Македонија
Папандреу: Грција сака спорот со името да биде решен

„Грција сака дефинитивно прашањето со името на ПЈРМ да биде разрешен, а нашиот став и нашата национална црвена линија се јасни“. Ова во интервју за весникот „Вечерње Новости“ го изјави грчкиот премиер Јоргос Папандреу, кој во понеделникот допатува во официјална посета на Србија.
„Грција сака дефинитивно прашањето со името на ПЈРМ да биде разрешен, а нашиот став и нашата национална црвена линија се јасни“.
Ова во интервју за весникот „Вечерње Новости“ го изјави грчкиот премиер Јоргос Папандреу, кој во понеделникот допатува во официјална посета на Србија.
„Презедовме важен чекор истакнувајќи дека ќе прифатиме име со географска одредница и очекуваме нашиот сосед да стори нешто слично, за да се најдеме на половина пат“, рече Папандреу.
Според него постојат две варијанти, „или ќе пронајдеме взаемно прифатливо решение во духот на блиска соработка, или ќе продолжиме да го обновуваме проблемот со заземање на екстремни ставови и правејќи ја националистичката и понекогаш и иредентистичка реторика наша секојдневна политичка храна.
Папандреу во интервјуто за „Вечерње Новости“ ја образложува и грчката иницијатива, според која западнот Балкан би требало во 2014 година да стане дел до европското семејство.
„Грција сака да биде моторна сила на европските интеграции во регионот. Покрај поддржувањето во напорите на нашите соседи да ги задоволат европските критериуми, ќе ги потсетуваме нашите партнери дека во ЕУ дека наша одговорност е овој голем мировен проект да го прошириме во земјите на југоисточна Европа“, рече Папандреу./крај/вн/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.