Македонија
Богата новогодишна прослава во Скопје

Новогодишната забава во Скопје, која започна во понеделник, кулминира последниот ден од страта 2009 година.На 31-ви, за најмладите забавата почнува на градскиот плоштад, од 11 часот и 30 минути, со богата програма. Предвидена е театарска претстава за деца
Новогодишната забава во Скопје, која започна во понеделник, кулминира последниот ден од страта 2009 година.
На 31-ви, за најмладите забавата почнува на градскиот плоштад, од 11 часот и 30 минути, со богата програма. Предвидена е театарска претстава за деца, настап на детски хор и пристигнување на Дедо Мраз.
Забавата за возрасните почнува од 20 часот, со настап на Есма Реџепова, а потоа и на Владо Јаневски, Џибони и „Прљаво казалиште“ од Хрватска и „Мањифико“ од Словенија.
Новогодишна забава ќе има и на Скопскиот саем, во првата и во третата хала, каде покрај македонскиот музичар, композитор и диџеј Кирил Џајковски и „Горилаз Саунд Систем“, ќе можат да се слушнат диџеи и од Велика Британија и Израел.
Град Скопје годинава покрај плоштадот „Македонија“ ги украси и паркот „Жена борец“, деловите околу Владата, Универзитетската библиотека „Св. Климент Охридски“, Судската палата и булеварот „Партизански одреди“.
Организатори на новогодишната програма се Град Скопје и телекомуникацискиот оператор „ОНЕ“.
Минатите неколку денови на градскиот плоштад скопјани ги забавуваа и “Леб и сол“,Ареа, Дарио, Елена Ристевска, Јован Јованов, хрватска пејачка Даниела Мартиновиќ, „Битлси реал Трибјут“ од Србија, Митан Проџект и Андријана Јаневска, групите „Фолтин“, „Суперхикс“, „Беј Д Фиш“, како и Ѕвонко Богдан од Србија /крај/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и топло со мала до умерена облачност, попладне услови за краткотраен дожд

Времето денеска ќе биде сончево и топло со мала до умерена облачност. Попладне ќе има услови за изолирана појава на краткотраен дожд и ретки грмежи. Ќе дува слаб до умерен ветер претежно од западен правец. Минималната температура ќе биде во интервал од 8 до 13, а максималната ќе достигне од 22 до 29 степени.
Во Скопје, сончево и топло со умерена облачност. Ќе дува слаб до умерен ветер од северозападен правец. Минималната температура ќе се спушти до 12, а максималната ќе достигне до 28 степени.
Времето во наредните денови
Следува период на променливо облачно, топло и нестабилно време со локален пороен дожд, грмежи и засилен ветер, наместа во форма на краткотрајно невреме.
Македонија
Делови од Кисела Вода и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.30 часот, објектите на фирмите Сојуз на Здружение на Возачи и Елмиго, корисниците од улиците Драчевска, Андреја Петковиќ, Славка Динкова, Гандиева, Ниже Планина, Јакупица, Атанас Разлов и корисниците од околните стопански и нестопански објекти, општина Кисела Вода, како и корисниците од ул. Иван Цакар – поголем број од парните броеви, општина Ѓорче Петров.
Македонија
Кривична против 38-годишниот скопјанец кој ја уби својата невенчана сопруга

СВР Скопје го расчисти убиството кое на 3 мај, околу 15 часот во скопската населба Шуто Орузари го изврши 38-годишниот Н.А. од Скопје, кој што при семејна расправија со нож ја лишил од живот својата невенчана сопруга Р.А. (36) од Скопје. Откако ја убил Р.А., сторителот се дал во бегство, но по преземени мерки и активности, тој е лишен од слобода при обид да ја помине државната граница на ГП Табановце.
На местото на настанот е извршен увид во присуство на Јавен обвинител и обдуценти од Институтот за судска медицина и криминалистика, по што телото на починатата е пренесено на ИСМК за обдукција. Дополнително, утврден е идентитетот на Д.С. (32), кој му помогнал на сторителот и го превезол до ГП Табановце, а му помогнал и да ја фрли облеката што сторителот ја носел во време на извршувањето на кривичното дело, која потоа од страна на полициските службеници е пронајдена и подигната за вештачење, а Д.С. е лишен од слобода.
Исто така, пронајден е и ножот со кој сторителот го извршил кривичното дело.
По обезбедување на доказниот материјал, од страна на Единицата за насилен криминал при СВР Скопје до ОЈО Скопје поднесена е кривична пријава во итна постапка против Н.А. за кривично дело “Убиство” по чл. 123 ст.2 т.2 од КЗ и против Д.С.за кривично дело “Помагање на сторител по извршено кривично дело” по чл. 365 ст. 3 од КЗ.