Тутунопроизводителите се задоволни од произведеното и откупеното од минатата реколта. Ова денеска беше констатирано на состанокот меѓу претставници на Министерството за земјоделство, шумарство и водостопанство и на претставниците на тутунопроизводителите.

Тутунопроизводителите се задоволни од произведеното и откупеното од минатата реколта. Ова денеска беше констатирано на состанокот меѓу претставници на Министерството за земјоделство, шумарство и водостопанство и на претставниците на тутунопроизводителите. Тие се задоволни од постигнатата просечната цена од 192 денари за трите класи тутун. Но најавија дека, наместо досегашната цена на класата Басма од 205 денари за килограм ќе побараат да се зголеми на 230 денари, поради трошоците за нејзино производство. „Перспективата на тутунот во Македонија е добра. Имаме сериозни откупни претпријатија. Оваа година сме презадоволни. Државата си ја врши својата работа. Генерално, откупот заврши како што треба“, вели Живко Тасевски, секретар на Сојузот на здруженијата на тутунопроизводителите. Со произведените 22.000 тутун во 2009-та година се задоволни и од надлежното министерство. Ветуваат откуп на целокупното производство и во 2010-та година. „Ние не смееме да влеземе во една таква ризична ситуација и да ги ставиме во вонредни трошоци тутунопроизводителите да посадат нешто за кое подоцна ќе има проблем со пласманот.Ние мораме да ги дефинираме тие две работи за да влееме сигурност кај земјоделците дека откупот од 2009-та ќе се повтори во 2010 година“, вели Љупчо Димовски, министер за земјоделство, шумарство и водостопанство. Тој очекува зголемување на производството во 2010-та за околу 30 отсто, односно околу 27.000 тони тутун. /крај/ач