Грција не сака да блокира, туку сака да го реши проблемот со името, изјави денеска грчкиот премиер Јоргос Папандреу, одговарајќи на прашањето на Андреј Жерновски од ЛДП, на седницата за пратенички прашања во Советот на Европа.

Грција не сака да блокира, туку сака да го реши проблемот со името, изјави денеска грчкиот премиер Јоргос Папандреу, одговарајќи на прашањето на Андреј Жерновски од ЛДП, на седницата за пратенички прашања во Советот на Европа. Папандреу истакна дека овој проблем е тежок, но дека мора да се изнајде заеднички прифатливо решение и дека тоа решение ќе се случи во скоро време. „Време е да направиме чекор напред“, рече Папандреу, одговарајќи на поранешната шефица на грчката дипломатија Дора Бакојани, која се интересираше дали гледа промени во однесувањето на премиерот Никола Груевски и дали има причини за оптимизам. Според грчкиот премиер, соработката и преговорите мора да продолжат, а агендата 2014. со која се предвидува сите земји од Западен Балкан да бидат вклучени во Европската унија, важи и за Македонија. „Со оваа агенда ќе дадеме дополнителна динамика за спроведување на реформите, но и за решавање на билатералните проблеми што постојат меѓу земјите на Балканот“, рече Папандреу. Тој уште еднаш ја повтори грчката позиција, едно сложено име за севкупна употреба и изрази надеж дека и од македонска страна ќе бидат прифатени неговите иницијативи. /крај/ст