Македонија
Хоризонт: Министерството за труд да ја исплати социјалната помош

Додека министрите и државни службеници уживаат во хотелите и во благодетите што им ги нуди државата, социјалните случаи мака мачат како да го дочекаат утрешниот ден. Ова го рече претседателот на невладината организација Хоризонт, Ивица Младенов на прес конференцијата
Додека министрите и државни службеници уживаат во хотелите и во благодетите што им ги нуди државата, социјалните случаи мака мачат како да го дочекаат утрешниот ден.
Ова го рече претседателот на невладината организација Хоризонт, Ивица Младенов на прес конференцијата одржана в недела во знак на протест поради доцнењето на надоместокот за социјална помош.
Ако има пари за реновирање на кабинетите во Министерството за труд и социјална политика(МТСП) тогаш зошто нема пари за 20 000 граѓани кои примаат социјална помош. Знаете ли како е да се нема пари за време на празниците?“-запраша Младенов.
Тој рече, дека државниот секретар во МТСП, Ардијан Мучан пред празниците им ветил дека до Нова Година ќе биде исплатена социјалната помош, но тоа сеуште не е направено. Причината за доцнењето биле наводни проблеми во трезорот.
„ Од „Хоризонт Македонија“ се сомневаат дека исплатата на парите доцни затоа што министерството е банкрот.
„Претпоставуваме дека нема пари во министерството. Да имаше досега ќе ги исплатеа. Јас мислам дека се работи за лошо менаџирање со министерството“ изјави Младенов.
Младенов информираше дека министерството на 50-ина луѓе им доделила еднократна помош од 15 000 до 30 000 денари но не ја знаат причината поради која тие луѓе биле селектирани.
Од Министерството досега не ја демантираа исплатата на еднократната помош за 50-ината граѓани, но не сакаат коментираат бидејќи според нив тоа е државна тајна. Оддтаму одговор на прашањата од Хоризонт најавија за понеделник./крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски-Спајиќ: во фокусот посветеноста на европската интеграција на Западен Балкан

Во пресрет на утрешниот Самит ЕУ – Западен Балкан, денеска министерот за надворешни работи и надворешна трговија, Тимчо Муцунски, оствари средба со премиерот на Црна Гора, Милојко Спајиќ.
Двајцата се дел од овогодинешната група добитници на признанието „Млад глобален лидер“ (YGL) на Светскиот економски форум – мрежа која веќе две децении обединува исклучителни личности под 40 години кои предводат позитивни промени ширум светот.
Програмата за млади глобални лидери е симбол на колективна акција и визија, поттикнувајќи нови форми на лидерство во ера на глобални трансформации. Тоа што двајца политичари од Западен Балкан се дел од оваа заедница е потврда за промените што оваа генерација ги носи во регионот, информираат од МНР.
На средбата се разговараше за зајакнување на билатералната и регионалната соработка, како и за потврдување на заедничката посветеност на европската интеграција на Западен Балкан – како дел од визијата за обединета, просперитетна и силна Европа.
Македонија
МВР: Од 1 јули летен режим на сообраќај за тешки товарни возила

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, соопшти МВР.
Забраната се однесува за следните термини:
петок од 17:00 – 22:00 часот
сабота од 09:00 до 19:00 часот
недела од 09:00 до 22:00 часот
Во деновите со екстремно високи температури, определени од Министерство зa здравство, забраната ќе важи и од понеделник до четврток во период од 11:00 до 17:00 часот.
Специјален сообраќаен летен режим за тешки товарни возила се воведува и на патниот правец А2 Скопје – Охрид – Скопје во периодот од 01.07.2025 до 01.09.2025, и тоа:
Од понеделник до четврток од 11:00 до 17:00 часот, само во денови со екстремно високи температури определени од Министерството за здравство:
петок од 17:00 – 22:00 часот
сабота од 07:00 до 12:00 часот и од 18:00 часот до 24:00 часот и
недела од 07:00 до 22:00 часот
– Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
Македонија
Пренасочување на возилата поради сообраќајка на патот Демир Хисар – Кичево

Од 19:10 часoт има пренасочување на сообраќајот на патниот правец Р1305 Демир Хисар – Кичево поради случена сообраќајна незгода, возилата ќе бидат пренасочени преку с.Единаковци, соопшти АМСМ.
Сообраќајот на државните патишта се одвива непречено, по суви коловози.
Според последното известување од АМСМ, интензитетот на сообраќај на патните правци надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.