Македонија
Преполовен бројот на гости во Охрид

Значително е намален бројот на гостите во Охрид за време на празниците во споредба со другите години.
Значително е намален бројот на гостите во Охрид за време на празниците во споредба со другите години.
Ова во интервју за бугарската агенција Фокус го изјави претседателот на Асоцијацијата на хотелиери на Македонија, Дончо Таневски.
Според информациите на Таневски за време на новогодишните празници во Охрид престојувале близу 10.000 туристи.
“Станува збор за бројка помала во споредба со другите години. Можам да кажам дека кризата се одрази на туризмот во Охрид. Ако минатите години сме угостувале помеѓу 15.000 и 20.000 туристи сега таа бројка се сведува на 10.000”, изјави Таневски за Фокус.
Најголема навалица од гости имало за време на католичкиот Божик и Нова Година, а најбројни биле туристите од Србија, Бугарија, Албанија и Косово.
Најголемиот дел од нив отседнале во хотели или апартмани.
Таневски рече дека на туристичката сезона и работата на угостителските објекти може да се одрази и забраната за пушење што стапи на 1 јануари.
“Треба да помине малку време за да видиме како ќе се одрази забраната за пушење на јавните места. Има колеги кои ќе бидат засегнати од овој закон”, истакна Таневски. /крај/фокус/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.