќа до Љуботенски пат;47 (Транспортен центар – Љубанци) – сообраќа до село Љубанци;51 (Транспортен центар – Студеничани) – сообраќа до раскрсницата пред селото;56а (Транспортен центар – Копаница) – сообраќа до подвозникот;56 (Транспортен центар – Бојане) – сообраќа до Расадник;58а (Транспортен ценатр – Добри Дол) – сообраќа до општина Ракотинци;58 (Транспортен центар – Брзовец) – сообраќа до село Соње;58б (Транспортен центар – Св.Петка) – сообраќа до село Соње;60 (Транспортен центар – Долна и Горна Матка) – сообраќа до село Глумово;61 (Транспортен центар – Побожје) – сообраќа до каменломот;63а (Транспортен центар – Ајватовци) – сообраќа до кадинска раскрсница;67 (Транспортен центар – Ново Село) – сообраќа до Зелениково и Страхојадица;68 (Транспортен центар – Сушица) – сообраќа до Ржаничино;70 (Транспортен центар – Батинци) – сообраќа до Дрисла;71 (Транспортен центар – Бањани) – сообраќа до Мирковци;Прекинатите и скратени приградски линии најдоцна до утре ќе бидат пуштени и ќе сообраќат според предвидената траса.