Контакт

Македонија

Македонија влегува во нова декада

Објавено пред

Македонија, со пристигнувањето на новата 2010 година, влегува во нова, трета декада од своето постоење како независна држава. Деценијата што изминува Македонија ја дочека со пукотници, на работ на граѓанска војна, а сега државата е…

dobivaj vesti na viber

Македонија, со пристигнувањето на новата 2010 година, влегува во нова, трета декада од своето постоење како независна држава.

Деценијата што изминува Македонија ја дочека со пукотници, на работ на граѓанска војна, а сега државата е пред портите на НАТО, со статус на кандидат за членство во Европската унија и очекува датум за почеток на преговори за полноправно членство во унијата, додека граѓаните од неодамна можат слободно, без визи да патуваат во државите од шенген зоната.

Македонија во новата деценија влегува со речиси 2,1 милиони жители, додека според податоците од пописот во 2002 година имала 2,02 милиони жители. Просечно годишно се раѓале по 20 илјади бебиња, а  умирале околу 18-19 илјади лица. Околу 14 илјади двојки во деценијата што изминува, годишно ја крунисувале својата љубов со брак, додека се разведувале околу 1.200-1.300 бракови.

Електоратот во Македонија во изминатите десет години девет пати гласаше и тоа на еден референдум, по три парламентарни и локални избори, а два пати избираше претседател на државата.

Се менуваа многу работи во државата во деценијата што изминува, се случуваа подеми и падови во сите аспекти, а непроменети остануваат разликите за прашањето за името со Грција, големата поддршка за членството на Македонија во НАТО и ЕУ, како и големиот број на невработени, кој никако да се спушти под 30 насто од работоспособното население во земјата.

2001 година ќе ја паметиме како една од најтрагичните во поновата историја. Започна со востание на македонските Албанци, кои организирани во Ослободителната народна армија (ОНА) со оружје бараа поголеми права. Насилствата се разжестија во северните и северозападните делови на Македонија, каде пукотниците станаа секојдневие. Воениот конфликт заврши на 13 август 2001 со потпишување на Охридскиот рамковен договор, кој се уште се имплементира. Според официјалните податоци во конфликтот загинале 72. припадници на македонските безбедносни сили, а 270 биле ранети, додека ОНА досега не објави биланс на жртвите. Лоши вести од Македонија ги полнеа тикерите на светските медиуми, а судбината на земјата, се чинеше, беше во рацете на низа олеснувачи, кои доаѓаа, заминуваа и остануваа – Солана, Робертсон, Пердју, Леотар, Ле Роа, Фејт, Фровик…

Мирот се држеше на стаклени нозе и следната 2002 година. Припадниците на ОНА беа амнестирани, некои од нив влегоа во Парламентот. На изборите во септември загуби ВМРО-ДПМНЕ на чело со Љубчо Георгиевски. Премиер повторно стана социјалдемократот Бранко Црвенковски, а етничките Албанци масовно гласаа за Демократската унија за интеграција на водачот во конфликтот Али Ахмети.

Таа 2002 година, новинарите протестираа два пати. Еднаш откако министерот за внатрешни работи во владата на ВМРО-ДПМНЕ Љубе Бошкоски на вежба во Леуново наместо мета, погоди новинарка на „Дневник“, а втор пат кога „Лавовите“ упаднаа во радио станицата „Тумба“ и додека траеше програмата во живо, го истепаа кумановскиот новинар Зоран  Божиновски.

Полицајците и понатаму гинеа, а тогаш се случија и „Раштанските Лозја“ – убиството на седуммина пакистански емигранти, за што подоцна ќе му биде судено на Бошкоски.

Македонија, која беше дел од „Партнерството за мир“ за прв пат прати мировници во воена мисија на НАТО и тоа во Авганистан.

Следната 2003 година не беше многу поинаква. Мирот тешко се враќаше. Европската унија од НАТО ја презеде мировната мисија во Македонија и ја воспостави мисијата Проксима. И таа година имаше експлозии во Куманово, Сопот, па и во Скопје.

Сегашниот премиер Никола Груевски, застана на чело на ВМРО-ДПМНЕ на местото на Љубчо Георгиевски.

Ќе се памети и бегството на босот од Велешта Дилавер Бојку, кој од затворот во Струга замина без лисици на рацете, со својот автомобил. Беше вратен во Македонија, на издржување на казната, откако црногорската полиција го уапси во Улцињ.

Главни настани по кои ќе остане запаметена 2004 година се трагичната смрт на тогашниот македонски претседател Борис Трајковски во авионска несреќа кај Мостар, признавањето на уставното име Република Македонија од страна на САД, како и поднесувањето на апликацијата за членство на Македонија во Европската унија.

Таа 2004 година се случи и егзекуцијата на тројца кумановци во Ирак-Далибор Лазаревски, Зоран Насковски и Драган Марковиќ.

Често се пукаше во Кондово и покрај неколкуте акции за собирање на нелегалното оружје претходните години, а на чело на владата се сменија тројца премиери – Бранко Црвенковски, Хари Костов и Владо Бучковски. Црвенковски на претседателски избори го порази кардиологот  Сашко Кедев, кандидатот на опозиционата ВМРО ДПМНЕ.

Најдобрата вест во 2005 година за Македонија беше добивањето на статус кандидат за членство во Европската унија.

Таа година се одржаа и првите локални избори, по прекројувањето на територијалната поделба на земјата во 2004 година, како услов од Рамковниот договор. Граѓаните претходно на референдум ја поддржаа новата територијална поделба на земјата, која обезбедува поголеми права на етничките заедници во земјата.

На парламентарните избори 2006 година убедливо победи коалицијата предводена од ВМРО-ДПМНЕ. На чело на коалиционата влада со ДПА застана премиерот Никола Груевски, а лидерка на опозицијата стана Радмила Шеќеринска.

Најголем судир имаа партиите на Албанците во Македонија ДУИ  и ДПА, кои меѓусебе се обвинуваа за убиства, тепачки, на и по изборите.

НАТО на Самитот во Истанбул даде сигнал дека Македонија ќе добие покана за членство на наредниот состанок на врвот.

Следната 2007 година, ја одбележа трагичната смрт во сообраќајна несреќа на македонската поп икона Тоше Проески. Плачеше цела Македонија за прерано згаснатиот живот на пејачот и хуманист.

Во таа година имаше тепачка во Македонскиот парламент, меѓу пратеници на ДУИ, ПДП и ДПА. Колатерални жртви беа и новинарите – по тепачката беше удрен новинар на А1 телевизија, а ден подоцна беше претепан снимател на Алсат. Започна и судењето на екс министерот за внатрешни работи Љубе Бошкоски во Хашкиот трибунал за случајот Љуботен, а во големите пожари изгореа илјадници хектари шуми во целата земја.

Македонија во 2008 година ја дочека студен туш во Букурешт. Грција стави вето на поканата за членство во НАТО, условувајќи ја со решение за името.

Годината започна со трагичната хеликоптерска несреќа, во која загинаа 11 македонски мировници, на враќање од Босна.Парламентот се претвори во ринг за политички пресметки, а немањето кворум, доведе до предвремени избори. Груевски освои стабилно мнозинство и формираше коалициона влада со ДУИ. Изборите минаа со пукање и насилства во кои загина едно лице, а осуммина беа повредени. Нерегуларностите на изборите се преточија во дополнителен услов за Македонија на патот кон Европската унија.

Македонија при крајот на 2008 година ја призна независноста на Косово и покрај противењето на Србија.

Во 2009 година Македонија доби нов претседател на државата. Професорот Ѓорѓе Иванов, кандидат на ВМРО ДПМНЕ, го порази својот колега од СДСМ професорот Љубомир Фрчкоски. Општините добија нови градоначалници и советници. Најголем дел од нив се од ВМРО-ДПМНЕ, со што оваа партија обезбеди речиси апсолутна власт во земјата.

Најзначајни настани во годината што изминува се укинувањето на шенгенските визи за македонските граѓани и позитивниот извештај на Европската комисија со препорака за почеток на преговори за членство во Европската унија. Одредувањето на датумот за почеток на преговори со Брисел, зависи од решавањето на спорот за името со Грција, и е оставено за првата половина од 2010 година. /крај/



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Мицкоски: Динамиката за изградба на инфраструктурни проекти е исклучително добра и очекувам уште многу убави вести за граѓаните

Објавено пред

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа како тече изградбата на ветените патишта низ државата, изјави:

dobivaj vesti na viber

„Изградбата, ако се спореди со тоа како напредува сега и каква беше во истиот период, да речеме пред една или две години, можам да кажам дека разликата е десеткратно подобрена, во насока на динамиката.

Сведоци бевте на почетокот на годината дека се пуштија во употреба неколку експресни делници, меѓу кои и делницата Чатал-Длабочица-Крива Паланка, односно Страцин-Крива Паланка. Исто така делницата од Градско до Дреново практично сега треба да биде комплетирана. Да се продолжи и понатаму со реализација на овие проекти.

Понатаму со несмалена динамика се реализираат и коридорите 8 и Коридорот 10Д, тоа што беше заглавено со години сега се одглавува, веќе фронтот е отворен. Очекувам дека до крајот на следниот месец експропријацијата, имотно-правните односи ќе бидат разрешени, со што се отвара фронт за градежните компании.

Истовремено се бара решение за делницата Требениште-Ќафасан, бидејќи знаете дел од таа делница е во периметар заштитен со УНЕСКО, се разговара со компанијата изведувач. Истовремено со не смалена динамика се работи на делницата од Кичево до Охрид. Очекуваме од Врбјани до Охрид, со исклучок на делот кај Ботун, да биде, исто така пуштена.

Првата секција од пругата кон Бугарија, Куманово-Бељаковце е пуштена, се работи на делот од Бељаковце до Крива Паланка. Се разговара со источниот сосед, со Бугарија на високо ниво околу третата секција и делот којшто припаѓа во Бугарија“, истакна Мицкоски и додаде:

„Бидејќи кажав и вчера, ќе повторам, Коридорот 8 подразбира поврзување на Драч и Бургас. Коридорот 8 не подразбира поврзување на Куманово и Крива Паланка. Затоа сакаме да знаеме јасно какви се плановите на нашите соседи. Ние нашето си го завршуваме, граѓаните ги плаќаат кредитите што ние ги земаме како држава и градиме. Сакаме да видиме што ќе се случува во Бугарија и во Албанија, тоа е практично Коридорот 8. Така што ценам дека динамиката е исклучително добра и очекувам во периодот којшто следи уште многу убави вести за македонските граѓани.“

Прикажи повеќе...

Македонија

Мицкоски со апел до парламентарни партии: Да обезбедиме општествен консензус за промените во Судскиот совет

Објавено пред

„Јас очекував дека СДСМ ќе биде порационален во своите изјави. И сега тоа што го прочитав навистина за мене беше неочекувано, мислев дека еднаш ќе застаневме заедно за да обезбедиме национален консензус и заеднички да работиме на промените, да не биде еднострано, да не бидеме ние обвинети дека ете правиме нешто кое што е дел од коалицијата која што е во Владата.“ вели претседателот на Владата Христијан Мицкоски одговарајќи на новинарско прашање како ги коментира обвинувањата на Венко Филипче за партизација на Судскиот совет.

dobivaj vesti na viber

Премиерот Мицкоски упати апел до сите парламентарни партии да се вклучат и заеднички да работата на промените се со цел да се обезбеди општествен консензус.

„Јас ги поканувам сите парламентарни партии заеднички да го работиме овој процес, да биде инклузивен. Еве да направиме една нова пракса, да обезбедиме еден општествен консензус дека ни се потребни промени и заеднички да работиме тие промени да се случат. Но, не може никако причината да стане решение. Сега причината за ваквата состојба во судството, а тоа е Владата која што 7 години беше таму каде што беше и позади кои што одлуки има многу контроверзии и скандали, посебно во судството, не сакам да ве потсетувам на оној шверцерски поминат Кривичен законик со европско знаме, сега тие од една страна се претставуваат себеси како решение. Процесот треба да е инклузивен, да имаме општествен консензус.“, вели тој и додаде:

„Еве не сакаме ние да имаме ексклузивно право само ние да ги правиме тие измени, ги повикувам сите пратеници во Парламентот ако се согласуваат дека треба да се распушти овој Судски совет кој што тие го гласале, ги повикувам кога ќе дојде точката на дневен ред да гласаат, во насока на тоа да бидат разрешени овие членови на Судскиот совет.

А, потоа заедно во еден инклузивен процес да најдеме луѓе кои што ќе мониторираат и ќе бидат тие кои што ќе идентификуваат судии кои што злоупотребуваат тоа што се судии и кои што се причинители би рекол поради нивните контроверзни одлуки на некои процеси кои не треба да ни се случуваат.“

Прикажи повеќе...

Македонија

Тошковски: Ќе набавиме тестови за дрога за сообраќајната полиција, можност за трајно одземање возило при најтешки услови за безобѕирно возење

Објавено пред

Министерот Тошковски во своето излагање дефинира неколку најважни точки на предлог законските измени и унапредувања, кои ќе го зајакнат системот со цел унапредување на безбедноста во сообраќајот:

dobivaj vesti na viber

„Ревидирање на законските одредби што ги регулираат сообраќајните прекршоци, конкретно сметам дека мора да го ревидираме членот 297а од Кривичниот законик, кој се однесува на безобѕирно возење, односно јасно да се разграничи од постојните одредби што регулираат сообраќајни прекршоци во ЗБСП во делот на брзото возење и наместо алтернативно да се изрекувва глоба, таа кумулативно да се изрекува со казна затвор.
– Проширување на можностите на системот „Безбеден град“ да препознава нерегистрирани возила;
– Набавка на тестови за дрога. Веќе сме во подготвителна фаза за набавка и на тестови за дрога, нешто што досега никогаш не било имплементирано, а според анализите, возењето под дејство на опојни дроги е исто толку опасно како и возењето под дејство на алкохол;
– Одземање на возилото при најтешките случаи на безобѕирно возење;
– Инкриминирање на управување моторно возило без положен возачки испит;
– Дигитализација и целосно поврзување на МВР со судовите, со цел полесна евиденција на изречените забрани за управување со моторно возило;
– Целосно имплементирање на системот „Безбеден град“, кој ќе гарантира дека санкциите се спроведуваат доследно и континуирано;
– Аплицирање промени што ќе овозможат системот да дава ефективна контрола и строги санкции за рецидивистити преку институционална вмреженост и ефикасна размена на податоци помеѓу институциите. Еден од поголемите проблеми што ги имаме во контекст на сообраќајната безбедност е огромниот расчекор помеѓу бројот на пријавени и осудени прекршители. Постојат многу случаи во кои луѓе што сториле тешки кривични дела во сообраќајот поминуваат со минимални или дури и условни казни. Казните, колку и да се високи на хартија, не значат ништо ако тие не се изрекуваат, а уште помалку ако не се спроведуваат. Ние мораме да го разбиеме овој систем на компромиси и полуправда, односно неправда.

Министерот потенцира дека одлуките што ќе се донесат на самата расправа ќе бидат пресудни за тоа дали ќе изградиме општество во кое владее ред и закон или ќе продолжиме да живееме во средина во која беззаконието и неказнивоста стануваат норма и дека ова е можност што не смее да се пропушти да се направи вистинската промена, промена што ќе спаси животи, што ќе донесе правда и што ќе обезбеди систем што ќе функционира за сите граѓани еднакво.

Прикажи повеќе...

Најново

Македонија27 минути

Тошковски: Фросина Кулакова не е само име на прекрасна млада девојка со соништа и живот пред себе, таа стана симбол на неправдата што трае предолго

Министерот за внатрешни работи Панче Тошковски вели дека случајот на Фросина Кулакова стана симбол на неправдата што трае предолго, на...

Македонија34 минути

Филков: На сторителите што третпат ќе се најдат на суд за прекумерна брзина или возење под дејство на алкохол ќе им биде одземена возачката дозвола

Министерството за правда смета дека постои сериозна потреба за понатамошно разгледување и анализа на постојната законска регулатива. Фокусирани сме на...

Македонија2 часа

Јаневска за дојавите за бомби: Апелираме до наставниците за комуникација да ги користат исклучиво службените електронски адреси креирани од МОН

Апелираме до наставниците и другите вработени во училиштата за комуникација да ги користат исклучиво службените електронски адреси што се креирани...

Скопје4 часа

МВР: Проверките покажуваат дека станува збор за лажни пријави

Министерството за внатрешни работи извести дека по мноштвото пристигнати пријави за наводно подметнати експлозивни направи во повеќе основни и средни...

Македонија4 часа

Почина Игор Југ, еден од осудените за „27 април“

На 54-годишна возраст почина Игор Југ, еден од осудените за случајот „27 април“. Тој беше осуден на 12 години затвор,...

Македонија4 часа

Обвинение против четири лица инволвирани во изведбата на проектот за фасада и илуминација на зградата на Владата

По спроведена истражна постапка, Основното јавно обвинителство за гонење организиран криминал и корупција до Основниот кривичен суд Скопје поднесе обвинителен...

Скопје4 часа

Нормализирана наставата во училиштата во Скопје по дојавите за бомби

По утринските дојави за бомби во шест основни училишта во општина Аеродром, тимови на МВР веднаш излегоа на терен и...

Регион5 часа

Вучиќ: Курти цело време има наполнетa пушка и сака да пука во Србите

Претседателот на Србија Александар Вучиќ изјави дека премиерот на Косово Албин Курти, секогаш има наполнета пушка и сака да пука...

Европа7 часа

Човекот што најверојатно ќе го наследи Шолц: Ова повеќе не е Америка што ја знаеме

Фридрих Мерц (ЦДУ), конзервативниот фаворит за нов германски канцелар, изрази загриженост за насоката во која се движат САД во вториот...

Европа7 часа

Зеленски: Подготвен сум да разговарам со Путин за завршување на војната, проблемот е што тој се плаши

Украинскиот претседател Володимир Зеленски изрази подготвеност да се сретне со рускиот претседател Владимир Путин за да разговараат за политичките и...

Свет7 часа

Трамп воведува санкции за Меѓународниот кривичен суд

Американскиот претседател Доналд Трамп синоќа потпиша извршна наредба за воведување санкции на Меѓународниот кривичен суд, обвинувајќи го за „преземање незаконски...

Македонија17 часа

Северна Македонија има проблем со Брисел, а не со Софија, вели министерот на бугарското МНР

Шефот на бугарската дипломатија дециден дека секоја земја мора да ги почитува критериумите и да се придржува до нив. „Францускиот...

Економија24 часа

Неправилности со распишани тендери, службени возила и договори за вработени – ревизијата во Министерството за економија констатира низа прекршувања

Министерот за економија и труд, Бесар Дурмиши, информира за спроведената ревизија во Министерството за економија и труд, која констатирала низа неправилности,...

Македонија1 ден

Секој има право да поднесе иницијатива до Собранието, но разрешувањето на Судскиот совет е предвидено единствено со закон, вели Камбовски

Претседателот на Судскиот совет, Александар Камбовски, претпладнево рече дека не е известен за инцијативата за разрешување на членовите на Судскиот...

Македонија1 ден

„Од ‘Соравија’ ли ќе ги вратиме или од ‘ролс-ројсот’?“, праша Мицкоски за 50-те милиони солидарен данок што треба да им се врати на компаниите

Владата ја разгледува можноста да се побара одговорност од нивните претходници, кои го воведоа солидарниот данок, по вчерашната одлука на...

Македонија1 ден

Мицкоски очекува по изгласувањето интерпелација, членовите на Судскиот совет да бидат доблесни и сами да се повлечат

Граѓаните не се задоволни од начинот на кој функционира судско-обвинителскиот систем кај нас. Тоа е едно мочуриште, кое изобилува со...

Топ1 ден

Загина 46-годишник од Струмичко: бил прегазен од камион

Вчера во 15.35 часот во Полициската станица Струмица било пријавено дека на бул.„Гоце Делчев“ во Струмица, товарно возило – влекач...

Македонија1 ден

Истрага за поткуп и проневера во СОЗР: ОЈО со детали за измамата

По спроведена претходна постапка, јавен обвинител од Основното јавно обвинителство Скопје денеска донесе наредба за спроведување истражна постапка против две...

Македонија1 ден

Продолжува потрагата по Миле Тодоров, кој исчезна пред осум дена

Миле Тодоров дал отказ на работното место во Кавадарци и се упатил кон Неготино. Бил облечен во работничко одело,бело палто...

Македонија1 ден

Брат министер, брат началник, татко советник – ќе реагира ли антикорупциска на скандалите на ВМРО-ДПМНЕ, прашува СДСМ

„Државната комисија за спречување корупција итно треба да постапи во случајот Андоновски и непотизмот кој царува во Владата на Мицкоски....